«Տուշպա» գինու և կոնյակի գործարանը գտնվում է Տափերական գյուղում ՝ Բիբլիական Արարատ լեռան մոտ: Խաղողի այգու տարածքը ծովի մակարդակից մոտ 800 մ բարձրության վրա է: «Տուշպա»-յի յուրահատուկ այգիները հանդիսանում են արտադրվող գինիների և կոնյակների որակն ապահովող հիմնական գործոններից մեկը: Այստեղ գինու և կոնյակի պատրաստման ուրույն ավանդույթները սկիզբ են առնում գործարանի սեփականատիրոջ նախնիների արմատներից, որոնք Վանից են: «Տուշպա»-ն պատիվ է ունեցել սեփական արտադրության գինին մատուցել Հռոմի պապ Ֆրանցիսկոսին:
Այցելուներին առաջարկվում են համտեսի հետևյալ փաթեթները.
- Տարբերակ 1` 3 տեսակ գինու և 1 տեսակ կոնյակի համտես՝ անձը 5 000 AMD;
- Տարբերակ 2` 3 տեսակ գինու և 1 տեսակ կոնյակի համտես + ճաշ՝ անձը 15 000 AMD (խումբը պետք է բաղկացած լինի առնվազն 2 հոգուց):
Ամրագրումները հարկավոր է կատարել նախապես:
