Գլխավոր
Պայմաններ
20. Կիրառվող իրավունք, ընդհատություն և վեճերի լուծում

Պայմաններ և կանոններ. Կիրառվող իրավունք, ընդհատություն և վեճերի լուծում

Կիրառվող իրավունք, ընդհատություն և վեճերի լուծում

Սույն Պայմանների նկատմամբ, ներառյալ` Ընկերության և Ձեր իրավունքների և պարտականությունների բովանդակության, մեկնաբանման, կատարման, չկատարելու կամ ոչ պատշաճ կատարելու հետևանքների, դադարման, առոչինչ ճանաչվելու և դրա հետևանքների, սույն Պայմաններից ծագող պահանջի զիջման և պարտքի փոխանցման և այլ պարտականությունների առնչությամբ կիրառվում է Հայաստանի Հանրապետության գործող օրենսդրությունը՝ առանց հաշվի առնելու կոլիզիոն իրավունքի նորմերը։

Սույն Պայմանների, Կայքի, Կայքի բովանդակության և (կամ) մատուցվող Ծառայությունների կապակցությամբ ծագող բոլոր վեճերը, տարաձայնությունները և (կամ) պահանջները (այսուհետ նաև՝ «Վեճ»), ներառյալ` դրանց կատարմանը, խախտմանը, դադարեցմանը կամ անվավերությանը վերաբերող, ենթակա են կարգավորման Ընկերության և Ձեր միջև բանակցությունների և խորհրդակցությունների ճանապարհով։

Սույնով Դուք համաձայնվում եք Ձեր պահանջները սկզբնապես ներկայացնել Ընկերության Հաճախորդների սպասարկման կենտրոնին կամ տեղեկացնել Ընկերությանը՝ Կայքում առկա պաշտոնական Հաղորդակցության Միջոցներով:

Եթե Վեճը չի հաջողվել հարթել Ձեր կողմից վերոնշյալ գործողություններից որևէ մեկը կատարելուց հետո 15 օրվա ընթացքում, ապա Վեճը լուծելու նպատակով Դուք կարող եք դիմել համապատասխան իրավասու արբիտրաժ, որը տվյալ դեպքում հանդիսանում է Հայաստանի Հանրապետության Առևտրաարդյունաբերական պալատին կից գործող Արբիտրաժային դատարանը (այսուհետ նաև` «Արբիտրաժային Դատարան»): Արբիտրաժային Դատարանում գործի քննությունն իրականացվում է «Առևտրային արբիտրաժի մասին» ՀՀ օրենքին և Արբիտրաժային Դատարանի կանոնակարգին համապատասխան։

Սույնով Դուք ընդունում և հավաստիացնում եք, որ տեղեկացված եք Արբիտրաժային Դատարանում գործերի քննության ընթացակարգին: Արբիտրաժային Դատարանի կանոնակարգը տեղակայված է www.arbitrage.am կայքում: Արբիտրաժային դատավարության լեզուն հայերենն է, Արբիտրաժի վայրը՝ ՀՀ, ք. Երևան:

Ընկերության և Պատվիրատուի միջև առկա Վեճը դատական ատյանում լուծելու ցանկության դեպքում վերջիններս պարտավոր են գրավոր, առանձին կնքված համաձայնությամբ հրաժարվել Արբիտրաժային Դատարան դիմելու իրավունքից և համապատասխան Վեճի քննությունը հանձնել Հայաստանի Հանրապետության օրենսդրությանը համապատասխան՝ Հայաստանի Հանրապետության իրավասու դատարանների բացառիկ իրավազորությանը։

Տարածել՝