Հյուրերի կարծիքները

Հարգելի՛ Լիլիթ։

Ցանկանում եմ շնորհակալություն հայտնել Ձեզ, Ձեր աշխատակիցներին և Ձեր գործակալությանը՝ Հայաստանում իմ գտնվելը կազմակերպելու համար։

Եվս մեկ անգամ գոհ եմ մնում «Յուր Սերվիս»-ի աշխատանքից։

Շատ շնորհակալ եմ Ձեզ։

Հարգանքով՝
Լեսյա

Այս հաղորդագրությունը «Հյուր Սերվիսի» սեփականատերերին է.

Ցանկանում ենք մեր անկեղծ շնորհակալությունը հայտնել մեզ լավագույն անձնական վարորդ Ավեդին և մեր հրաշալի էքսկուրսավար Սամվելին տրամադրելու համար։ Նա ոչ միայն սահուն անգլերեն էր խոսում, այլև շատ լավ գիտեր մեր այցելած բոլոր վայրերի պատմությունը։ Չեմ կարող բավականաչափ գովել նրանցից երկուսին։

Ավեդը ամեն ինչ արեց՝ մեզ ընդառաջ գնալու և մեր խնդրած երթուղու փոփոխությունները կատարելու համար, որոնք առաջարկել էինք Հայաստանի քարտեզն ուսումնասիրելուց հետո։ Նա չվարանեց զանգահարել գրասենյակ՝ մեր փոփոխությունների համար հաստատում ստանալու նպատակով։

Մեր ուղևորության ողջ ընթացքում և՛ Ավեդի, և՛ Սամվելի հետ հաճելի ու զվարճալի էր։

Երբ երկվորյակներիցս մեկը հայտնվեց հիվանդանոցում, Ավեդն ու Սամվելը չվարանեցին օգնել մեզ և մեր կողքին էին՝ որդուս ու ինձ մխիթարելու համար։

Մեր կարծիքով՝ ձեր ընկերությունում աշխատում են ամենահրաշալի մարդկանցից երկուսը։ Նրանք երկուսն էլ իսկական ԳԱՆՁ են։

Անշուշտ, ձեր կազմակերպությունը խորհուրդ կտանք բոլոր նրանց, ովքեր այցելում են Երևան։

Հայաստան այցելելու հետ կապված մեր միակ դժգոհությունը «Մայ Սթրիթից» վարձակալած կացարանն էր՝ Երևան, Աղայան 15 հասցեում։ Այն մեզ խորհուրդ էին տվել, բայց փորձը շատ տհաճ էր․ տաք ջուր չկար, իսկ էլեկտրականությունն անջատվեց մի քանի անգամ։ Երանի մեր կացարանն էլ ձեր ընկերության միջոցով ամրագրած լինեինք։

Խնդրում ենք մեր լավագույն մաղթանքները փոխանցել Ավեդին ու Սամվելին, և հուսով եմ՝ մեր գովեստի խոսքերը կփոխանցեք նրանց։

Լավագույն մաղթանքներով՝
Սիրան

Հարգելի՛ Քրիստինա

Շատ շնորհակալություն մեր արձակուրդի կազմակերպման հարցում ցուցաբերած աջակցության համար։ Մենք հաճույքով անցկացրինք մեր արձակուրդը Երևանում։

Ձեր ընկերությունը շատ ուշադիր է եղել և մեծապես օգնել է մեզ։ Մենք գնահատում ենք դա և ապագայում, անկասկած, կրկին կդիմենք ձեզ։

Լավագույն մաղթանքներով
Ռուբիկ Ղալուստիանս

Հարգելի՛ «Հյուր Սերվիս» ՍՊԸ-ի ղեկավարություն,

Իմ երախտագիտությունն եմ հայտնում Ձեզ՝ մեր հանգիստը լավագույնս կազմակերպելու համար։
Հայաստան կատարած մեր ճանապարհորդության ընթացքում մեզ օգնեցին մենեջեր Մարգոն և վարորդները, բայց հատկապես ուզում եմ նշել Ձեր աշխատակցին և մեր զբոսավար Գորին։
Մեզ բախտ վիճակվեց նրա հետ չորս օր անցկացնել, և նրա յուրաքանչյուր էքսկուրսիան մեզ համար առանձնահատուկ էր։
Գորը մեծ ապագա ունեցող մասնագետ է․ այնպիսի սիրով էր պատմում Հայաստանի, նրա պատմության և հուշարձանների մասին՝ վերակերտելով հայ ժողովրդի մշակութային ժառանգության պատկերները։

Մեր զբոսավար Գորը՝ գիտակ և ռուսերենի հրաշալի իմացությամբ, ամեն օր հպարտությամբ մեզ համար բացահայտում էր Հայաստանի նոր տեսարժան վայրերը։

Պատմելով հայերի ավանդույթների և կյանքի մասին՝ նրա խոսքերում հայրենասիրություն էինք զգում, ինչպես նաև՝ մեր հանդեպ հոգատարություն։ Նա խորհուրդներ էր տալիս գինիներ և հայկական խոհանոցի ուտեստներ ընտրելիս, ինչի շնորհիվ մենք սիրահարվեցինք Հայաստանին ու նրա մարդկանց։
Մեր ճանապարհորդությունը լավ էր կազմակերպված և հիշվեց հենց Ձեր աշխատակիցների պրոֆեսիոնալիզմի ու
շփվելու կարողության շնորհիվ։ Հուսով ենք, որ կգնահատեք նրանց ներդրումը Ձեր բիզնեսի զարգացման գործում։
Ամեն կերպ խորհուրդ կտանք մեր հայրենակիցներին համագործակցել հենց Ձեր ընկերության հետ։

Մաղթում ենք հաջողություններ Ձեր մեծ ընկերությանը։

Ալեքսանդր՝ Ալմաթիից։ Օգոստոս, 2017 թ.

Հարգելի «Հույր Սերվիս»-ի ադմինիստրացիա, բարի օր։

Ամբողջ սրտով ուզում եմ շնորհակալություն հայտնել Ձեզ՝ Հայաստանի բարձրակարգ շրջագայությունը կազմակերպելու համար։ Սակայն կարծում եմ, որ եթե չլիներ մեր գիդի և էքսկուրսավարի՝ Տաթևիկ Արշակյանի պրոֆեսիոնալիզմը, շրջագայությունն այդքան հետաքրքիր չէր լինի։

Ուզում եմ ասել, որ Տաթևիկը շատ տակտիկ, պրոֆեսիոնալ, բարի և պատրաստակամ է։ Ամեն ինչում փորձում է լինել քաղաքավարի և ուշադիր։ Նա իսկապես հիանալի է, և պարզապես չկան այնպիսի բառեր, որոնցով կարողանայի արտահայտել իմ ողջ երախտագիտությունը շրջագայության կազմակերպման և անցկացման գործում նրա ներդրման համար։

Շատ ու շատ շնորհակալ եմ Ձեզ, Տաթևիկ Արշակյան։ Հարգանքով՝ Արթուր Արաքելյան, Հռոմից ժամանած զբոսաշրջիկ։

Մարգո

Բարևներ ցուրտ ու անձրևոտ Շոտլանդիայից։
Ես ու Քոլինը ցանկանում ենք շնորհակալություն հայտնել ձեր հրաշալի երկրով այս հիանալի կարճ շրջագայությունը կազմակերպելու համար։

Ամեն ինչ ընթանում էր ժամացույցի պես, և Արտակը հիանալի վարորդ ու ուղեկցորդ էր։ Նրա անգլերենի իմացությունը շատ օգտակար էր թարգմանելու և բացատրություններ տալու հարցում։

Դուք գեղեցիկ երկիր ունեք, և մեր շրջագայության ընթացքում հանդիպած բոլոր մարդիկ շատ ջերմորեն ընդունեցին մեզ և չափազանց հյուրընկալ էին։
Անշուշտ կօգտվեինք ձեր ծառայություններից, եթե վերադառնայինք Հայաստան, և ձեր ընկերությունը խորհուրդ կտայինք բոլոր նրանց, ովքեր ցանկանում են այցելել։

Կրկին շատ շնորհակալություն։
Հարգանքներով՝
Ջոն

Հյուր Սերվիսի թիմի հարգելի անդամներ,

Ցանկանում եմ շնորհակալություն հայտնել բնակարանների վարձակալության հարցում ձեր պրոֆեսիոնալ մոտեցման համար։ Ես մնացել եմ բազմաթիվ բնակարաններում և նկատել եմ, որ Հյուր Սերվիսի ծառայության մեջ շատ բաներ են բարելավվել։ 482 համարի բնակարանը շատ հարմարավետ էր և հիանալի տեղակայված։ Մենք շատ գոհ էինք։

Ցանկանում եմ շնորհակալություն հայտնել ձեր թիմի յուրաքանչյուր անդամին, ով մեր հանգիստը հաճելի դարձրեց։

Սպասում եմ հետագա համագործակցությանը։
Հարգանքներով՝
Վերա

Շնորհակալություն հետաքրքիր շրջագայության համար։

Ինձ շատ դուր եկան Երևանն ու Հայաստանի բոլոր էքսկուրսիաները։
Ձեր ընկերությունը խորհուրդ կտամ իմ ընկերներին։

Հարգելի՛ Մայա։

Շատ շնորհակալություն Ձեզ՝ կատարած աշխատանքի համար, ինչպես նաև մեր վարորդներին, Աշոտին և էքսկուրսավարներին (հատկապես Քրիստինեին և Գառնիկին)։

Ուզում եմ շնորհակալություն հայտնել ԳԵՐԱԶԱՆՑ ուղեկցության և այն հրաշալի մարդու համար, որը մեզ բաժին հասավ որպես թարգմանչուհի․ Մարիան իրեն շատ լավ դրսևորեց։ Նույնպես շնորհակալություն գիդերին, վարորդներին և գրասենյակի ողջ անձնակազմին։

Շնորհակալություն ամեն ինչի համար։

Հարգելի Լիլիթ,

Նախ և առաջ ուզում եմ շնորհակալություն հայտնել վերջին ամիսների ընթացքում գործադրած ջանքերի համար՝ միասին կազմակերպելու այն ուղևորությունների ժամանակացույցը, որոնք կատարեցինք անցյալ շաբաթ Հայաստանում մեր գտնվելու ընթացքում։

Մեր թիմի անունից՝ ես, Ալինե, Շողիկ, Ռեյ, Սալփի, Մարալ, Հեղինե, Սաբինե և Սոնա, գնահատում ենք Ձեր հարգարժան ընկերության պրոֆեսիոնալիզմը, որի շնորհիվ Երևանում, Ղարաբաղում, Ջերմուկում և Դիլիջանում անցկացրինք հիանալի ու անմոռանալի օրեր։

Գնահատում ենք նաև մեր էքսկուրսավար Խաչադուրի և վարորդ պարոն Հարութի ջանքերը, որոնք շատ համագործակցող էին և մեզ հետ՝ առավելագույնս բարեհամբույր։ Բոլորս ասում ենք՝ Շատ շնորհակալություն, Խաչ, և պարոն Հարութ։

Հուսով ենք՝ կրկին և շուտով կայցելենք մեր սիրելի Հայաստան։


Շատ շնորհակալություն և լավագույն մաղթանքներով,
Արդա Բաղդոյան

Յագելի Մարի,

Ցանկանում էի շնորհակալութիւն յայտնել մեր անմոռանալի ճամբորդութեան համար:

Յատուկ շնորհակալութիւն պարոն Ռուբէնին իր հիանալի մասնագիտութեան եւ բարեհամբոյր բնաւորութեան համար:

Յարգանօք
Արմինէ