Հաճախ տրվող հարցեր
Ի՞նչ է ներառված Ձեր կողմից կազմակերպվող անհատական էքսկուրսիաների արժեքի մեջ:
«Հյուր սերվիս»-ի կողմից կազմակերպվող անհատական էքսկուրսիան ներառում է՝
- Օդորակիչով հագեցած հարմարավետ տրանսպորտ
- Փորձառու վարորդների ծառայություն
- Շշալցված ջուր
- Մեկնարկ և ավարտ Երևանի ցանկացած կետից
- Տրանսպորտային միջոցների և ուղևորների ապահովագրություն
- Ցանկության դեպքում երթուղու ընթացքում լրացուցիչ կանգառներ ունենալու հնարավորություն
- Անվճար մանկական նստատեղեր (ըստ պահանջի)
- Հմուտ էքսկուրսավար՝ Ձեր նախընտրած լեզվով (ընտրության դեպքում)
Որո՞նք են «Հյուր սերվիս»-ի միջոցով անհատական էքսկուրսիաների ամրագրման առավելությունները:
«Հյուր սերվիս»-ը տարիների փորձ ունեցող վստահելի ընկերություն է, որն առաջարկում է բանիմաց էքսկուրսավարներ, անթերի կազմված երթուղիներ և պրեմիում դասի ծառայություններ: Մեր նպատակն է Ձեզ պարգևել տպավորիչ և անմոռանալի հիշողություններ Հայաստան կատարած այցից՝ հաշվի առնելով Ձեր բոլոր ցանկություններն ու ճամփորդության ոճը:
Անհատական թե՞ խմբային տուր. ո՞րն է տարբերությունը:
Անհատական տուրը կազմակերպվում է բացառապես Ձեր խմբի համար և հարմարեցվում է Ձեզ. Դուք ինքներդ եք ընտրում օրը, մեկնարկի ժամը, երթուղին և տեմպը, կարող եք ավելացնել կանգառներ և օրվա ընթացքում փոխել պլանը: Այս ձևաչափը կարող եք պատվիրել Ձեր նախընտրած լեզվով էքսկուրսավարով կամ միայն վարորդով: Ընտրեք անհատական էքսկուրսիա, եթե ճամփորդում եք փոքր երեխաների կամ տարեցների հետ, որոնց անհրաժեշտ է հատուկ ռիթմ, կամ եթե ունեք յուրահատուկ հետաքրքրություններ:
Խմբային տուրն անցկացվում է ֆիքսված ծրագրով և ժամանակացույցով՝ այլ մասնակիցների հետ միասին: Այն սովորաբար ավելի մատչելի է, բայց ավելի քիչ ճկուն. երթուղին, կանգառների տևողությունը և մեկնարկի ժամը նախապես սահմանված են: Խմբային էքսկուրսիան իդեալական է նրանց համար, ովքեր ցանկանում են խնայել՝ չզիջելով ծրագրի որակը: Սա հիանալի ընտրություն է Հայաստան առաջին այցելության համար, ինչպես նաև նրանց համար, ովքեր ցանկանում են նոր ծանոթություններ ձեռք բերել:
Ինչպե՞ս կարող եմ ամրագրել անհատական էքսկուրսիա Հայաստանում:
Դուք կարող եք անհատական էքսկուրսիա ամրագրել անմիջապես մեր կայքի միջոցով՝ ընտրելով Ձեր նախընտրած ուղղություններն ու ճամփորդության ամսաթվերը: Պարզապես ավելացրեք էքսկուրսիան զամբյուղ, վճարեք կանխավճարը և ստացեք ակնթարթային հաստատում: Կարիք չկա ստուգելու առկայությունը կամ կապվելու մեզ հետ հաստատում ստանալու համար: Նաև կարող եք կապ հաստատել մեր թիմի հետ հեռախոսով կամ էլ. փոստով, և մենք սիրով կօգնենք Ձեզ ամրագրման հարցում:
Արդյո՞ք բոլոր էքսկուրսիաները մեկնարկում են Երևանից։ Իսկ ինչպե՞ս վարվել, եթե ես այս պահին Ծաղկաձորում կամ այլ քաղաքում եմ բնակվում։
Մեր կայքում ներկայացված բոլոր էքսկուրսիաների գները հաշվարկված են Երևանից մեկնարկով: Բայց, իհարկե, հնարավոր է էքսկուրսիան սկսել Հայաստանի այլ քաղաքներից կամ Վրաստանից: Խորհուրդ ենք տալիս նախօրոք մեզ հետ քննարկել էքսկուրսիայի կազմակերպման հնարավորությունը, ինչպես նաև այդ տարբերակի արժեքը: Այդպիսով, մենք կկարողանանք տրամադրել ճշգրիտ արժեք՝ հաշվի առնելով Ձեր նախընտրած մեկնման կետը, և հոգալ էքսկուրսիայի հետ կապված կազմակերպչական հարցերը՝ հավուր պատշաճի:
Որո՞նք են լավագույն անհատական էքսկուրսիաները նրանց համար, ովքեր Հայաստան առաջին անգամ են այցելում:
Հայաստան առաջին անգամ այցելողներին խորհուրդ կտանք ընտրել էքսկուրսիաներ, որոնք ներառում են այց Սևանա լիճ, Գառնու տաճար, Գեղարդի վանք, Խոր Վիրապ, Նորավանք, Դիլիջան առողջարանային քաղաք և հայտնի Տաթևի վանք: Առաջարկում ենք ամրագրել գիշերակացով տարբերակ՝ լիարժեք ծանոթանալու Հայաստանի լավագույն տեսարժան վայրերին ու յուրահատուկ մշակույթին:
Կարո՞ղ եմ ինքնուրույն կազմել անհատական էքսկուրսիայի երթուղի, եթե իմ նախընտրած տարբերակը ցանկում չկա:
Այո, «Հյուր սերվիս»-ը մասնագիտացած է ամբողջովին ճկուն երթուղիների մշակման գործում: Կարող եք առանձնացնել Ձեր նախընտրած ուղղություններն ու տեսարժան վայրերը և ուղարկել մեզ հարցում: Անկախ նրանից՝ հետաքրքրվում եք մշակութային տեսարժան վայրերով, բնության գրկում ժամանցով թե գինու համտեսով, մենք կօգնենք Ձեզ մշակել ամենահարմար տարբերակը:
Արդյո՞ք հնարավոր է փոփոխել երթուղին էքսկուրսիայի ընթացքում:
Այո, երթուղին հնարավոր է փոփոխել էքսկուրսիայի ընթացքում: Պարզապես կապ հաստատեք մեզ հետ՝ ստուգելու, թե արդյոք հնարավոր կլինի կատարել Ձեր հարցումը, ինչպես նաև տեղեկանալու էքսկուրսիայի տևողության և արժեքի հնարավոր փոփոխությունների մասին:
Ի՞նչ է ներառված առաջարկվող ճաշի տարբերակում:
Առաջարկվող ճաշի տարբերակը ներառում է 1 հիմնական համեղ ուտեստ՝ խավարտով, 2 տեսակի աղցան, պանիր, թարմ կանաչեղեն կամ մածուն, ջուր և թեյ կամ սուրճ՝ Ձեր ընտրությամբ: Հատուկ մշակված այս ճաշացանկը կապահովի հիանալի ժամանց և կլինի էքսկուրսիայի համեղ լրացում:
Կարո՞ղ ենք ճաշի համար կանգառ ունենալ, նույնիսկ այն դեպքում, եթե էքսկուրսիայի ամրագրման ժամանակ չենք ներառել ճաշի տարբերակը:
Այո, հնարավոր է ճաշի համար կանգառ ունենալ, նույնիսկ այն դեպքում, եթե էքսկուրսիայի ամրագրման ժամանակ չեք ներառել ճաշի տարբերակը: Մեր վարորդը և/կամ էքսկուրսավարը ուրախ կլինեն առաջարկել Ձեզ ռեստորան, որտեղ կկարողանաք պատվիրել և վճարել ճաշի համար տեղում: Մեծ խմբերի դեպքում խորհուրդ ենք տալիս էքսկուրսիան ամրագրել ճաշի տարբերակով, որպեսզի խուսափեք երկար սպասելուց և առավելագույնս վայելեք Ձեր ժամանցը:
Ի՞նչ է նշանակում «Ներառել» տեսարժան վայրերի մուտքի տոմսերը կամ «Կվճարեմ տեղում ինքս»:
Առաջարկելով ներառել տեսարժան վայրերի մուտքի տոմսերը կամ վճարել դրանց համար տեղում՝ մենք մեր հյուրերին ճկունության հնարավորություն ենք տալիս՝ կամ նախապես վճարել մուտքի տոմսերը, կամ էլ կատարել նույն վճարը տեսարժան վայրում: Եթե Դուք ընտրում եք առաջին տարբերակը, մենք կատարում ենք ամրագրումները, և այդպիսով, առանց որևէ խնդրի Դուք կկարողանաք մուտք գործել բոլոր տեսարժան վայրեր: Այն դեպքում, երբ որոշեք տեղում վճարել դրանց համար, մենք նույնպես կկատարենք Ձեզ համար անհրաժեշտ ամրագրումները, սակայն նկատի ունեցեք, որ կարող է անհրաժեշտ լինել հերթ կանգնել տեսարժան վայրերի մոտ՝ տոմսեր գնելու համար: Նախապես դրանց համար վճարելը կօգնի խնայել ժամանակը և կերաշխավորի ավելի հեշտ հասանելիություն դեպի Ձեր էքսկուրսիայում ընդգրկված տեսարժան վայրերը:
Ի՞նչ տրանսպորտային միջոցներ են տրամադրվում անհատական էքսկուրսիաների համար:
Մենք առաջարկում ենք հարմարավետ և ժամանակակից տրանսպորտային միջոցների լայն տեսականի, ներառյալ՝ սեդաններ, ամենագնացներ, մինիվեններ, միկրոավտոբուսներ և ավտոբուսներ, որոնք հարմար են առանձին ճամփորդողներին, ընտանիքներին, ինչպես նաև մեծ խմբերին: Այստեղ Դուք կարող եք մանրամասն ուսումնասիրել մեր ավտոպարկի նկարները՝
https://hyurservice.com/hy/our-fleet
Արդյո՞ք անհատական էքսկուրսիաների համար նախատեսված տրանսպորտային միջոցները համալրված են մանկական նստատեղով:
Մանկական նստատեղ կարող է անվճար տրամադրվել ըստ ցանկության, եթե ընտրված տրանսպորտային միջոցում կա բավականաչափ տեղ այն տեղադրելու համար: Այն դեպքում, եթե ընտրված տրանսպորտային միջոցում բավականաչափ տեղ չկա, կարող եք կատարել տրանսպորտի փոփոխության հարցում՝ Ձեր երեխայի համար անվտանգ և հարմարավետ երթևեկություն ապահովելու համար:
Արդյո՞ք գիշերակացով էքսկուրսիայի արժեքը ներառում է հյուրանոցի և սննդի վճարը:
Գիշերակացով էքսկուրսիայի արժեքը չի ներառում հյուրանոցի վճարը, սակայն Դուք կարող եք այն հեշտությամբ ամրագրել մեր կայքի հյուրանոցների ամրագրման էջի միջոցով կամ կապ հաստատել մեզ հետ՝ լրացուցիչ տեղեկությունների համար: Ամենայն հավանականությամբ, ընտրված հյուրանոցի արժեքը կներառի նախաճաշը, մինչդեռ ընթրիքը կարելի է պատվիրել առանձին՝ հյուրանոցում կամ մոտակա ռեստորաններում: Ինչ վերաբերում է էքսկուրսիաների ընթացքում ճաշերին, ապա կա տարբերակ ներառելու ճաշը ամրագրման ժամանակ՝ ավելի հարմարավետ և հաճելի ժամանց ունենալու համար: Կարևոր է նշել, որ էքսկուրսավարի և վարորդի գիշերակացն ու սնունդը հոգում է մեր ընկերությունը:
Ի՞նչ պետք է վերցնել Հայաստան ճամփորդելիս:
Հայաստանն ունի բազմազան կլիմա, ուստի ամեն ինչ կախված է սեզոնից և ուղղություններից: Մշակութային վայրերի համար խորհուրդ է տրվում վերցնել հարմարավետ հագուստ, արևապաշտպան քսուք և գլխարկ: Ավելի ցուրտ ամիսներին կարևոր է տաք հագուստ վերցնելը, հատկապես՝ բարձրադիր շրջաններ ուղևորվելիս:
Ինչպե՞ս կարող եմ չեղարկել կամ փոփոխել իմ անհատական էքսկուրսիան:
Եթե ցանկանում եք չեղարկել կամ փոփոխել Ձեր անհատական էքսկուրսիան, խնդրում ենք, որքան հնարավոր է շուտ կապվել մեզ հետ: Դուք կկարողանաք անվճար հիմունքներով փոփոխել Ձեր անհատական էքսկուրսիան, եթե տեղեկացնեք մեզ այդ մասին նախապես՝ 24 ժամ առաջ: Չեղարկման կամ չներկայանալու դեպքում, էքսկուրսիայի արժեքի 15%-ը չի վերադարձվում: Լրացուցիչ տեղեկությունների համար մանրամասն ծանոթացեք
չեղարկման քաղաքականությանը:
