0
  1. Գլխավոր
  2. Տուրեր
  3. Տուր փաթեթ

Տուր փաթեթներ Հայաստանում

date picker
Ընտրել

  • Մեծահասակ (տարիքը՝ 8+)

  • Երեխա (տարիքը՝ 3-8)

  • Նորածին (տարիքը՝ 0-3)

Տրանսֆերներ

Տրանսֆերներ

Գիշերակաց հյուրանոցում

Գիշերակաց հյուրանոցում

Չեղարկումը 48ժ առաջ՝ անվճար

Չեղարկումը 48ժ առաջ՝ անվճար

Խմբային տուրեր՝ էքսկուրսավարով

Խմբային տուրեր՝ էքսկուրսավարով

Նախաճաշեր հյուրանոցում

Նախաճաշեր հյուրանոցում

Արդյունքներ՝

34

Մեկնարկը՝ Երկուշաբթի օրերին

Մեկնարկը՝ Երեքշաբթի օրերին

Մեկնարկը՝ Չորեքշաբթի օրերին

Մեկնարկը՝ Հինգշաբթի օրերին

Մեկնարկը՝ Ուրբաթ օրերին

Տարածել՝
Հիշարժան արձակուրդնե՞ր: Կատարյալ հանգի՞ստ: Ճանաչողական էքսկուրսիանե՞ր: Այս ամենը կգտնեք մեր տուր փաթեթներում, որոնք մշակույթի, պատմության և բնապատկերների անթերի միասնություն են: Հարմարավետ հյուրանոցը, տրանսֆերներն ու էքսկուրսիաները մենք հոգացել ենք. ձեզ մնում է ... ժամանել Հայաստան:

Բացահայտեք Հայաստանի հինավուրց վանքերը, գեղատեսիլ լեռնային տեսարաններն ու ազգային ավանդույթները՝ հատուկ մշակված ծրագրերի շնորհիվ։ Մեր տուրերը կազմված են մատչելի և անհոգ շրջագայություն ապահովելու համար։ Ամրագրեք ձեր տուր փաթեթը Հայաստանում հենց հիմա և ձեր ճանապարհորդությունը դարձրեք իսկապես անմոռանալի։

Հաճախ տրվող հարցեր

Ինչու՞ Հայաստանով ճանապարհորդելիս ընտրել «Հյուր սերվիս»-ի տուր փաթեթը:

«Հյուր սերվիս»-ը Հայաստանի զբոսաշրջության ոլորտում վստահելի և փորձառու ընկերություն է, որն առաջարկում է անթերի մշակված երթուղիներ, հմուտ էքսկուրսավարներ, ինչպես նաև պարգևում անմոռանալի հուշեր: Մեզ համար Ձեր հարմարավետությունն ու հանգիտն առաջնային են. մենք պետք է վստահ լինենք, որ Ձեր ճամփորդության ամեն պահը հիշարժան է:

Մեր տուր փաթեթները շատ ճկուն են, ինչը թույլ է տալիս վերջիններս սկսել Հայաստան ժամանման Ձեր նախընտրելի օրվանից: Կարող եք ընտրել տարբեր տևողությամբ փաթեթներից՝ 4-օրյա, 5-օրյա, 6-օրյա կամ 7-օրյա էքսկուրսիաներ՝ հարմարեցված Ձեր ժամանակացույցին:

Բացի այդ, մեր տուր փաթեթի գները բավականին հասանելի են, ինչը կհեշտացնի ուսումնասիրել Հայաստանը՝ առանց որակի կամ տպավորությունների փոխզիջման գնալու:

Որո՞նք են լավագույն տուր փաթեթները նրանց համար, ովքեր Հայաստան առաջին անգամ են այցելում:

Հայաստան առաջին անգամ այցելողներին խորհուրդ կտանք Հայաստանով մեր դասական տուր փաթեթները, որոնց մեջ ընդգրկված են ամենահայտնի տեսարժան վայրերը, ներառյալ՝ Երևանը, Սևանա լիճը, Գառնու տաճարը և անկրկնելի Տաթևի վանքը: Այս էքսկուրսիաները համապարփակ պատկերացում կտան Հայաստանի հարուստ պատմության, վառ մշակույթի և ապշեցուցիչ բնության մասին:

Հայաստանի տեսարժան վայրերը լիարժեք վայելելու համար առաջարկում ենք ընտրել 1 շաբաթ տևողությամբ տուր փաթեթ. Դուք բավականաչափ ժամանակ կունենաք՝ ուսումնասիրելու երկրի բազմաթիվ մշակութային վայրերը և զգալու դրանց անկրկնելի հմայքը: Անկախ նրանից՝ Ձեզ գրավում են հնագույն տեսարժան վայրերը, թե գեղատեսիլ տեսարանները, այս տուր փաթեթները Հայաստան Ձեր այցի կատարյալ սկիզբը կդառնան:

Ի՞նչ է ներառված Ձեր կողմից առաջարկվող տուր փաթեթների մեջ:

Յուրաքանչյուր տուր փաթեթ ներառում է հյուրանոցային ծառայություն, խմբային էքսկուրսիաներ՝ էքսկուրսավարների ուղեկցությամբ և օդանավակայան(ից) տրանսֆեր ծառայություն: Մեր փաթեթները ներառում են նաև տարատեսակ ժամանցային տեղեր՝ մշակութային ու բնության տեսարժան վայրերից մինչև խոհարարական վարպետաց դասեր և գինու համտեսներ: Փաթեթից կախված՝ մանրամասները տարբեր են, ուստի ստուգեք յուրաքանչյուր փաթեթի էջի հստակ տեղեկությունները:

Ի՞նչ հյուրանոցներ են ներառված տուր փաթեթների մեջ:

Մեր տուր փաթեթները ներառում են հարմարավետ գիշերակաց 3 և 4 աստղանի հյուրանոցներում, որոնք տեղակայված են Երևանի կենտրոնում՝ ապահովելով հեշտ հասանելիություն դեպի քաղաքի գլխավոր տեսարժան վայրեր:

Եթե ​​ունեք որևէ նախասիրություն, խնդրում ենք նախապես տեղեկացնել մեզ։

Արդյո՞ք սնունդը ներառված է տուր փաթեթների մեջ:

Մեր տուր փաթեթները ներառում են նախաճաշ (որը մատուցվում է հյուրանոցում) և այն արդեն իսկ ընդգրկված է տուր փաթեթի արժեքի մեջ։

Ճաշ. վճարը ներառված չէ տուր փաթեթի արժեքի մեջ։ 6 ժամից ավելի տևողությամբ էքսկուրսիաների համար նախատեսվում է ճաշի համար կանգառ: Մենք հատուկ պայմանավորվածություններ ունենք տեղական ռեստորանների հետ, ինչի շնորհիվ մեր հյուրերին միշտ առաջարկվում են գին/որակ հարաբերակցությամբ ճաշի լավագույն տարբերակները: Ճաշացանկը տրամադրվում է նախապես՝ տրանսպորտային միջոցում՝ նախքան ռեստորան հասնելը։ Այսպիսով, Դուք կարող եք ընտրել ճաշացանկում առաջարկվող 4 տարբերակներից մեկը: Ռեստորանում յուրաքանչյուր մասնակից վճարում է իր ճաշի համար։ Խնդրում ենք Ձեզ հետ ունենալ կանխիկ հայկական դրամ, քանի որ կրեդիտ քարտերը միշտ չէ, որ այնտեղ ընդունվում են:

Ընթրիք. վճարը ներառված չէ տուր փաթեթի արժեքի մեջ։ Դուք կարող եք ընթրել Ձեր հյուրանոցում կամ այցելել Երևանի կենտրոնում գտնվող տարբեր ռեստորաններ, որոնք առաջարկում են յուրաքանչյուր ճաշակի համապատասխան բազմատեսակ ուտեստներ:

Այս ճկուն մոտեցումը թույլ կտա Ձեզ վայելել սեփական նախասիրություններին հարմարեցված ճաշատեսակները՝ համտեսելով հայկական խոհանոցի լավագույն ուտեստները:

Ի՞նչ է ներառված ճաշի մեջ՝ էքսկուրսիաների ընթացքում:

Ճաշացանկը կախված է Ձեր կողմից ընտրված տարբերակից և սովորաբար ներառում է հիմնական ուտեստ՝ խավարտով, 2-3 տեսակի աղցան, պանիր, կանաչեղեն, մածուն, ջուր և թեյ կամ սուրճ: Տարբերակներից մեկը նախատեսված է բուսակերների համար, իսկ մյուսն առաջարկում է միայն աղցանների և նախուտեստների ընտրանի՝ ապահովելով ճկունություն՝ յուրաքանչյուր հյուրի ճաշակին և նախասիրություններին համապատասխան:

Ո՞ր լեզուներով են անցկացվելու էքսկուրսիաները՝ տուր փաթեթների շրջանակներում:

Ձեզ կուղեկցեն հմուտ և իրենց գործին նվիրված էքսկուրսավարներ, որոնք վարժ տիրապետում են անգլերենին և ռուսերենին:

Ո՞րն է Հայաստան այցելելու լավագույն ժամանակը:

Հայաստան կարող եք այցելել ողջ տարվա ընթացքում. յուրաքանչյուր սեզոն լի է յուրահատուկ տպավորություններով: Գարնանը և աշնանը կլիման մեղմ է՝ կատարյալ բնությունն ու պատմական հուշարձաններն ուսումնասիրելու համար: Ամառը հիանալի տարբերակ է բացօթյա հանգստի համար, մինչդեռ ձմեռն առաջարկում է ձյունապատ բնապատկերներ և ձմեռային սպորտաձևեր:

Ինչպե՞ս ամրագրել տուր փաթեթ Հայաստանով: Ինչի՞ց սկսել:

Դուք կարող եք տուր փաթեթն ամրագրել անմիջապես մեր կայքում՝ ընտրելով Ձեր նախընտրած փաթեթը և ճամփորդության ժամկետները: Պարզապես ավելացրեք փաթեթը զամբյուղ, վճարեք կանխավճարը և ստացեք ակնթարթային հաստատում: Կարիք չկա ստուգելու առկայությունը կամ կապվելու մեզ հետ հաստատում ստանալու համար: Եթե օգնության կարիք ունեք կամ ունեք հստակ հարցում, խնդրում ենք կապվել մեր թիմի հետ հեռախոսով կամ էլ.փոստով, և մենք կօգնենք Ձեզ՝ ամրագրման գործընթացում:

Ամրագրելիս Դուք մեզ կտրամադրեք Ձեր թռիչքի տվյալները: Ժամանելիս մենք կդիմավորենք Ձեզ օդանավակայանում, կուղեկցենք հյուրանոց, որը Դուք ամրագրած կլինեք և կապահովենք հարթ գրանցում: Հյուրանոցից մենք Ձեզ ամեն օր կուղեկցենք մեր խմբային էքսկուրսիաների մեկնարկի կետ: Այս ամենը Ձեր հանգիստը կդարձնի լիարժեք ու անթերի:

Հնարավո՞ր է փոփոխել Հայաստանով իմ տուր փաթեթի ընդհանուր տևողությունը:

Այո, Դուք կարող եք փոփոխություններ կատարել Հայաստանով Ձեր տուր փաթեթի տևողության մեջ: Եթե ​​ցանկանում եք երկարացնել կամ կրճատել Ձեր հանգիստը, պարզապես կապ հաստատեք մեզ հետ, և մենք կանենք ամեն ինչ՝ Ձեր նախընտրությունները բավարարելու համար:

Արդյո՞ք տուր փաթեթների իրականացումը երաշխավորված է:

Մենք երբեք չենք չեղարկում մեր տուր փաթեթները՝ նույնիսկ եթե ցանկում մեկ մասնակից է: Բացառություն են կազմում միայն ֆորսմաժորային իրավիճակները, ինչպիսիք են չնախատեսված բնական աղետները կամ մեր վերահսկողությունից դուրս այլ արտառոց հանգամանքները: Վստահ եղեք, մենք պարտավորված ենք մատուցել Ձեր կողմից ծրագրած ճանապարհորդությունը:

Ինչպե՞ս կարող եմ չեղարկել կամ փոփոխել իմ տուր փաթեթի ամրագրումը:

Դուք կարող եք չեղարկել Ձեր տուր փաթեթը՝ գումարի ամբողջ վերադարձով, եթե անեք դա էքսկուրսիայի մեկնարկից առնվազն 48 ժամ առաջ: Ավելի ուշ չեղարկելու կամ չներկայանալու դեպքում, տուր փաթեթի արժեքի 20%-ը վերադարձի ենթակա չէ: Փոփոխությունները հնարավոր կլինի կատարել մեր կողմից հաստատելուց հետո, և հնարավոր է՝ լրացուցիչ վճարի անհրաժեշտություն լինի: Խնդրում ենք ստուգել մեր Չեղարկման քաղաքականությունը՝ լրացուցիչ մանրամասների համար:
map

Կապը մեզ հետ

Մենք օգտվում ենք «cookie»-ֆայլերից, որպեսզի բարելավենք կայքի աշխատանքը: Դրանց մասին մանրամասն՝ «Գաղտնիություն» բաժնում: Օգտվելով կայքից՝ Դուք տալիս եք Ձեր համաձայնությունը «cookie»-ֆայլեր օգտագործելու համար: