12. Գործնական Միջոցառումների Կազմակերպում
Գործնական Միջոցառումների Կազմակերպման Ծառայությունների շրջանակում Պատվիրատուի կողմից տրամադրված տվյալների հիման վրա, Ընկերությունը Պատվիրատուի անունից, նրա հաշվին և հանձնարարությամբ իրականացնում է դահլիճների ամրագրման (այսուհետ նաև՝ «Դահլիճների Ամրագրում») և միջոցառման կազմակերպմանն աջակցող ծառայությունների մատուցում (այսուհետ նաև՝ «Աջակցող Ծառայություն»)՝ Պատվիրատուի հետ նախապես համաձայնեցված ժամկետներում և պայմաններով:
Դահլիճների ԱմրագրումՊատվիրատուի ամրագրած դահլիճի տրամադրումը հնարավոր է միայն իր կողմից տրված Պատվերի շրջանակներում, մասնավորապես՝ Պատվերի ժամկետում և նպատակներով։Պատվիրատուն պարտավորվում է տրամադրված դահլիճը պահպանել պատշաճ վիճակում և հետ հանձնել այն նույն վիճակում, որում ընդունել է։Պատվիրատուն սնունդ, խմիչք, սարքավորումներ և (կամ) այլ պարագաներ դահլիճ կարող է բերել միայն Ընկերության կողմից նախօրոք համաձայնություն ստանալու դեպքում, որոնք պետք է ոչ ուշ, քան համաձայնեցված ելքի ժամկետը, հեռացվեն դահլիճից: Հակառակ պարագայում Ընկերությունն իրավունք ունի գանձել հավելյալ վճար այնքան, որքան Ընկերության կողմից ծախսվել է Պատվիրատուի կողմից սույն պարտավորությունը չկատարելու կամ ոչ պատշաճ կատարելու հետևանքները վերացնելու համար։Էկրանները, ծաղկային կոմպոզիցիաները, դեկորացիաները, սարքավորումները և այլ պարագաները պետք է տեղադրվեն այնպես, որ չվնասեն դահլիճը, կամ այն շենքը, շինությունը, տարածքը, որտեղ գտնվում է դահլիճը։ Դահլիճներում չի թույլատրվում օգտագործել մեխեր, կպչուն ժապավեններ, սոսինձ կամ նմանատիպ այլ նյութեր։Եթե դահլիճից օգտվելու ընթացքում դահլիճը կամ այնտեղ եղած գույքը, տեխնիկան, սարքավորումները վնասվել են, ապա Պատվիրատուն պարտավոր է փոխհատուցել դրա հետևանքները վերացնելու համար անհրաժեշտ բոլոր ծախսերը և Ընկերության կրած վնասները։Դահլիճների մասին Կայքում ներկայացված տեղեկատվությունը ստացված է դահլիճների տրամադրման ծառայություն մատուցող տվյալ ընկերության կողմից, որը վերջիններիս կողմից ամբողջությամբ ստուգված և հաստատված է։ Ցանկացած փաստացի անհամապատասխանության համար Ընկերությունը պատասխանատվություն չի կրում։Ընկերությունը պատասխանատվություն չի կրում, եթե դահլիճ տրամադրող կազմակերպությունը ինչ-որ հարցում թերացել է և (կամ) տրամադրել է Կայքում ներկայացված տեղեկատվությանը չհամապատասխանող դահլիճ:Ընկերությունը պատասխանատվություն չի կրում դահլիճ տրամադրող կազմակերպության կողմից ծառայությունները թերի կամ ոչ պատշաճ մատուցելու, անբարեխիղճ վարքագծի, սխալների, բացթողումների, անփութությունների, Ձեր կողմից Դահլիճների Ամրագրման Ծառայության մատուցման վերաբերյալ ցանկացած դժգոհության, ինչպես նաև դրանց հետևանքով Ձեր կրած ցանկացած ուղղակի կամ անուղղակի վնասի կամ ծախսերի համար։Դահլիճի օգտագործումից զատ, դահլիճը տրամադրող կազմակերպության այլ ծառայություններից օգտվելու դեպքում, Դուք պարտավորվում եք տեղում վճարել և փակել հաշիվները՝ ըստ այդ կազմակերպության սահմանած կարգի և գների:Ընկերությունը պատասխանատվություն չի կրում դահլիճներում և հարակից տարածքներում թողնված, կորած, վնասված կամ ոչնչացած Ձեր իրերի համար:Աջակցող ԾառայություններԱջակցող Ծառայությունների շրջանակում Ընկերությունը տրամադրում է սարքավորումներ և պարագաններ, տպագրական ծառայություններ, ինչպես նաև օժանդակող անձնակազմ:Պատվիրատուն պարտավոր է վերոնշյալ Ծառայություններից օգտվելու անհրաժեշտության դեպքում նախօրոք տրամադրել Պատվերի իրականացման համար անհրաժեշտ բոլոր տեղեկություններն ու մանրամասները:Կայքում ներկայացված Աջակցող Ծառայությունների Գները հաշվարկված են՝ հիմք ընդունելով, որ դրանք մատուցվելու են Երևանում: Որևէ այլ վայրում նշված Ծառայությունները մատուցելու դեպքում կարող են ավելանալ լրացուցիչ ծախսեր:
- Սարքավորումներ և պարագաներ
Սույն Ծառայության շրջանակներում Ընկերությունը Պատվիրատուին ժամանակավոր օգտագործման է տրամադրում աուդիո-վիդեո սարքավորումներ, համակարգչային և գրասենյակային տեխնիկա, ինչպես նաև միջոցառումների կազմակերպմանն անհրաժեշտ այլ պարագաներ (այսուհետ միասին նաև՝ «Սարքավորումներ և Պարագաներ»)։Ընկերությունը պարտավորվում է Սարքավորումները և Պարագաները օգտագործման իրավունքով տալ Պատվիրատուին պատշաճ վիճակում և պատվիրված քանակով:Պատվիրատուն պարտավորվում է դրանք ընդունելիս ստուգել և նախօրոք հայտնել Ընկերությանը որևէ անսարքության կամ Պատվերին չհամապատասխանելու մասին, հակառակ դեպքում զրկվում է հետագայում դրանք վկայակոչելու իրավունքից: Եթե պատվիրված Սարքավորումները և Պարագաները չեն համապատասխանում ներկայացված տվյալներին, չեն աշխատում կամ ունեն այլ էական թերություններ, Ընկերությունը պարտավոր է կատարել համարժեք փոխարինում, իսկ անհնարինության դեպքում՝ վերադարձնել վճարված գումարը:Պատվիրատուն պարտավորվում է օգտագործել Սարքավորումները և Պարագաները միայն դրանց օգտագործման համար պատվիրված ժամկետում և նպատակով:Պատվիրատուն չի կարող փոխանցել որևէ այլ անձի Սարքավորումների և Պարագաների օգտագործման իրավունքը՝ առանց Ընկերության նախնական գրավոր համաձայնության:Սարքավորումների և Պարագաների օգտագործման ժամկետի ավարտից հետո Պատվիրատուն պարտավորվում է դրանք վերադարձնել Ընկերությանը նույն վիճակում և քանակով, ինչպես ընդունել է (հաշվի առնելով բնական մաշվածությունը), իսկ կորստի, ոչնչացման կամ վնասման պարագայում՝ փոխհատուցել Ընկերության կրած վնասները և ծախսերը կամ պատշաճ կերպով վերականգնել կամ վերանորոգել դրանք սեփական միջոցներով:Սարքավորումների և Պարագաների տրամադրման դեպքում Ընկերությունն իրավունք ունի Պատվիրատուի կողմից վերոնշյալ պարտավորությունների կատարումն ապահովելու նպատակով պահանջել դրանց շուկայական արժեքի չափով գումար՝ բանկային քարտից համապատասխան գումարի սառեցմամբ, կանխիկ վճարմամբ կամ բանկային փոխանցմամբ (Պատվիրատուի նախընտրությամբ): Նշված գումարը վերադարձվում է Պատվիրատուին Սարքավորումները և Պարագաները պատշաճ վիճակում և ժամանակին Ընկերությանը վերադարձնելու դեպքում:
- Տպագրական ծառայություններ
Սույն Ծառայության շրջանակում Ընկերությունն իրականացնում է Պատվիրատուի կողմից տրամադրված փաստաթղթերի, բրոշյուրների, թղթապանակների, վահանակների և (կամ) այլ նյութերի տպագրման ծառայությունների մատուցում (այսուհետ միասին նաև՝ «Տպագրություն»)։Պատվիրատուն պարտավորվում է Տպագրության համար բոլոր տեղեկությունները ճշգրիտ, բարձր որակով և պահանջվող ժամկետներում տրամադրել Ընկերությանը։Պատվիրատուն պարտասխանատվություն է կրում Տպագրությունից առաջ բոլոր նյութերի վերջնական հաստատման համար։ Ցանկացած աշխատանք, որը հաստատվել է և (կամ) տրվել է տպագրության, չի կարող փոփոխվել կամ լրացվել, իսկ դրա համար վճարված գումարը ենթակա չէ վերադարձման։
- Օժանդակող անձնակազմ
Սույն Ծառայության շրջանակում Ընկերությունն իրականացնում է թարգմանչի, հյուրընկալողի, լուսանկարչի և (կամ) տեսանկարահանողի (այսուհետ միասին նաև՝ «Օժանդակող Անձնակազմ») տրամադրման ծառայություններ։Պատվիրատուն պարտավորվում է պահպանել Օժանդակող Անձնակազմի աշխատանքի պայմանները տրված Պատվերի շրջանակներում, մասնավորապես՝ ժամկետները, ծավալները և առանձնահատկությունները։Սույն Ծառայության շրջանակում Պատվիրատուի կողմից էական փոփոխություններ կատարելու դեպքում վերջինս պարտավոր է այդ մասին տեղյակ պահել Ընկերությանը և նախապես համաձայնեցնել նրա հետ։Պատվիրատուն պարտավորվում է ապահովել Օժանդակող Անձնակազմի անվտանգությունը։Օժանդակող Անձնակազմը պարտավորվում է ապահովել մատուցվող Ծառայության ընթացքում հասանելի դարձած ցանկացած տեղեկատվության գաղտնիությունը, ցուցաբերել պատշաճ վարքագիծ և ճշտապահություն։
