Գլխավոր
Պայմաններ
4. Գրանցում Կայքում, «Հյուր Սերվիս» հաշիվ

Պայմաններ և կանոններ. Գրանցում Կայքում, «Հյուր Սերվիս» հաշիվ

Գրանցում Կայքում, «Հյուր Սերվիս» հաշիվ

Կայքում որոշակի գործառույթների կամ գործողությունների կատարման կամ որոշակի առանձնահատկություններից կամ առավելություններից օգտվելու համար Ձեզնից կարող է պահանջվել ստեղծել հաշիվ (այսուհետ նաև՝ «Հաշիվ» կամ «Հյուր Սերվիս Հաշիվ»):

Հյուր Սերվիս Հաշիվ կարող եք ստեղծել՝ գրանցվելով Կայքում: Գրանցվել կարող եք Ձեզ պատկանող որևէ էլեկտրոնային փոստի հասցեի և գրանցման համար նախատեսված գաղտնաբառի միջոցով: Գրանցվել կարող եք նաև օգտագործելով Ձեր Facebook-ի կամ Google-ի հաշիվները: Ցանկացած պահի Դուք հնարավորություն ունեք Ձեր Հաշիվը փակելու համար դիմել Ընկերության հաճախորդների սպասարկման կենտրոն կամ նամակ ուղարկել հետևյալ էլեկտրոնային փոստի հասցեով. contact@hyurservice.com:

Հաշիվ բացելիս Դուք տրամադրում եք անձնական տվյալներ և տեղեկատվություն, ի թիվս այլնի՝ օգտանուն և գաղտնաբառ, որոնք օգտագործվում են Հաշիվ մուտք գործելու համար։ Հաշիվ բացելու հետ կապված այդ տվյալների և տեղեկատվության հավաքագրումը, մշակումը և օգտագործումը կարգավորվում են Կայքի Գաղտնիություն Բաժնում։

Դուք իրավունք չունեք օգտագործել այլ Պատվիրատուի Հաշիվը կամ տրամադրել Ձեր Հաշիվը այլ անձի:

Կայքում Հաշիվ բացելիս Դուք պարտավորվում եք տրամադրել ճշգրիտ և ամբողջական տեղեկատվություն: Մենք պարտավորություն չենք կրում ստուգել Ձեր Հաշիվը օգտագործող անձի փաստացի ինքնությունը կամ լիազորությունները։

Դուք պատասխանատու եք Ձեր Հաշվի գաղտնիության, անվտանգության և մուտքի տվյալների պահպանման համար և կրում եք Ձեր Հաշվով կատարվող գործողությունների, Պատվերների և վճարումների ողջ պատասխանատվությունը։

Ձեր Հաշվի փաստացի կամ ենթադրյալ չարտոնված օգտագործման կամ մուտքի դեպքում, ինչպես նաև, եթե Դուք տեղյակ եք կամ որևէ պատճառ ունեք ենթադրելու, որ Ձեր Հաշվի նույնականացման տվյալները (անունը, գաղտնաբառը կամ էլեկտրոնային փոստի հասցեն) կորել են, գողացվել կամ այլ կերպ յուրացվել, ապա պարտավոր եք այդ մասին անհապաղ տեղեկացնել Մեզ։ Նման դեպքում Ընկերությունն իրավունք ունի անմիջապես արգելափակել Ձեր Հաշիվը՝ մինչև հանգամանքների ամբողջական պարզումը։ Ձեր Հաշվի միջոցով կատարված ցանկացած գործառնության կամ գործողության, ինչպես նաև այդ գործառնություններով կամ գործողություններով Ընկերությանը կամ երրորդ անձանց պատճառված վնասի պատասխանատվությունը կրում եք Դուք:

Եթե Ձեր Պատվերը կամ Հաշիվը ցույց են տալիս կամ ենթադրում են խարդախության, չարաշահման, կասկածելի գործունեության կամ ցանկացած ոչ նպատակային օգտագործման նշաններ, Ընկերությունն իրավասու է չեղարկել Ձեր անվան, էլեկտրոնային փոստի հասցեի և (կամ) Հաշվի հետ կապված Պատվերները և փակել Հաշիվը` ձեռնարկելով ցանկացած անհրաժեշտ և իրավաչափ գործողություններ կանխելու կամ վերացնելու հնարավոր անբարենպաստ հետևանքների առաջացումը:

Ընկերության կողմից վերոնշյալ իրավիճակներում կրած վնասները, ինչպես նաև այդ իրավիճակների արդյունքում հնարավոր անբարենպաստ հետևանքների առաջացումը կանխելու կամ վերացնելու ընթացքում կատարված ծախսերը ենթակա են հատուցման Ձեր կողմից։

Տարածել՝