Անհատական էքսկուրսիա. Սաղմոսավանք, Այբուբենի հուշարձան, Արմենիա Վայն և ԱրմԱս գինու գործարաններ
Սաղմոսավանք, Հայոց այբուբենի հուշարձան, Արմենիա Վայն գինու գործարան, ԱրմԱս գինու գործարան
1. Սաղմոսավանք
30-40 րոպե
1988 թվականի երկրաշարժը մեծ վնաս հասցրեց վանքին, և թվում էր՝ քարերը երկար լռելու են։ Սակայն արդեն 1998 թվականին սկսվեց վանքի վերականգնման հսկայական աշխատանքները, և 2000 թվականի դեկտեմբերին վանքը նորից կանգնեց իր երբեմնի փառքով։
Այսօր Սաղմոսավանքը դիմավորում է իր այցելուներին լեռների ու կիրճի հիասքանչ տեսարաններով։ Նրա ներսում տիրող լռությունը նման է սաղմոսի, ասես հողն ինքը երգում է հավերժական սաղմոս։ Երբ կանգնում ես կիրճի եզրին ու նայում անսահման հովտին, զգում ես, որ այս վայրը ծնված է աղոթքի, մտորումների և հոգու խաղաղության համար։
2. Հայոց այբուբենի հուշարձան
10-20 րոպե
Ջիմ Թորոսյանի հեղինակած գլուխգործոցը պարզապես հուշարձան չէ. այն քարակերտ պոեմ է, որում յուրաքանչյուր տառ ազգային պատմության կենդանի մասնիկ է։ Երեսունինը հսկայական տառերը, զարդարված հայկական ավանդական նախշերով, շարասյան պես կանգնած են լեռների ֆոնին՝ փայլելով ջերմ գույներով։
Հայերենի այբուբենը, որն ստեղծվել է 405 թվականին հանճարեղ Մեսրոպ Մաշտոցի շնորհիվ, փոխել է ժողովրդի ճակատագիրը՝ ճանապարհ բացելով սուրբ գրքերի թարգմանության և քրիստոնեության ամրապնդման համար։ Սկզբնական երեսունվեց տառերին հետագայում ավելացան ևս երեքը, և այս գրերի ներդաշնակ շարքը ավելի քան մեկուկես հազարամյակ ծառայում է հայ ժողովրդին։
Կոթող-տառերի միջով քայլելիս այցելուները զգում են պատմության շունչը և այն զորությունը, որ մարմնավորում են հայոց գրերը: Այստեղ են գալիս՝ հազվագյուտ կադրեր ստանալու, դյութական բնապատկերներ վայելելու ու հին ժողովրդի մշակութային արմատներին բառացիորեն դիպչելու համար։ Հուշարձանը ներդաշնակորեն միաձուլվում է գեղատեսիլ բնությանը՝ հիշեցնելով, որ լեզուն ու մշակույթը ազգային հիշողության հավերժ պահապաններն են։
3. Արմենիա Վայն գինու գործարան
50-60 րոպե
Շրջագայության ընթացքում հյուրերը հայտնվում են մի մթնոլորտում, որտեղ անցյալն ու ապագան միահյուսվում են: Հյուրերը զբոսնում են ընդարձակ գինու մառաններով, ծանոթանում արտադրական գործընթացին և հնարավորություն ունենում ականատես լինելու, թե ինչպես է հավաքված խաղողը վերածվում ազնվական խմիչքի։ Հատուկ դահլիճում գինու համտեսը դառնում է այցի կարևորագույն պահը, որտեղ յուրաքանչյուր բաժակ բացահայտում է համի և բույրի նոր երանգներ։
Այստեղ յուրաքանչյուր կում կարծես պատմում է հողի, արևի և գինեգործների նվիրված աշխատանքի պատմությունը՝ գործարան այցելությունը դարձնելով համի և զգացողությունների իսկական տոն։ «Արմենիա Վայն»-ը ոչ միայն գինեգործարան է, այլ ժամանակակից ու միաժամանակ ազգային ոգով ստեղծված գինու արվեստի խորհրդանիշ։
Հասանելի են համտեսի հետևյալ տարբերակները.
- Տարբերակ 1` 3 տեսակ «Երևան» գինիների համտես՝ անձը 21.58 USD;
- Տարբերակ 2` 3 տեսակ «Տակառ» գինիների համտես՝ անձը 91.35 USD:
👉 Հնարավոր է կազմակերպել նաև ավելի հարուստ գինիների տեսականիով համտես:
👉 Ամրագրումները հարկավոր է կատարել նախապես:
4. ԱրմԱս գինու գործարան
50-60 րոպե
Կյանքի իսկական բացահայտումը գալիս է համտեսի պահին, լինի այն սրահում, թե բաց պատշգամբում, որտեղ բիբլիական Արարատը վեհությամբ բարձրանում է հովտից վեր՝ կարծես օրհնելով ամեն կաթիլը։ Այցելուները կարող են փորձել երեք, չորս, հինգ, կամ նույնիսկ ինը բարձրակարգ գինիներ՝ համալրված ճաշով կամ ընթրիքով: Համտեսի յուրաքանչյուր տարբերակ պատմության նոր շերտ է բացում։ Յուրաքանչյուր ԱրմԱս գինու մեջ թաքնված է հողի մի մասնիկը և ժամանակի ուժը, որոնք վերածվում են համի պոեզիայի։ Այստեղ այցելությունը հանդիպում է լեգենդի հետ, որտեղ գինին միավորում է սերունդներին, իսկ Արարատը կանգնած է որպես նրանց հավերժ վկա։
Այցելուների համար գործում են հետևյալ փաթեթները.
- Տարբերակ 1` 3 տեսակ բարձրակարգ գինիների համտես՝ անձը 26.97 USD;
- Տարբերակ 2` 4 տեսակ բարձրակարգ գինիների համտես + ճաշ՝ անձը 45.85 USD;
- Տարբերակ 3` 5 տեսակ բարձրակարգ գինիների համտես + ընթրիք՝ անձը 67.43 USD;
- Տարբերակ 4` 9 տեսակ բարձրակարգ գինիների համտես + ընթրիք՝ անձը 107.89 USD:
👉 Ամրագրումները կատարվում են նախապես, իսկ վերջին գրանցման ժամն է 15:00-ն:
Ներառված է
-
Փորձառու վարորդներ
-
Օդորակիչով մեքենաներ
-
Շշալցված ջուր
-
Մեկնարկը (ավարտը) Երևանում ցանկացած վայրից
-
Տրանսպորտային միջոցի և ուղևորների ապահովագրություն
-
Լրացուցիչ կանգառներ երթուղում
Ներառված չէ
-
Զգալի շեղումներ երթուղուց
-
Աուդիոգիդեր
-
Wi-Fi տրանսպորտում
Առանձնահատկություններ
- Մուտքի վճարը հաշվարկված է գինու համտեսի «Տարբերակ 1» փաթեթի հիման վրա
- Զմայլվեք կիրճից բացվող տպավորիչ տեսարաններով
- Ուսումնասիրեք միջնադարյան ճարտարապետական լուծումները
- Ծանոթացեք հայոց գրերի ստեղծման պատմությանը
- Հրաշալի լուսանկարներ ստացեք հայկական տառերի տեսարանին
- Փորձեք հայկական անուշաբույր գինու համը
Ամրագրման պայմաններ
Չեղարկում և փոփոխում
Ծանոթացեք մեր էքսկուրսավարների հետ
Հայկ Հարությունյան
Սիրելի՛ ընկերներ, մենք աշխատում ենք 11 ամիս և հանգստանում՝ ընդամենը 22 օր, իսկ Դուք ընտրել եք Հայաստանը՝ Ձեր արձակուրդը տոնի վերածելու համար։ Մեր թիմը պատրաստ է անել ամեն ինչ, որպեսզի ապահովի լավագույն սպասարկում։ Դե իսկ ինձ հետ Դուք ոչ միայն կբացահայտեք Հայաստանի գողտրիկ անկյունները, ճարտարապետական և բնական հուշարձանները, այլև շատ տեղեկություններ կստանաք մեր հայրենիքի պատմության, աշխարհագրության, տնտեսության և սոցիալական հարցերի, մշակույթի, ինչպես նաև բնության մասին։
Հասմիկ Մանուկյան
Ես Մանուկյան Հասմիկն եմ։ Ունեմ աշխատանքային մեծ փորձ և էքսկուրսավարի լիցենզիա։ Էքսկուրսիաներն անցկացնում եմ երկու լեզուներով՝ ռուսերեն և գերմաներեն։ Հաճախել եմ էքսկուրսավար-թարգմանիչների դասընթացներին՝ Երևանում, ինչպես նաև անցել վերապատրաստման դասընթացներ Մոսկվայում, մասնակցել եմ միջազգային թրեյնինգի և ունեմ համապատասխան վկայականներ։ Սիրում եմ իմ աշխատանքը և մարդկանց հետ նոր ծանոթությունները։ Ամեն անգամ հյուրերին մեծ հաճույքով ներկայացնում եմ իմ երկրի գեղեցիկ անկյունները և տեսարժան վայրերը՝ փորձելով անել այնպես, որ հյուրերը իրենց երկիր վերադառնան գոհ, սիրահարված Հայաստանին և կրկին վերադառնալու ցանկություն ունենան:
Գայանե Հարությունյան
Հայաստանը հարկավոր է այցելել բաց սրտով։ Որպես Ձեր էքսկուրսավար՝ ես պարզապես տուր չեմ անցկացնի, այլ կապահովեմ վառ և անմոռաց տպավորություններ՝ կապված Հայաստանի պատմության, մշակույթի և մարդկանց հետ։ Իմ երկրի ու նրա պատմության հանդեպ լցված անկեղծ սիրով, և ունենալով տեղական ավանդույթների մասին մեծ գիտելիք՝ ես յուրաքանչյուր ճանապարհորդություն կդարձնեմ հագեցած, հետաքրքիր և անմոռանալի՝ ամեն վայր վերածելով հուշի, որը և Դուք վերադարձին Ձեզ հետ կտանեք։
Նինա Մանուկյան
Բարև ձեզ։ Իմ անունը Նինա է, ես «Հյուր Սերվիս» ընկերության գիդ եմ։ Մեծ սիրով ծանոթացնում եմ հյուրերին Հայաստանի պատմությանը, մշակույթին և հին ավանդույթներին։ Ինձ համար, որպես գիդ, շատ կարևոր է, որ յուրաքանչյուր էքսկուրսիա լինի հասկանալի, հետաքրքիր և հարմարավետ։ Միասին մենք կտեսնենք հայտնի տեսարժան վայրերը, կստեղծենք գեղեցիկ հիշողություններ և, իհարկե, կենդանի լուսանկարներ :) Ուրախ կլինեմ դառնալ Ձեր ուղեկիցը Հայաստանում։ Ճամփորդեք «Հյուր Սերվիս»-ի հետ և բացահայտեք Հայաստանը ոչ միայն աչքերով, այլ նաև սրտով։
Ձեզ կարող է հետաքրքրել նաև՝
