Արագածոտնի մարզի Աղձք գյուղում է գտնվում հեթանոս և քրիստոնյա Արշակունի արքաների դամբարանը: Կիսով չափ հողի մեջ կառուցված այս դամբարանում հատկապես հետաքրքրություն են առաջացնում բազմաթիվ զարդանախշային և թեմատիկ քանդակները: Հյուսիսային պատի վրայի քանդակը պատկերում է Դանիելին` առյուծների զնդանում: Բոլոր մոտիվներն ու սիմվոլիկ քանդակները պատկանում են թե նախաքրիստոնեական գաղափարներին, և թե քրիստոնեական արվեստին: Դամբարանի հենց կողքը 4-րդ դարում կառուցվել է մի եկեղեցի, որից հիմա միայն ավերակներն են պահպանվել:
