Անհատական էքսկուրսիա.Շրջայց Երևանում, ԱՐԱՐԱՏ կոնյակի գործարան, Մեգերյան Կարպետ, Մատենադարան
Երևան, ԱՐԱՐԱՏ կոնյակի գործարան, Մեգերյան Կարպետ գորգերի գործարան, Մատենադարան՝ հնագույն ձեռագրերի պահպանման ինստիտուտ
1. Երևան (ամենահայտնի վայրերը)
40-60 րոպե
Երևանը Հայաստանի մայրաքաղաքն է, քաղաք, որ 29 տարով մեծ է Հռոմից: Թվագրվում է մ.թ.ա. 782թ.-ով, հիմնադրվել է հինավուրց Էրեբունի ամրոցի տեղում՝ կառուցված Արգիշտի Առաջինի կողմից: Երևանը հաճախ կոչում են «վարդագույն քաղաք», քանի որ այստեղ շատ շենքեր կառուցված են վարդագույն տուֆից: Մայրաքաղաքը տուրիստական հայտնի ուղղություններից մեկն է՝ շնորհիվ բազմաթիվ տեսարժան վայրերի, ակտիվ գիշերային կյանքի, հրաշալի թանգարանների, ինչպես նաև գեղեցիկ զբոսայգիների: Երևանով զբոսանքը քաղաքի մշակույթը, պատմությունը և տեղական խոհանոցը ճանաչելու լավագույն միջոցն է: Հանրապետության հրապարակը Երևանի զարմանահրաշ տեսարժան վայրերից մեկն է. սկսած մայիս ամսվա սկզբից մինչև աշնան կեսերն այստեղ տարբեր ժանրերի գեղեցիկ մեղեդիներով ուղեկցվող երգող-պարող շատրվանների ֆանտաստիկ շոու է անցկացվում: Բաց չթողնեք Երևանի մեկ այլ հայտնի տեսարժան վայրը՝ Կասկադ համալիրը, որտեղի դիտակետից դեպի քաղաք բացվում է չքնաղ տեսարան, որը կարող եք լավագույնս վայելել գիշերը, երբ քաղաքը գեղեցիկ լուսավորում է ստանում:
2. ԱՐԱՐԱՏ կոնյակի գործարան
60-70 րոպե
ԱՐԱՐԱՏ կոնյակներն ինքնին լեգենդ են` իրենց մեջ ամփոփելով Հայաստանի ոգին, պատմամշակութային ժառանգությունը, ինչպես նաև հայ վարպետների հմտությունը: ԱՐԱՐԱՏ-ն ամբողջ աշխարհում հայկական կոնյակների ամենաճանաչված և հաջողակ ապրանքանիշն է: Կոնյակի գործարանում հնարավոր է ականատես լինել կոնյակի արտադրման փուլերին և վայելել ԱՐԱՐԱՏ կոնյակների տարբեր տեսակների անկրկնելի համն ու բույրը` հենց աղբյուրից: Գործարանի թանգարանում ներկայացված է հայկական կոնյակի արտադրության 120 տարվա պատմությունը:
Տոմսեր կարող եք ձեռք բերել մեր գրասենյակներում.
Ամրագրումները հարկավոր է կատարել նախօրոք:
* Մինչև 18 տարեկան երեխաները հնարավորություն չեն ունենա մասնակցել էքսկուրսիային
Տոմսեր կարող եք ձեռք բերել մեր գրասենյակներում.
- Ստանդարտ փաթեթ՝ շրջայց, ARARAT «Երեք աստղ» և 7-ամյա ARARAT «Անի» կոնյակների համտես՝ անձը 4 500 AMD;
- Փաթեթ ARARAT flavors՝ շրջայց, 7-ամյա ARARAT «Անի», ARARAT Apricot և ARARAT Coffee կոնյակների համտես՝ անձը 7 500 AMD;
- Ընդլայնված փաթեթ՝ շրջայց, 10-ամյա ARARAT «Ախթամար», 20-ամյա ARARAT «Նաիրի» և 15-ամյա ARARAT «Վասպուրական» կոնյակների համտես՝ անձը 10 000 AMD։
Ամրագրումները հարկավոր է կատարել նախօրոք:
* Մինչև 18 տարեկան երեխաները հնարավորություն չեն ունենա մասնակցել էքսկուրսիային
3. Մեգերյան Կարպետ գորգերի գործարան
40-50 րոպե
Գորգերը մշտապես եղել են հայկական մշակույթի արտահայտման յուրահատուկ միջոց: Մեգերյան ընտանիքն արդեն չորս սերունդ շարունակ զբաղվում է արևելյան բարձրորակ գորգերի վաճառքով, նորոգմամբ, ինչպես նաև արտադրությամբ: Հայ ընտանիքը գորգերի վաճառքի գծով իր բիզնեսը հիմնել է ԱՄՆ-ում 1917թ.-ին և կարճ ժամանակահատվածում դարձել առաջատարը՝ գորգերի նորոգման ոլորտում: Հաշվի առնելով դիզայնի նոր միտումների հանդեպ աճող պահանջարկը և ձևավորված բարձր հմտությունները՝ Մեգերյան ընտանիքի անդամներն ընդունում են դեկորատիվ գորգերի սեփական արտադրություն ստեղծելու մասին որոշումը: «Մեգերյան Կարպետ» գորգերի գործարանում ներկայացված է հայկական մշակույթին բնորոշ տարատեսակ զարդանախշերով գորգերի հարուստ հավաքածու: Այնտեղ պահվող ամենահին գորգը պատկանում է 17-րդ դարին:
4. Մատենադարան
70-80 րոպե
Մաշտոցի պողոտայի հյուսիսային հատվածում է գտնվում հնագույն ձեռագրերով հարուստ գրադարաններից մեկը` Մատենադարանը: Այստեղ են հավաքված համաշխարհային ճանաչում ձեռք բերած հայկական մագաղաթներն ու իրենց բարձր կատարողական վարպետությամբ աչքի ընկնող հայ մանրանկարիչների գլուխգործոցները: Մատենադարանի գրապահոցներում են գտնվում նաև համաշխարհային անտիկ դասականների այնպիսի գործեր, որոնք մեզ են հասել միայն հայերեն թարգմանությամբ: Մատենադարանի շենքի բակում տեղադրված են հայ մշակույթի ու գրականության մեծ գործիչների՝ Մովսես Խորենացու, Անանիա Շիրակացու, Մխիթար Գոշի, Թորոս Ռոսլինի, Ֆրիկի, Գրիգոր Տաթևացու, Մեսրոպ Մաշտոցի, ինչպես նաև իր աշակերտ Կորյունի արձանները:
Ներառված է
- Փորձառու վարորդներ
- Օդորակիչով մեքենաներ
- Շշալցված ջուր
- Մեկնարկը (ավարտը) Երևանում ցանկացած վայրից
- Տրանսպորտային միջոցի և ուղևորների ապահովագրություն
- Լրացուցիչ կանգառներ երթուղում
Ներառված չէ
- Զգալի շեղումներ երթուղուց
- Ալկոհոլային խմիչքներ՝ ճաշով տարբերակն ընտրելու դեպքում
- Աուդիոգիդեր
- Wi-Fi տրանսպորտում
Առանձնահատկություններ
- Այցելեք մի քաղաք, որ մեծ է Հռոմից 29 տարով
- Բացահայտեք հայկական կոնյակի անկրկնելի համը
- Ծանոթացեք հայկական գորգագործության լավագույն ավանդույթներին
- Ուսումնասիրեք պահպանված եզակի, արժեքավոր հայկական ձեռագրերը
*Մինչև 18 տարեկան երեխաները հնարավորություն չեն ունենա մասնակցել էքսկուրսիային
Ամրագրման պայմաններ
Չեղարկում և փոփոխում
Նմանատիպ անհատական էքսկուրսիաներ
