Գլխավոր
Պայմաններ
2. Ընկերության ծառայությունների շրջանակը

Պայմաններ և կանոններ. Ընկերության ծառայությունների շրջանակը

Ընկերության ծառայությունների շրջանակը

Ընկերությունն իրականացնում է Կայքում ներկայացված ծառայությունների մատուցման պատվերներ (այսուհետ նաև «Պատվերներ»)։ Կայքի միջոցով Դուք կարող եք հարցում կատարել, պատվիրել, ամրագրել, գնել, ինչպես նաև չեղարկել կամ փոփոխել Պատվերը։

Ընկերության կողմից մատուցվող ծառայությունները ներառում են՝

գիշերակացի նպատակով բնակարանների կամ առանձնատների (այսուհետ նաև՝ «Բնակատեղ») վարձով տրամադրման և սպասարկման ծառայություններ (այսուհետ նաև՝ «Բնակատեղի Վարձակալում»);
հյուրանոցային սենյակների ամրագրման ծառայություններ (այսուհետ նաև՝ «Հյուրանոցի Ամրագրում»);
էքսկուրսիաների իրականացման ծառայություններ (այսուհետ նաև՝ «Էքսկուրսիա»);
տուր փաթեթների մատուցման ծառայություններ (այսուհետ նաև՝ «Տուր Փաթեթ»);
տրանսպորտային ծառայություններ, բացառությամբ կանոնավոր փոխադրումների (այսուհետ նաև՝ «Տրանսպորտային Ծառայություն»);
գործնական միջոցառումների կազմակերպման ծառայություններ (այսուհետ նաև՝ «Գործնական Միջոցառումների Կազմակերպում»);
սննդի մատուցման ամրագրում ռեստորաններում, հյուրանոցներում կամ այլ վայրերում (այսուհետ նաև՝ «Սննդի Ամրագրում»):

Այսուհետ բոլորը միասին նաև՝ «Ծառայություններ»։

Ծառայությունները պատվիրել կարող եք գրանցվելով Կայքում (հաշիվ ստեղծելով) կամ առանց գրանցվելու՝ «հյուր» կարգավիճակով։ Կայքում գրանցվելը և հաշիվ ստեղծելը կարգավորվում են սույն Պայմանների 4-րդ Բաժնով։

Սույն Պայմանների բոլոր դրույթները վերաբերում են բոլոր տեսակի Ծառայություններին, եթե ուղղակիորեն այլ բան նախատեսված չէ կամ չի բխում առանձին տեսակի Ծառայության կարգավորումներից։

Սույն Կայքում ներկայացված Ծառայությունները, դրանց վերաբերյալ գովազդը և (կամ) անձանց անորոշ շրջանակին հասցեագրված այլ առաջարկները համարվում են Ընկերության կողմից օֆերտա անելու հրավեր։ Ընկերությունն իրեն իրավունք է վերապահում սեփական հայեցողությամբ մերժել ցանկացած Պատվերի ընդունումը:

Տարածել՝