Կարծիքներ
Կայքի աշխատանքի, բովանդակության, ինչպես նաև Ընկերության կողմից մատուցված Ծառայությունների վերաբերյալ oգտվողները կարող են ներկայացնել իրենց դիտարկումները, մեկնաբանությունները, առաջարկությունները և կարծիքները (այսուհետ միասին նաև՝ «Կարծիքներ» ): Ընկերությունն իր հայեցողությամբ, ցանկացած ձևով (օրինակ՝ մարքեթինգի, առաջխաղացման կամ Ծառայությունների բարելավման համար), ամբողջությամբ կամ մասնակի կարող է օգտագործել, հրապարակել, ցուցադրել Ձեր Կարծիքը Կայքում, սոցիալական հարթակներում, գովազդներում կամ այլ նախագծերում: Այն Պատվիրատուները, ովքեր օգտվել են Ընկերության Ծառայություններից, կարող են Մեր կողմից հրավիրվել Կարծիք գրելու և մեկնաբանելու իրենց փորձը: Հրապարակվող Կարծիքներն արտացոլում են առանձին անհատների տեսակետները` կրելով զուտ տեղեկատվական և առաջնորդող բնույթ, և հնարավոր է չհամընկնեն Ձեր անձնական պատկերացումների, կարծիքների կամ սպասելիքների հետ: Ընկերությունը պարտավոր չէ ստուգել Կարծիքում արտահայտված մտքերի իսկությունը, հետևաբար դրանք կարող են լինել սխալ և (կամ) ոչ ճշգրիտ: Ընկերությունը պարտավոր չէ հրապարակել Ձեր Կարծիքը։ Ընկերությունն օժտված է իր բացարձակ հայեցողությամբ որոշել Կարծիքի հրապարակելու կամ չհրապարակելու հարցը։ Ընկերությունը կարող է չհրապարակել կամ հեռացնել ցանկացած Կարծիք, եթե այն խախտում է սույն Պայմանների կետերը:
