2007թ.-ին Արմենակ Ասլանյանը հիմնում է «Գոլդեն Գրեյպ ԱրմԱս»-ը՝ նպատակ ունենալով պահպանել գինեգործության 80-ամյա ընտանեկան ավանդույթները: Այստեղ էքսկուրսիան սկսվում է խաղողի ու պտղատու այգիներով զբոսանքով, մառանում Ձեզ կծանոթացնեն արտադրական գործընթացին, ինչպես նաև կպատմեն տակառով հնեցման դարավոր ավանդույթների մասին: Համտեսի սրահում կամ պատշգամբում, որտեղից բացվում է աննկարագրելի տեսարան դեպի այգիները և բիբլիական Արարատ լեռը, կարող եք մասնակցել գինու ուսուցողական համտեսի:
Այցելուների համար գործում են հետևյալ փաթեթները.
- Տարբերակ 1` 3 տեսակ բարձրակարգ գինիների համտես՝ անձը 10 000 AMD;
- Տարբերակ 2` 4 տեսակ բարձրակարգ գինիների համտես + ճաշ՝ անձը 17 000 AMD;
- Տարբերակ 3` 5 տեսակ բարձրակարգ գինիների համտես + ընթրիք՝ անձը 25 000 AMD;
- Տարբերակ 4` 9 տեսակ բարձրակարգ գինիների համտես + ընթրիք՝ անձը 40 000 AMD:
Ամրագրումները կատարվում են նախապես, իսկ վերջին գրանցման ժամն է 15:00-ն:
