Հյուրերի կարծիքները

Հարգելի՛ Մարիամ,

Ուղղակի ուզում եմ շնորհակալություն հայտնել կազմակերպված ամեն ինչի համար։ Բոլոր ծառայությունները գերազանց էին, իսկ վարորդները՝ պատրաստակամ։
Հայաստանը գեղեցիկ երկիր է, և մենք հաճույքով բացահայտեցինք այն Հյուր Սերվիսի հետ։

Հարգանքներով՝
Ռոդնի

Այսօր հիանալի անհատական ուղևորություն ունեցա դեպի Էջմիածին և Երևանի տեսարժան վայրերով շրջայց։ Ճանապարհորդում էի վարորդ Լևոն Համբարձումյանի և զբոսավար Անահիտ Ահոյանի հետ։

Հաճելի էր այսպիսի հրաշալի ընկերակցությամբ բացահայտել Հայաստանը։ Վարորդը բարեհամբույր է և հումորով) Անահիտը հիանալի զբոսավար է և հաճելի աղջիկ․ ամեն ինչ պարզ ու հետաքրքիր պատմեց, ինչպես նաև պատասխանեց իմ բոլոր հարցերին և խորհուրդ տվեց վայրեր, որտեղ կարելի է այցելել, ու ճաշատեսակներ, որոնք կարելի է փորձել․ ինձ համար դա շատ արժեքավոր է։

Խորհուրդ եմ տալիս այս տուր.գործակալությունը և այս ընկերությունը՝ հաճելի ժամանակ անցկացնելու համար)

Բարև Ձեզ։ Հսկայական շնորհակալություն Ձեր ընկերությանը այս էքսկուրսիան կազմակերպելու համար։ Մեծ շնորհակալություն Լիլիթին։ Հանդիպեցինք, ինչպես պայմանավորվել էինք, հյուրանոցի նախասրահում՝ նշված ժամին։ Նա հաշվի առավ մեր բոլոր ցանկությունները։ Էքսկուրսիան շատ հետաքրքիր էր, ոչ ձանձրալի, ճանաչողական և թեթև։ Իմացանք թե՛ այն կոնկրետ վայրերի մասին, ուր այցելելու էինք, թե՛ երկրի մշակույթի, արժեքների ու ավանդույթների, ինչպես նաև մայրաքաղաք Երևանի մասին։

Լուսանկարվելու համար բավականաչափ ժամանակ կար։ Էքսկուրսիայի վերջում մի փոքր փոխեցինք պլանները և քաղաք վերադառնալու փոխարեն որոշեցինք անմիջապես մեկ այլ էքսկուրսիա վերցնել և գնալ Սևանա լիճ։ Ամեն ինչ կազմակերպվեց առանց խնդիրների, էքսկուրսիան նույնպես շատ հետաքրքիր էր։ Կանգ առանք շատ համեղ ձկան ռեստորանում։ Լիլիթը խորհուրդ տվեց մի քանի ֆիրմային ուտեստներ, որոնք ուղղակի աննկարագրելի համեղ էին, իսկ այդ գեղեցիկ լճի տեսարանով ճաշը կմնա մեր հիշողության մեջ ամբողջ կյանքում, ինչպես նաև Գառնիի տաճարն ու Գեղարդի վանքը։

Ի դեպ, Հանրապետության հրապարակում կանգնած են «էքսկուրսիաներ» գրությամբ մեքենաներ։ Այդ էքսկուրսիաներից մեկը վերցրինք՝ ուղևորություն դեպի Զվարթնոց և Էջմիածին։ Վարորդը պարզապես տաքսու վարորդի դեր էր կատարում, բայց ոչ մի կերպ՝ էքսկուրսավարի։ Ոչ մի տեղեկություն։ Ուղղակի լուռ ուղևորություն։ Իսկ երբ խնդրեցի ինչ-որ բան պատմել, նա «Վիքիպեդիայից» ընդամենը 2-3 տող ասաց։ Խորհուրդ չեմ տալիս տեղում վերցնել։ Ի դեպ, գները նույնն են։

Այս ընկերությունը խորհուրդ եմ տալիս այս հրաշալի երկրի բոլոր պոտենցիալ զբոսաշրջիկներին։

Ամուսնուս հետ մեր ամուսնության տարեդարձի շրջագայությունն էր։

Մեզ շատ դուր եկավ Հայաստանում Աստծո հրաշալի արարչագործությունը տեսնելը։ Դա հիանալի փորձառություն էր։ Շնորհակալություն ենք հայտնում Հայուր Սերվիսին շատ ջերմ ընդունելության և շատ պատրաստակամ անձնակազմի համար։

Հատուկ շնորհակալություն մեր ընկերասեր էքսկուրսավար Անահիտին։

Հայուր Սերվիսին՝ շատ շնորհակալություն, և Աստված օրհնի ձեր ընկերությունը։

Բարի օր, Մարի՛։

Մեծ շնորհակալություն Ձեզ և Ձեր ընկերության աշխատակիցներին՝ Հայաստանում հիանալի հանգիստ կազմակերպելու համար։

Հյուրընկալ Հայաստանի հետ ծանոթանալու անցկացրած 5 օրերը մեր փոքրիկ խմբին միայն ամենադրական հույզերը պարգևեցին։ Ձեր աշխատակիցների շնորհիվ, որոնք այս ամբողջ օրերին մեզ հետ էին, մենք ծանոթացանք Հայաստանի հարուստ պատմությանը, Ձեր ժողովրդի հյուրընկալությանն ու մշակույթին։

Անչափ շնորհակալ ենք մեր էքսկուրսավար Իրինա Մանուկյանին, ով մեծ սիրով և հետաքրքիր պատմություններով կարճ ժամանակում կարողացավ մեզ շատ բան հաղորդել՝ ցուցաբերելով բարձրագույն պրոֆեսիոնալիզմ։ Շատ շնորհակալ ենք վարորդ Լևոն Աբարզումյանին՝ ուշադրության, նրբանկատության և իր պարտականությունները պրոֆեսիոնալ կերպով կատարելու համար։

Մենք շատ շնորհակալ ենք Ձեզ մեզ պարգևած հանգստի համար, որը միշտ կհիշենք մեծ երախտագիտությամբ։

Հարգանքով՝ Սվետլանա, Օլեգ, Վերա։

Բարի օր։

Շնորհակալություն էքսկուրսիան կազմակերպելու համար։
Մեզ ամեն ինչ դուր եկավ։

Հարգելի տիկնայք, Hyur Service-ի աշխատակիցներ,
Շնորհավորում եմ Ձեզ Կանանց միջազգային օրվա՝ մարտի 8-ի առթիվ։

2017 թվականին եկել էի Հայաստան և դիմել Ձեզ՝ էքսկուրսիաներ կազմակերպելու համար։

Կարծում եմ՝ ինձ շատ է բախտս բերել. բոլոր ուղևորությունների ժամանակ մեր էքսկուրսավարը Անահիտն էր՝ զարմանալի գիդ՝ հանրագիտարանային գիտելիքներով և հրաշալի պատմող։
Անահիտի շնորհիվ ես ճանաչեցի ու սիրեցի Հայաստանը և առանձնահատուկ ջերմությամբ եմ հիշում Ձեր երկրում անցկացրած ժամանակը։

Նրան մեծ շնորհակալություն և ամենայն բարիքի մաղթանքներ։

Հարգանքով՝
Ինեսսա Գրիգորյանց

Ես ամուսնուս հետ 2018 թվականի հունվարի 27-ից 30-ը կարճատև հանգստի էի եկել Հայաստան։

Մեր ուղևորությունից մեկ շաբաթ առաջ էլեկտրոնային փոստով առաջին անգամ կապ հաստատեցի Hyur Service-ի հետ, և նրանք շատ արագ արձագանքում էին իմ խնդրանքներին։ Նրանք կազմակերպեցին օդանավակայանից դիմավորումն ու երկու օր անհատական էքսկուրսիաներ, որոնք շատ հաճելի և մատչելի էին։ Մեկնելուց առաջ պատվիրեցինք նաև օդանավակայան տեղափոխելու ծառայությունը։

Հայաստանում գտնվելու ընթացքում մեզ ուղեկցող վարորդը՝ Ավետը, շատ հաճելի, ընկերասեր և հոգատար էր։ Մենք նրան խստորեն խորհուրդ ենք տալիս։

Մի խոսքով՝ մեր հանգիստը շատ լավ անցավ և Hyur Service-ի շնորհիվ կատարյալ դարձավ։

Հարգանքով՝
Պասկալ

Շատ շնորհակալություն ընկերության բոլոր աշխատակիցներին Ամանորի արձակուրդներն ու էքսկուրսիաները հրաշալի կազմակերպելու համար։

Ինչպես միշտ, ամեն ինչ բարձր մակարդակի վրա է։
Ապրե՛ք։

2015 թվականից ի վեր Հայաստան կատարած մեր երեք այցելությունները՝ մտերիմ ընկերների և համադասարանցիների փոքր խմբերով, կազմակերպվել են Hyur Service-ի միջոցով։

Չենք կարող բավականաչափ շնորհակալություն հայտնել նրանց՝ մայր Հայաստանում մեզ ջերմորեն հյուրընկալելու, մեր հանգիստը հնարավորինս հաճելի դարձնելու և դրանից հետո ամեն ամառ կրկին այցելելու ցանկություն առաջացնելու համար։

Նրանք իսկապես շատ վստահելի ծառայություն են մատուցում, բավական ճկուն են՝ մեր անընդհատ փոփոխվող պահանջներին համապատասխան մեր հանգստի համար ամենահարմար և մատչելի կացարանն ընտրելու հարցում, և պրոֆեսիոնալ ու անխափան կերպով են կազմակերպում ամեն ինչ։ Նրանց օդանավակայանից հյուրանոց և հակառակ ուղղությամբ տեղափոխումները նույնպես շատ ճշտապահ են։ Նրանց աշխատակիցները ևս շատ ընկերասեր, հաճելի ու օգտակար են և մշտապես ժպիտով՝ հաճախորդներին հնարավորինս լավ սպասարկելու համար։

Մենք լիովին խորհուրդ ենք տալիս նրանց բոլոր օտարերկրյա ճանապարհորդներին, ովքեր ցանկանում են հաճելի և հիշարժան ուղևորություն ունենալ դեպի մեր հայրենիք։

Սոնիա և Արթո Միսկջյան

Մարիամ, բարև Ձեզ։

Մեր ամբողջ ընկերության անունից ուզում եմ շնորհակալություն հայտնել մատուցված ծառայությունների համար։ Ամեն ինչ հրաշալի էր՝ սկսած դիմավորումից մինչև ճանապարհելը։ Հրաշալի վարորդներ և Քրիստինա գիդը։ Դուք մեզ սիրեցրիք ձեր երկիրը։ Հիմա ուզում ենք գալ Հայաստան՝ մրգերի սեզոնին)։

Հարգանքով՝ Իրինա

Մեծ շնորհակալություն բոլոր էքսկուրսավարներին բովանդակալից էքսկուրսիաների համար։

Հայաստանը շատ դուր եկավ։ Բոլորին խորհուրդ ենք տալիս։ Առանձնահատուկ շնորհակալություն Ռոզային և երիտասարդին, որի անունը, ցավոք, չեմ հիշում, ուշադիր վերաբերմունքի և օգնելու պատրաստակամության համար։ Նա խորհուրդ տվեց, թե ինչ այցելել, և ճշտեց աշխատանքային ժամերը։

Բոլոր էքսկուրսավարները բանիմաց և բարեհամբույր են։ Էքսկուրսիաների կազմակերպման և ամրագրման հետ կապված խնդիրներ չեղան։ Կրկին շնորհակալություն։ Հայաստանը տպավորեց։