Հյուրերի կարծիքները

Շնորհակալություն ենք հայտնում էքսկուրսավար Իրինային՝ տեղեկատվության, ուշադիր վերաբերմունքի և նրբանկատության համար։ Բոլոր զբոսաշրջիկներին խորհուրդ ենք տալիս դիմել պրոֆեսիոնալ էքսկուրսիոն ընկերությունների․ միայն այդպես կարելի է հավաստի տեղեկություններ ստանալ և առնչվել այս եզակի երկրի պատմությանը։

Բարի լույս!
Հարգելի գործընկերներ, շատ շնորհակալ ենք մեր պատվիրակությանը հյուրընկալելու համար։
Հաճախորդներին շատ դուր եկավ։
Ուրախ էինք ձեզ հետ աշխատելու համար։

ՍՊԱՍՈՒՄ ԵՆՔ ՁԵԶ ՄՈՏ ՄԵԶ՝ ՈՒՐԱԼՈՒՄ։

Սրտանց շնորհակալություն եմ հայտնում գիդ Մարիային և վարորդներ Մաիսին ու Ավետին՝ 2018 թվականի մարտի 24-ին և 25-ին պրոֆեսիոնալիզմի և հիանալի կազմակերպված էքսկուրսիաների համար։

Ելենա Բոբկովա, Մոսկվա քաղաք

Ես շատ գոհ եմ Huyr-ի մատուցած ծառայություններից։

Դիանա Թումանյանը շատ արդյունավետ և բարեհամբույր էր մեր անհատական ուղևորության կազմակերպման գործում։

Կցանկանայինք նաև գովել մեր վարորդ Լևոնին : Նա շատ անվտանգ է վարում, միշտ հաճելի և ուշադիր է, ինչպես նաև գերազանց անգլերեն է խոսում։ Նա օգնեց, որ մեր ճանապարհորդությունը դեպի Ստեփանակերտ և հետ դառնա հիշարժան։

Շնորհակալություն և հարգանքներով

Փիթեր

Հարգելի՛ Մարիաննա, բարև Ձեզ։
Կցանկանայի Ձեր կայքում փոքրիկ կարծիք թողնել։

Եվս մեկ անգամ, Կլին քաղաքից ճանապարհորդների անունից, ցանկանում եմ շնորհակալություն հայտնել Ձեզ պրոֆեսիոնալիզմի, մատուցված ծառայությունների որակի, հրաշալի տպավորությունների, գիդերի, վարորդի և Ակվատեկ հյուրանոցի անձնակազմի աշխատանքի համար։
Խումբը բարձր գնահատեց Hyur Service ընկերության բոլոր աշխատակիցների պատասխանատու վերաբերմունքը և ցանկացած իրավիճակում օգնության հասնելու պատրաստակամությունը, գիդի կողմից էքսկուրսիոն նյութի հետաքրքիր մատուցումը, ինչպես նաև էքսկուրսիաների ընթացքում սնվելու համար գերազանց ընտրված վայրերը։ Խմբի ցանկացած հարցին տրվում էր մանրամասն պատասխան, գիդերը սիրալիր էին և բաց՝ երկխոսության համար։
Բնակության վայրը՝ Ակվատեկ հյուրանոցը, լիովին արդարացրեց հյուրերի սպասելիքները և ուրախություն պարգևեց թե՛ երեխաներին, թե՛ մեծահասակներին։
Ամանորի տոնակատարությունն իսկապես անցնող տարվա հիշարժան միջոցառումներից էր, քանի որ իր մեջ համատեղում էր համերգային ծրագրից ստացած տոնական տրամադրությունը, հաճելի մթնոլորտը՝ լավ ընկերակցությամբ և մյուս հյուրերի ներկայությամբ, ինչպես նաև տոնական սեղանի համեղ ուտեստները։
Առանձին շնորհակալություն հյուր Ալեքսեյից, ում ծննդյան օրը՝ որպես անակնկալ և շնորհավորանք, մատուցվեց համեղ և գեղեցիկ ձևավորված տորթ։

Մաղթում ենք Ձեզ բարգավաճում Ձեր դժվարին և տքնաջան աշխատանքում։

Հարգանքով՝
Իրինա Դանչենկո՝ Մոսկվայի մարզի Կլին քաղաքից ընտանիքների խմբի անունից, Ռուսաստան։

Հարգելի՛ Մարիամ,

Ուղղակի ուզում եմ շնորհակալություն հայտնել կազմակերպված ամեն ինչի համար։ Բոլոր ծառայությունները գերազանց էին, իսկ վարորդները՝ պատրաստակամ։
Հայաստանը գեղեցիկ երկիր է, և մենք հաճույքով բացահայտեցինք այն Հյուր Սերվիսի հետ։

Հարգանքներով՝
Ռոդնի

Այսօր հիանալի անհատական ուղևորություն ունեցա դեպի Էջմիածին և Երևանի տեսարժան վայրերով շրջայց։ Ճանապարհորդում էի վարորդ Լևոն Համբարձումյանի և զբոսավար Անահիտ Ահոյանի հետ։

Հաճելի էր այսպիսի հրաշալի ընկերակցությամբ բացահայտել Հայաստանը։ Վարորդը բարեհամբույր է և հումորով) Անահիտը հիանալի զբոսավար է և հաճելի աղջիկ․ ամեն ինչ պարզ ու հետաքրքիր պատմեց, ինչպես նաև պատասխանեց իմ բոլոր հարցերին և խորհուրդ տվեց վայրեր, որտեղ կարելի է այցելել, ու ճաշատեսակներ, որոնք կարելի է փորձել․ ինձ համար դա շատ արժեքավոր է։

Խորհուրդ եմ տալիս այս տուր.գործակալությունը և այս ընկերությունը՝ հաճելի ժամանակ անցկացնելու համար)

Բարև Ձեզ։ Հսկայական շնորհակալություն Ձեր ընկերությանը այս էքսկուրսիան կազմակերպելու համար։ Մեծ շնորհակալություն Լիլիթին։ Հանդիպեցինք, ինչպես պայմանավորվել էինք, հյուրանոցի նախասրահում՝ նշված ժամին։ Նա հաշվի առավ մեր բոլոր ցանկությունները։ Էքսկուրսիան շատ հետաքրքիր էր, ոչ ձանձրալի, ճանաչողական և թեթև։ Իմացանք թե՛ այն կոնկրետ վայրերի մասին, ուր այցելելու էինք, թե՛ երկրի մշակույթի, արժեքների ու ավանդույթների, ինչպես նաև մայրաքաղաք Երևանի մասին։

Լուսանկարվելու համար բավականաչափ ժամանակ կար։ Էքսկուրսիայի վերջում մի փոքր փոխեցինք պլանները և քաղաք վերադառնալու փոխարեն որոշեցինք անմիջապես մեկ այլ էքսկուրսիա վերցնել և գնալ Սևանա լիճ։ Ամեն ինչ կազմակերպվեց առանց խնդիրների, էքսկուրսիան նույնպես շատ հետաքրքիր էր։ Կանգ առանք շատ համեղ ձկան ռեստորանում։ Լիլիթը խորհուրդ տվեց մի քանի ֆիրմային ուտեստներ, որոնք ուղղակի աննկարագրելի համեղ էին, իսկ այդ գեղեցիկ լճի տեսարանով ճաշը կմնա մեր հիշողության մեջ ամբողջ կյանքում, ինչպես նաև Գառնիի տաճարն ու Գեղարդի վանքը։

Ի դեպ, Հանրապետության հրապարակում կանգնած են «էքսկուրսիաներ» գրությամբ մեքենաներ։ Այդ էքսկուրսիաներից մեկը վերցրինք՝ ուղևորություն դեպի Զվարթնոց և Էջմիածին։ Վարորդը պարզապես տաքսու վարորդի դեր էր կատարում, բայց ոչ մի կերպ՝ էքսկուրսավարի։ Ոչ մի տեղեկություն։ Ուղղակի լուռ ուղևորություն։ Իսկ երբ խնդրեցի ինչ-որ բան պատմել, նա «Վիքիպեդիայից» ընդամենը 2-3 տող ասաց։ Խորհուրդ չեմ տալիս տեղում վերցնել։ Ի դեպ, գները նույնն են։

Այս ընկերությունը խորհուրդ եմ տալիս այս հրաշալի երկրի բոլոր պոտենցիալ զբոսաշրջիկներին։

Ամուսնուս հետ մեր ամուսնության տարեդարձի շրջագայությունն էր։

Մեզ շատ դուր եկավ Հայաստանում Աստծո հրաշալի արարչագործությունը տեսնելը։ Դա հիանալի փորձառություն էր։ Շնորհակալություն ենք հայտնում Հայուր Սերվիսին շատ ջերմ ընդունելության և շատ պատրաստակամ անձնակազմի համար։

Հատուկ շնորհակալություն մեր ընկերասեր էքսկուրսավար Անահիտին։

Հայուր Սերվիսին՝ շատ շնորհակալություն, և Աստված օրհնի ձեր ընկերությունը։

Բարի օր, Մարի՛։

Մեծ շնորհակալություն Ձեզ և Ձեր ընկերության աշխատակիցներին՝ Հայաստանում հիանալի հանգիստ կազմակերպելու համար։

Հյուրընկալ Հայաստանի հետ ծանոթանալու անցկացրած 5 օրերը մեր փոքրիկ խմբին միայն ամենադրական հույզերը պարգևեցին։ Ձեր աշխատակիցների շնորհիվ, որոնք այս ամբողջ օրերին մեզ հետ էին, մենք ծանոթացանք Հայաստանի հարուստ պատմությանը, Ձեր ժողովրդի հյուրընկալությանն ու մշակույթին։

Անչափ շնորհակալ ենք մեր էքսկուրսավար Իրինա Մանուկյանին, ով մեծ սիրով և հետաքրքիր պատմություններով կարճ ժամանակում կարողացավ մեզ շատ բան հաղորդել՝ ցուցաբերելով բարձրագույն պրոֆեսիոնալիզմ։ Շատ շնորհակալ ենք վարորդ Լևոն Աբարզումյանին՝ ուշադրության, նրբանկատության և իր պարտականությունները պրոֆեսիոնալ կերպով կատարելու համար։

Մենք շատ շնորհակալ ենք Ձեզ մեզ պարգևած հանգստի համար, որը միշտ կհիշենք մեծ երախտագիտությամբ։

Հարգանքով՝ Սվետլանա, Օլեգ, Վերա։

Բարի օր։

Շնորհակալություն էքսկուրսիան կազմակերպելու համար։
Մեզ ամեն ինչ դուր եկավ։

Հարգելի տիկնայք, Hyur Service-ի աշխատակիցներ,
Շնորհավորում եմ Ձեզ Կանանց միջազգային օրվա՝ մարտի 8-ի առթիվ։

2017 թվականին եկել էի Հայաստան և դիմել Ձեզ՝ էքսկուրսիաներ կազմակերպելու համար։

Կարծում եմ՝ ինձ շատ է բախտս բերել. բոլոր ուղևորությունների ժամանակ մեր էքսկուրսավարը Անահիտն էր՝ զարմանալի գիդ՝ հանրագիտարանային գիտելիքներով և հրաշալի պատմող։
Անահիտի շնորհիվ ես ճանաչեցի ու սիրեցի Հայաստանը և առանձնահատուկ ջերմությամբ եմ հիշում Ձեր երկրում անցկացրած ժամանակը։

Նրան մեծ շնորհակալություն և ամենայն բարիքի մաղթանքներ։

Հարգանքով՝
Ինեսսա Գրիգորյանց