Գլխավոր
Պայմաններ
21. Պայմանների գործողությունը և ժամկետները

Պայմաններ և կանոններ. Պայմանների գործողությունը և ժամկետները

Պայմանների գործողությունը և ժամկետները

Սույն Պայմանները գործում են անորոշ ժամկետով։ Դուք կարող եք դադարեցնել սույն Պայմանների գործողությունը ցանկացած պահի՝ մինչև այդ կատարելով Ընկերության հանդեպ ունեցած Ձեր բոլոր պարտավորությունները: Ձեր կողմից ժամկետանց պարտավորության առկայության դեպքում սույն Պայմանների գործողությունը չի կարող դադարել։

Սույն Պայմանների 5-րդ և 17-րդ Բաժինները ուժի մեջ են մնում սույն Պայմանների ցանկացած դադարեցման կամ գործողության ժամկետի լրանալուց հետո։

Սույն Պայմանների գործողությունը դադարեցնելու կամ Ձեր Հաշիվը Կայքում փակելու համար Դուք այդ մասին պետք է դիմում ներկայացնեք contact@hyurservice.com էլեկտրոնային փոստի հասցեին կամ Ընկերության հաճախորդների սպասարկման կենտրոնին՝ նշելով Ձեր նույնականացման տվյալները:

Եթե Դուք դադարեցնում եք սույն Պայմանների գործողությունը կամ փակում եք Հաշիվը, ցանկացած հաստատված Պատվեր ինքնաբերաբար դադարեցվում է, իսկ դրա հետ կապված ցանկացած հետագա գործողություն իրականացվում է սույն Պայմանների 14-րդ Բաժնի կանոններին համապատասխան։

Ընկերությունն իրավունք ունի ցանկացած պահի դադարեցնել սույն Պայմանների գործողությունը կամ փակել Ձեր Հաշիվը՝ այդ մասին 2 օր առաջ ծանուցում ուղարկելով Ձեր կողմից տրամադրված էլեկտրոնային փոստի հասցեին։ Հաստատված Պատվերների դեպքում հետագա գործողություններն իրականացվում են սույն Պայմանների 14-րդ Բաժնի կանոններին համապատասխան։

Ընկերությունն իրավասու է անհապաղ, առանց նախնական ծանուցման, դադարեցնել սույն Պայմանների գործողությունը` վերացնելով բոլոր ընթացիկ կամ հաստատված Պատվերները, և (կամ) ժամանակավորապես կամ ընդմիշտ դադարեցնել Ձեր Հաշիվը և դրա հետ կապված ցանկացած գործողություններ, եթե

Դուք թույլ եք տվել սույն Պայմաններով ստանձնած պարտավորությունների էական խախտում; և (կամ)
Դուք թույլ եք տվել կիրառելի օրենդրության, կարգավորումների կամ երրորդ անձանց իրավունքների խախտում; և (կամ)
Ընկերությունը գտնում է, որ սույն Պայմանների գործողության դադարեցումը անհրաժեշտ է Ընկերության անվտանգության կամ գույքի, աշխատակիցների կամ երրորդ անձանց պաշտպանության համար, ինչպես նաև խարդախության կամ այլ անօրինական գործունեության կանխարգելման համար; և (կամ)
բազմիցս չեղարկել եք հաստատված Պատվերները կամ չեք արձագանքել Մեր կողմից տրված հարցումներին, առանց հարգելի կամ հիմնավոր պատճառի; և (կամ)
դատական, իրավապահ կամ այլ վարչական մարմինների կամ այլ պետական մարմինների կողմից Ընկերությունը ստացել է համապատասխան ցուցում:

Ընկերությունը նաև իրավունք ունի միակողմանի, առանց նախնական ծանուցման, դադարեցնել սույն Պայմանների գործողությունը, եթե Դուք իրականությանը չհամապատասխանող տեղեկություններ եք տարածում Ընկերության կողմից մատուցվող Ծառայությունների վերաբերյալ, Ձեր գործողություններով փորձում եք այլ սուբյեկտների մոտ Ընկերության մասին ձևավորել բացասական կարծիք կամ ցանկացած այլ դեպքում, երբ Ընկերությունը կգտնի, որ Ձեր գործողությունները վնասում են կամ կարող են վնասել Ընկերության գործարար համբավը:

Ընկերության կողմից սույն Պայմանների գործողությունների դադարեցման այն դեպքերում, երբ առկա են նախորդող երկու պարագրաֆներով սահմանված հիմքերը, Ընկերությունը չի կրում որևէ պարտավորություն վերադարձնելու չեղարկված կամ կասեցված Պատվերի համար կատարված վճարումը։

Տարածել՝