Հյուրերի կարծիքները

Հարգելի՛ Մայա։

Շատ շնորհակալություն Ձեզ՝ կատարած աշխատանքի համար, ինչպես նաև մեր վարորդներին, Աշոտին և էքսկուրսավարներին (հատկապես Քրիստինեին և Գառնիկին)։

Ուզում եմ շնորհակալություն հայտնել ԳԵՐԱԶԱՆՑ ուղեկցության և այն հրաշալի մարդու համար, որը մեզ բաժին հասավ որպես թարգմանչուհի․ Մարիան իրեն շատ լավ դրսևորեց։ Նույնպես շնորհակալություն գիդերին, վարորդներին և գրասենյակի ողջ անձնակազմին։

Շնորհակալություն ամեն ինչի համար։

Հարգելի Լիլիթ,

Նախ և առաջ ուզում եմ շնորհակալություն հայտնել վերջին ամիսների ընթացքում գործադրած ջանքերի համար՝ միասին կազմակերպելու այն ուղևորությունների ժամանակացույցը, որոնք կատարեցինք անցյալ շաբաթ Հայաստանում մեր գտնվելու ընթացքում։

Մեր թիմի անունից՝ ես, Ալինե, Շողիկ, Ռեյ, Սալփի, Մարալ, Հեղինե, Սաբինե և Սոնա, գնահատում ենք Ձեր հարգարժան ընկերության պրոֆեսիոնալիզմը, որի շնորհիվ Երևանում, Ղարաբաղում, Ջերմուկում և Դիլիջանում անցկացրինք հիանալի ու անմոռանալի օրեր։

Գնահատում ենք նաև մեր էքսկուրսավար Խաչադուրի և վարորդ պարոն Հարութի ջանքերը, որոնք շատ համագործակցող էին և մեզ հետ՝ առավելագույնս բարեհամբույր։ Բոլորս ասում ենք՝ Շատ շնորհակալություն, Խաչ, և պարոն Հարութ։

Հուսով ենք՝ կրկին և շուտով կայցելենք մեր սիրելի Հայաստան։


Շատ շնորհակալություն և լավագույն մաղթանքներով,
Արդա Բաղդոյան

Յագելի Մարի,

Ցանկանում էի շնորհակալութիւն յայտնել մեր անմոռանալի ճամբորդութեան համար:

Յատուկ շնորհակալութիւն պարոն Ռուբէնին իր հիանալի մասնագիտութեան եւ բարեհամբոյր բնաւորութեան համար:

Յարգանօք
Արմինէ

Էքսկուրսիայի կազմակերպումը, գիդը, ծրագիրը՝ ամեն ինչ շատ բարձր մակարդակի վրա էր։ Էքսկուրսիան նախապես ամրագրել էի ինտերնետով, քանի որ Երևանում ընդամենը 3 օր ունեինք։

Բարև ձեզ։

Մենք՝ ամբողջ ընտանիքով, ուզում ենք շնորհակալություն հայտնել ձեր ընկերությանը հրաշալի էքսկուրսիայի համար։ Մենք հիացած ենք ուղևորությամբ։ Առանձնահատուկ շնորհակալություն հրաշալի գիդ Քրիստինային և վարորդ Ավեդին։ Խնդրում ենք անպայման պարգևատրել նրանց՝ բարձր պրոֆեսիոնալիզմի, ընկերասիրության և բարության համար։

Անպայման ձեզ խորհուրդ կտանք մեր ընկերներին և հնարավորության դեպքում կրկին կօգտվենք «Հյուր Սերվիս»-ի ծառայություններից։

Բարև Ձեզ, Մարի՛։
Ես ու քույրս հունիսի 28-ին եկել էինք Երևան և օգտվել Ձեր ընկերության ծառայություններից։ Ուզում ենք մեր շնորհակալությունն ու երախտագիտությունը հայտնել մեր անձնական գիդին․ նրա անունը Իռեն է, ցավոք, ազգանունը չենք հարցրել։ Խնդրում ենք նրան փոխանցել մեր շնորհակալությունը շատ հետաքրքիր էքսկուրսիաների, բարձր պրոֆեսիոնալիզմի և պատմական նյութին գերազանց տիրապետելու համար։

Հաջորդ տարի հույս ունենք վերադառնալ ձեր հյուրընկալ քաղաքը․ դեռ շատ բան ունենք տեսնելու և համտեսելու!!!! Հնարավոր է՝ մեկնենք գաստրոնոմիական տուրի։ Անպայման խորհուրդ կտանք Ձեր ընկերությունը մեր ընկերներին՝ որպես Հայաստանի շուրջ բոլոր ճանապարհորդությունների լավագույն և վստահելի ուղեկից։

Հարգանքով՝ Պրուդնիկովա Էլինա Պետրոսովնա։

Ցանկանում եմ շնորհակալություն հայտնել Hyur Service-ին՝ բացառիկ սպասարկման համար։

Առաջին անգամ էի այցելում Երևան, և շատ տպավորված էի։ Ինձ շատ դուր եկան ձեր շրջագայություններն ու մատուցած ծառայությունները։ Ամենակարևորը՝ ուզում եմ շնորհակալություն հայտնել մեր զբոսավար Հայգին և վարորդին՝ մեր ուղևորությունն անմոռանալի դարձնելու համար։ Շնորհակալություն, Հայգ, ուսուցողական պատմությունների և մեքենայում վատ զգալուց ազատվելու վերաբերյալ խորհուրդների համար (կպչուն վիրակապն իսկապես օգնեց)։ Վերադարձա շատ հրաշալի հիշողություններով և մեր հայրենիքի հանդեպ ավելի խոր կապվածությամբ։
շատ շնորհակալ եմ ձեր ամբողջ տքնաջան աշխատանքի և մեզ համար մեր երկրում շրջելը և դրա մասին սովորելն այդքան հեշտ դարձնելու համար։

ԲՐԱՎՈ։ Սիրում եմ ձեզ, տղաներ։

Սիրելի՛ Մարիաննա,

Ցանկանում ենք անձամբ Ձեզ և Ձեր ընկերության բոլոր աշխատակիցներին շնորհակալություն հայտնել դեպի Հայաստան մեր ուղևորության հիանալի կազմակերպման համար։ Ամեն ինչ շատ բարձր մակարդակով էր կազմակերպված, և մենք կարողացանք ռեպորտաժի համար բավականաչափ տեսողական և բանավոր նյութ հավաքել։

Եվս մեկ անգամ անչափ շնորհակալություն Ձեզ՝ մեր ուղևորության կազմակերպմանն աջակցելու համար։

Նատալիա և Ալեքսանդր Տոկեր։

Բարև ձեզ,

Շնորհակալություն մեր ուղեկցվող շրջագայության մեջ Ցեղասպանության հուշահամալիր այցելելու հնարավորությունն ավելացնելու առաջարկի համար։ Կրկին շնորհակալություն ձեր վարորդ Միկայլին՝ պատրաստակամության, և ձեր հիանալի ֆրանսախոս ուղեկցորդուհի Նորային։ Մենք բարձր ենք գնահատել ձեր թիմի պրոֆեսիոնալիզմը։ Այս հիանալի փորձառության մասին կպատմենք սոցիալական ցանցերում։

Կրկին շնորհակալություն։

Հարգանքներով՝

Նատալի ԼՈՒՇԵ

Բարև Ձեզ։

Ես ու աղջիկս 2017 թվականի հունիսի 15-ից 22-ը հանգստանում էինք Երևանում։ Մասնակցում էինք Ձեր ընկերության կազմակերպած էքսկուրսիաներին։

Էքսկուրսիաները շատ հավանեցինք, իսկ էքսկուրսավար Հայկը՝ առավել ևս։ Պարզապես հրաշալի երիտասարդ է՝ գիտակ, դաստիարակված ու կազմակերպված։ Նրա հավաքվածության և հստակության շնորհիվ էքսկուրսիան լավ էր կազմակերպված և հետաքրքիր։

Էքսկուրսիան երեք լեզվով էր անցկացվում, և թեև ես դրանցից երկուսը չգիտեի, իմ լեզվով այն շատ հետաքրքիր էր, իսկ էքսկուրսավարի խոսքը հայերենով և անգլերենով ազատ էր, առանց վարանելու ու անհասկանալի դադարների։ Աղջկաս դուր եկավ պատմությունը թե՛ ռուսերենով, թե՛ անգլերենով։ Ամբողջ էքսկուրսիայի ընթացքում հաճելի էր շփվել մեր գիդի հետ։

Շնորհակալություն Ձեզ նման էքսկուրսավար ունենալու համար։ Մեզ դուր եկան Հայաստանը, նրա բնությունը, ճարտարապետությունը, տեսարժան վայրերը, պատմությունն ու ՄԱՐԴԻԿԸ։

Շնորհակալություն։ Մենք անպայման կվերադառնանք։

Հարգանքով՝ Զոյա և Կատյա Շացկիխ։ 22.07.2017.

Բարև, Մայա,

Ուզում էի մեծ շնորհակալություն հայտնել Հյուրի կողմից մեզ մատուցված հրաշալի ծառայության համար։ Դու և քո աշխատակազմի մյուս անդամները միշտ քաղաքավարի էիք, ճկուն և պատրաստակամ՝ մեր ընտանիքի կարիքներին ընդառաջ գնալու։

Կցանկանայի մի քանի կոնկրետ կարծիք հայտնել։

Նախ՝ մեր էքսկուրսավար Գայանեհը հրաշալի էր։ Նրա գիտելիքների մեծ պաշարը, մեր ընտանիքի հետ կապ հաստատելու կարողությունն ու խոսքի հստակությունը կատարյալ հավասարակշռություն էին ապահովում՝ կարևոր տեղեկություններ իմանալու, բայց միաժամանակ տեղեկությունների տարափի տակ չմնալու համար։ Մեր բոլոր երեխաներն իրենց հանգիստ էին զգում և հարցեր էին տալիս նրան, իսկ նա միշտ սիրալիր էր և պատրաստ՝ ամեն ինչ նրանց հասկանալի ձևով բացատրելու։ Գիտեմ, որ նա նոր է միացել ձեր կազմակերպությանը, և ուզում էինք անպայման տեղեկացնել, որ մենք նրան շատ հավանեցինք և սիրով խորհուրդ կտայինք ցանկացած այլ ընտանիքի։

Երկրորդ՝ վարորդը, որը մեզ տարավ Տաթևի վանք, նույնպես հիանալի էր։ Ճանապարհին նա մեզ հետաքրքիր պատմություններ պատմեց և օգտակար պատմական տեղեկություններ ներկայացրեց, ինչի շնորհիվ ճանապարհն արագ անցավ։ Հաշվի առնելով, թե որքան էի անհանգստանում այդ ճանապարհի համար՝ նրա վարելու հմտությունների շնորհիվ ինձ շատ ապահով էի զգում։

Մայա, դու նաև օգնեցիր ինձ կազմել կատարյալ երթուղի, որը մեր խմբի բոլոր անդամների համար տեսարժան վայրեր այցելելու և հաճույք ստանալու ճիշտ հավասարակշռություն էր ապահովում։ Պետք էր հաշվի առնել ծնողներիս և խմբի փոքրիկների կարիքները, իսկ դու յուրաքանչյուր նամակիս պատասխանում էիր ժամանակին և դրական ծրագրով, որը վստահեցնում էր, որ մենք լավ ձեռքերում կլինենք։ Այն պրոֆեսիոնալիզմը, որ դու ցուցաբերեցիր, երբ ես դեռ տանն էի, ինձ վստահություն ներշնչեց, որ մեր ճամփորդության ընթացքում էլ հիանալի ձեռքերում ենք լինելու, և թույլ տվեց վայելել այնտեղ անցկացրած ժամանակս՝ առանց այլևս որևէ մանրուքի մասին անհանգստանալու։ Շնորհակալություն։

Վերջում՝ մի քանի խոսք նրանց՝ Նորթերն Էվենյու հյուրանոցի մասին։ Գիտեմ, որ սա ձեր կազմակերպությունից առանձին է, բայց մենք այնքան տպավորված էինք նրանց մատուցած ծառայության որակով, որ եթե հնարավորություն լինի նրանց խորհուրդ տալ այլ հաճախորդների, մենք դա մեծապես կաջակցենք։ Աշխատակազմը հիանալի էր, սենյակները՝ մաքուր, ուտելիքը՝ հրաշալի, վայրը՝ հիանալի, և ամենակարևորը՝ ողջ աշխատակազմը մեզ այնպես էր վերաբերվում, որ մեզ զգում էինք ինչպես տանը՝ տնից հեռու։

Շատ շնորհակալություն բոլորիդ՝ ձեր հրաշալի հյուրընկալության համար։ Հուսով ենք՝ կրկին կհանդիպենք գեղեցիկ Հայաստանում։ Վերադառնալուց հետո ձեր ծառայությունները խորհուրդ ենք տվել բազմաթիվ մարդկանց, և հուսով ենք՝ նրանք էլ Հյուրի հետ նույնպիսի փորձառություն կունենան, ինչպիսին մենք ունեցանք։

Հարգանքով՝
Բիանկա