Առուճ եկեղեցի, Մարմաշենի վանք, Գյումրի, Ձիթողցոնց տուն, Հառիճավանք
Առուճ եկեղեցի, Մարմաշենի վանք, Գյումրի, Գյումրիի քաղաքային կենցաղի թանգարան (Ձիթողցոնց տուն), Հառիճավանք
1. Առուճի եկեղեցի
Դիտել էջը
Երևանից 40 կմ հեռավորության վրա է գտնվում Առուճ գյուղը, որի տարածքում կան բազմաթիվ պատմամշակութային հուշարձաններ: Այստեղ է գտնվում Հայաստանում ամենամեծ եկեղեցիներից մեկը` Սբ. Գրիգոր գմբեթավոր համալիրը: Եկեղեցին կառուցվել է 7-րդ դարում և մեծ հետաքրքրություն է առաջացնում հատկապես իր որմնանկարներով, որոնք, թեպետ ամբողջովին չեն պահպանվել, բայց վառ կերպով արտացոլում են այդ ժամանակների վարպետությունը: Եկեղեցու գմբեթն անցյալում ավերվել է և այժմ նրա համար գմբեթ է ծառայում անհատակ երկինքը, որի գունային անցումները թվում է, թե շարունակում են որմնանկարների սյուժեն: Եկեղեցու կողքին պահպանվել են պալատական մի կառույցի ավերակներ, իսկ գյուղի մեջ՝ նաև կիսաքանդ քարավանսարա՝ կառուցված 13-14-րդ դդ.-ում:
2. Մարմաշենի վանք
Դիտել էջը
Ախուրյան գետի բարձրադիր ափին` գեղատեսիլ սարահարթի վրա է գտնվում իշխան Վահրամ Պահլավունու կառուցած Մարմաշենի հոյակերտ եկեղեցական համալիրը: Այն մի հսկայական կոթող է, որի շինարարությունը սկսվել է 986թ.-ին՝ ավարտվելով 1029-ին: Գլխավոր եկեղեցին գմբեթավոր դահլիճ է, որի ճակատները մշակված են եռանկյունաձև խորշերով՝ իրենց լուսաստվերային խաղերով կենդանություն հաղորդելով կառույցին: Վանքի երկրորդ եկեղեցին կառուցված է գլխավորին կից: Այժմ պահպանված արևելյան և հյուսիսային պատերը վկայում են այն մասին, որ թե հորինվածքով, և թե ճարտարապետական մանրամասներով այն գլխավոր եկեղեցու փոքրացված կրկնօրինակումն է: Սրբատաշ կարմիր տուֆով կառուցված այս համալիրը, ընդգծվելով երկնքի կապույտ տեսարանին, աննկարագրելի տպավորություն է թողնում:
3. Գյումրի
Դիտել էջը
Հայաստանի հյուսիս-արևմուտքում՝ Շիրակի դաշտավայրի կենտրոնում, Երևանից 126 կմ հեռավորության վրա է գտնվում Հայաստանի ամենակոլորիտային քաղաքը` Գյումրին: Այստեղ շատ խորն են ազգային ավանդույթները, իսկ ոգին յուրահատուկ կերպով արտահայտվում է գրեթե ամեն ինչում: Գյումրվա հին փողոցներով քայլելիս դեռևս թվում է, թե լսվում է դարբինների մուրճերի ձայնը, և փողոցի անկյունից ուր որ է կհայտնվի ֆայտոնը, ու ֆայտոնչին իր բամբ ձայնով կհրավիրի շրջել քաղաքի փողոցներով: Քաղաքի բարձր ճարտարապետության մասին են խոսում բնակելի հին տները, որոնց մեծ մասը, բարեբախտաբար, դիմացավ սարսափելի երկրաշարժին: Այս տներն աչքի են ընկնում ճարտարապետական աշխատանքների ուրույն լուծումներով, բազմերանգ տուֆի գունային համադրություններով, պատշգամբների փայտե բարձրարվեստ զարդաքանդակներով: Ի սկզբանե Գյումրին եղել է մշակութային իրադարձությունների կենտրոնում. հենց այս քաղաքում է առաջին անգամ բեմադրվել Արմեն Տիգրանյանի ժողովրդական «Անուշ» օպերան:
4. Գյումրիի թանգարան (Ձիթողցոնց)
Դիտել էջը
Գյումրիի քաղաքային կենցաղի և ազգային ճարտարապետության թանգարանում ներկայացված է Գյումրվա առօրյան, մշակույթն ու պատմությունը։ Նշանակալի այս առանձնատունը կառուցվել է հարուստ առևտրական Պետրոս Ձիթողցյանի կողմից 1872թ.-ին` Շիրակի հայտնի կարմիր տուֆից, իսկ 1984թ.-ին այս շինության մեջ հիմնադրվել է թանգարանը, որը հաճախ կոչում են Գյումրիի Ձիթողցոնց տուն-թանգարան: Ընդգրկված է Գյումրիի պատմության և մշակույթի անշարժ հուշարձանների ցանկում:
5. Հառիճավանք
Դիտել էջը
Արագած լեռան արևմտյան ստորոտին՝ ժայռոտ հրվանդանի վրա է գտնվում Հառիճավանքը: Ըստ հետազոտողների ենթադրության՝ այն հիմնադրվել է 7-րդ դարում: 13-րդ դարում կառուցվում են համալիրի գլխավոր եկեղեցին ու գավիթը: 19-րդ դարում վանքը դառնում է կաթողիկոսների ամառային նստավայր: Առանձնակի հետաքրքրություն է առաջացնում վանքային համալիրից ոչ շատ հեռու գտնվող փոքրիկ մատուռը` կառուցված մի ժայռաբեկորի վրա, որը երկրաշարժի ժամանակ առանձնացել է ընդհանուր ժայռազանգվածից և թեք վիճակում, գրեթե անվնաս հասել մեր օրեր:
Ներառված է
- Փորձառու վարորդներ
- Օդորակիչով մեքենաներ
- Շշալցված ջուր
- Մեկնարկը (ավարտը) Երևանում ցանկացած վայրից
- Տրանսպորտային միջոցի և ուղևորների ապահովագրություն
- Լրացուցիչ կանգառներ երթուղում
Ներառված չէ
- Զգալի շեղումներ երթուղուց
- Ալկոհոլային խմիչքներ՝ ճաշով տարբերակն ընտրելու դեպքում
- Աուդիոգիդեր
- WiFi տրանսպորտում
Առանձնահատկություններ
- Ծանոթացեք 7-րդ դարի միջնադարյան պատմություններին
- Հիացեք 11-րդ դարի ճարտարապետության գեղեցկությամբ և վեհությամբ
- Զբոսնեք Գյումրիի հին փողոցներով, որտեղ նկարահանվել են հայտնի հայկական ֆիլմերը
- Ուսումնասիրեք 19-րդ դարի հայ կաթողիկոսների ամառային նստավայրը
Ամրագրման պայմաններ
Չեղարկում և փոփոխում
