Երևանի ամենահայտնի վայրերը, Էրեբունի թանգարան և ամրոց, Ծիծեռնակաբերդ, Ցեղասպանության թանգարան, Սերգեյ Փարաջանովի անվան թանգարան

10% զեղչ՝ մինչև Մարտի 1

Երևանի ամենահայտնի վայրերը, Էրեբունի թանգարան և ամրոց, Ծիծեռնակաբերդի հուշահամալիր, Հայոց Ցեղասպանության թանգարան, Սերգեյ Փարաջանովի անվան թանգարան

1. Երևանի ամենահայտնի վայրերը
Դիտել էջը
Երևանի ամենահայտնի վայրերը
Երևանը Հայաստանի մայրաքաղաքն է, քաղաք, որ 29 տարով մեծ է Հռոմից: Թվագրվում է մ.թ.ա. 782թ.-ով, հիմնադրվել է հինավուրց Էրեբունի ամրոցի տեղում՝ կառուցված Արգիշտի Առաջինի կողմից: Երևանը հաճախ կոչում են «վարդագույն քաղաք», քանի որ այստեղ շատ շենքեր կառուցված են վարդագույն տուֆից: Մայրաքաղաքը տուրիստական հայտնի ուղղություններից մեկն է՝ շնորհիվ բազմաթիվ տեսարժան վայրերի, ակտիվ գիշերային կյանքի, հրաշալի թանգարանների, ինչպես նաև գեղեցիկ զբոսայգիների: Երևանով զբոսանքը քաղաքի մշակույթը, պատմությունը և տեղական խոհանոցը ճանաչելու լավագույն միջոցն է: Հանրապետության հրապարակը Երևանի զարմանահրաշ տեսարժան վայրերից մեկն է. սկսած մայիս ամսվա սկզբից մինչև աշնան կեսերն այստեղ տարբեր ժանրերի գեղեցիկ մեղեդիներով ուղեկցվող երգող-պարող շատրվանների ֆանտաստիկ շոու է անցկացվում: Բաց չթողնեք Երևանի մեկ այլ հայտնի տեսարժան վայրը՝ Կասկադ համալիրը, որտեղի դիտակետից դեպի քաղաք բացվում է չքնաղ տեսարան, որը կարող եք լավագույնս վայելել գիշերը, երբ քաղաքը գեղեցիկ լուսավորում է ստանում:
2. Էրեբունի թանգարան և ամրոց
Դիտել էջը
Էրեբունի թանգարան և ամրոց
Էրեբունի ամրոցը գտնվում է Արին Բերդ կոչվող բլրի վրա: Այն կառուցվել է մ.թ.ա. 782թ.-ին ուրարտական թագավոր Արգիշտի Առաջինի կողմից: 19-20-րդ դդ.-ի պեղումների ընթացքում հայտնաբերվեց այն սեպագիր արձանագրությունը, ըստ որի այժմյան Երևանի պատմությունը սկսվում է հենց այստեղից: Բլրի գագաթին գտնվող ամրոցի ավերակներն ու որմնանկարները խոսում են այդ հեռավոր դարերի բարձր գեղարվեստական նվաճումների մասին: Բլրի ստորոտին է գտնվում թանգարանը, որը ցուցադրում է պեղումների ընթացքում հայտնաբերված գտածոները:
3. Ծիծեռնակաբերդի հուշահամալիր
Դիտել էջը
Ծիծեռնակաբերդի հուշահամալիր
Ծիծեռնակաբերդի բլրի բարձունքին վեր է խոյանում 1915թ.-ի Մեծ Եղեռնի զոհերի հիշատակին նվիրված հուշահամալիրը: Ամեն տարի՝ ապրիլի 24-ին, բազմաթիվ հայեր Հայաստանից, սփյուռքից, ինչպես նաև արտերկրից հավաքվում են այստեղ` լռությամբ իրենց հարգանքի տուրքը մատուցելու անմեղ զոհերի հիշատակին: Համալիրի բաղկացուցիչ մասն են կազմում 44 մ բարձրությամբ վեր խոյացող կոթողը` որպես հայ ժողովրդի վերածննդի ու խաղաղության խորհրդանիշ և դամբարանը` զոհերի հիշատակը խորհրդանշող անմար կրակով:
4. Հայոց Ցեղասպանության թանգարան
Դիտել էջը
Հայոց Ցեղասպանության թանգարան
Հայոց Ցեղասպանության թանգարանը Ծիծեռնակաբերդի հուշահամալիրի բաղկացուցիչ մասն է կազմում: Այնտեղ ներկայացված են ցեղասպանության ականատեսների կողմից արված բազմաթիվ լուսանկարներ, արխիվային փաստաթղթեր, վավերագրական ֆիլմեր, ինչպես նաև փաստաթղթերի բնօրինակներ՝ տրամադրված միջազգային այն կազմակերպությունների և երկրների խորհրդարանների կողմից, որոնցում դատապարտվում է ցեղասպանությունը:
5. Սերգեյ Փարաջանովի թանգարան
Դիտել էջը
Սերգեյ Փարաջանովի թանգարան
Հայ ժամանակակից արվեստի ամենափայլուն ու խորհրդավոր ներկայացուցիչն է տաղանդավոր արվեստագետ ու կինոռեժիսոր Սերգեյ Փարաջանովը: Նրա նոր ոճն ու թարմ շունչը զգացվում է թանգարանում ցուցադրված իր բոլոր գործերում: Փարաջանովի «Նռան Գույնը» ֆիլմը համաշխարհային համբավ ու սեր է վայելում, իսկ տուն-թանգարանի ընդարձակ սրահները հրավիրում են այցելուներին դեպի իր անկանխատեսելի ու անբացատրելի աշխարհը:

Ներառված է

  • Փորձառու վարորդներ
  • Օդորակիչով մեքենաներ
  • Շշալցված ջուր
  • Մեկնարկը (ավարտը) Երևանում ցանկացած վայրից
  • Տրանսպորտային միջոցի և ուղևորների ապահովագրություն
  • Լրացուցիչ կանգառներ երթուղում

Ներառված չէ

  • Զգալի շեղումներ երթուղուց
  • Ալկոհոլային խմիչքներ՝ ճաշով տարբերակն ընտրելու դեպքում
  • Աուդիոգիդեր
  • WiFi տրանսպորտում
  • Եղեք մի քաղաքում, որ մեծ է Հռոմից 29 տարով
  • Այցելեք Երևանի ամենահայտնի թանգարանները
  • Ուսումնասիրեք Հայաստանի դարավոր պատմությունը
  • Հայտնվեք հրաշքներով լի աշխարհում