Հյուրերի կարծիքները

Մենք մասնակցեցինք «Հայոց այբուբեն-Ամբերդ-Արագած» էքսկուրսիային։

Գիդը՝ Հայկը, վարորդը՝ Խոսրովը։ Ամեն ինչ շատ լավ էր։ Ամենակարևորը՝ ուզում եմ նշել գիդի պրոֆեսիոնալիզմը․ նա խոսում էր ռուսերեն և անգլերեն, պատասխանում էր բոլոր հարցերին, կատակում և ամբողջական տեղեկություն տալիս։ Հանգիստ ու հարմարավետ էր։

Վարորդն արժանի է ամենաբարձր գնահատականի․ Արագած բարձրանալը սարսափելի էր, բայց զգացվում էր, որ Խոսրովը ճանապարհը գիտի փակ աչքերով։

Ապրե՛ք, ամեն ինչ մտածված էր ու լավ կազմակերպված։ Շնորհակալություն։

Բարև, Աննա,

Առանց խնդիրների վերադարձանք Ֆրանսիա՝ չնայած ինքնաթիռների և գնացքների գործադուլներին։ Շատ ենք հավանել մեր հանգիստը Հայաստանում։

Ուզում եմ հայտնել, թե որքան ենք գնահատել մեր ուղեկցորդուհի Իռենի աշխատանքը։ Նա մեզ ուղեկցում էր լավ տրամադրությամբ, բարությամբ և մեծ պրոֆեսիոնալիզմով։ Նա, իրոք, շատ լավ գիտելիքներ ունի պատմության, աշխարհաքաղաքականության և մշակույթի մասին։ Նրա շնորհիվ կարողացանք հասկանալ Հայաստանի պատմությունը և բացահայտել մշակույթն ու վանքերի պատմությունը։ Նա կարողանում էր ճկուն կերպով հարմարվել մեր խնդրանքներին։ Խորհուրդ ենք տալիս նրան ֆրանսիացի (և այլ) զբոսաշրջիկներին․ նա հրաշալի էր։

Մեզ դուր եկավ նաև մեր վարորդ Մեսի վարելը․ նա շատ զգույշ է և շատ պատրաստակամ։ Բացի այդ, նա փորձում էր մեզ հետ շփվել անգլերենով և իր իմացած ֆրանսերեն բառերով․ դա շատ հաճելի էր։

Ուստի կրկին շնորհակալություն նրանց և ձեզ՝ մեր հանգիստը հաջող դարձնելու գործում ունեցած մասնակցության համար։
Անշուշտ, խորհուրդ կտանք օգտվել այս ծառայություններից։

Հարգանքով՝
Մարի Դոմինիկ

Մենք 4 օրում այցելեցինք Հայաստան՝ Hyur-ի կազմակերպած ուղևորության շրջանակում։ Էքսկուրսավար Իրենը գերազանց էր։ Նա մեզ շատ բան սովորեցրեց Հայաստանի պատմության, մշակույթի ու պարի մասին, և մենք նաև հայերեն մի քանի բառ սովորեցինք։ Hyur գործակալությունը շատ ճկուն գտնվեց վատ եղանակի պատճառով մեր կատարած փոփոխությունների հարցում (Դիլիջանում արշավը չեղարկվեց, և մենք վերադարձանք Երևան՝ հյուրանոցը փոխելով։ Սկզբում այդ երկրորդ գիշերը պետք է անցկացնեինք Դիլիջանում)։

Վարորդ Մաիսը նույնպես շատ լավն էր․ սահուն էր վարում, մեքենան միշտ մաքուր էր, իսկ ինքը՝ չափավոր զուսպ։ Նա նաև շատ համակրելի էր։

Մեր ուղևորությունը այս գործակալության հետ շատ լավ անցավ։

Բարի լույս, Լիլիթ։

Շատ շնորհակալ ենք անցկացված էքսկուրսիաների համար։ Հսկայական շնորհակալություն գիդ Ռոզային և վարորդ Գերամին։ Ամեն ինչ շատ հավանեցինք, հուսով ենք՝ դեռ կգանք։ Մաղթում ենք Ձեզ հաջողություն և բարգավաճում։

Հարգանքով՝ Վերոնիկա։

Շատ շնորհակալ ենք մեզ պարգևած հույզերի, գիտելիքների և Հայաստանի ջերմության մի մասնիկի համար, որոնք խմբի յուրաքանչյուր անդամ իր հետ տարավ Երկրի այն անկյունը, որտեղից ժամանել էր։ Մեզ շատ դուր եկավ Նուր Սերվիսի հետ էքսկուրսիան։ Այն հետաքրքիր էր, ճանաչողական և օգտակար։ Օրն անցավ մի շնչով։ Շնորհակալություն Ձեզ և բարգավաճում։

Հարգանքով՝
Գրիգորյան Ս.Ու.

Հարգելի Hyur Service-ի աշխատակիցներ, Մերի,

Շնորհակալություն 2018թ. ապրիլի 29-ից մայիսի 6-ը Հայաստանում մեր հանգիստը կազմակերպելու համար։

Երկրորդ անգամ երկիր այցելելիս միշտ մտավախություն կա, որ առաջին անգամվա պես այլևս չի լինի։ Առաջին հիացմունքը միշտ առանձնահատուկ է։

Հակառակը՝ այս ուղևորության ընթացքում Ձեր երկրում գտնվելուց մեր ապրած հույզերն ու ուրախությունը գերազանցեցին բոլոր սպասելիքները։ Նախանցյալ շաբաթ տխրությամբ էինք հեռանում Հայաստանից և մեծ ցանկությամբ՝ երրորդ անգամ վերադառնալու Ձեզ մոտ։

Մեքենաների վարձույթի կազմակերպումը և հենց մեքենաների որակը, Ձեր կողմից առաջարկված հյուրանոցները, Ձեր վարորդների քաղաքավարությունը, 2018թ. մայիսի 1-ին՝ ճանապարհների արգելափակման ընթացքում, հեռախոսով ցուցաբերած աջակցությունը, Ձեր գործընկերների հոգատարությունն ու բարձր պրոֆեսիոնալիզմը մեզ պարգևեցին 6 անմոռանալի օր։ Շնորհակալություն բոլորիդ։

Ձեր ընկերությանը մաղթում ենք բարգավաճում, հաջողություն, նոր հաճախորդներ և մեծ ձեռքբերումներ։

Լավագույն մաղթանքներով և երախտագիտությամբ՝
Վերա Իվանցովա

Հարգելի տիկին Գրիգորյան,

Ուզում եմ տեղեկացնել, որ ես և կինս հրաշալի ժամանակ անցկացրինք գեղեցիկ Հայաստանում։
Դրան նպաստեց նաև Ձեր մատուցած բարձր պրոֆեսիոնալ ծառայությունը։

1) Ամրագրման շատ արդյունավետ գործընթաց (շնորհակալություն, տիկին Գրիգորյան)
2) Գիտակ և մոտիվացված էքսկուրսավարներ (Անահիտը, Սամուելը և Անին. ցավոք, նրանց ազգանունները չեմ հիշում։ Համոզված եմ՝ գիտեք, թե ում նկատի ունեմ։ Խնդրում եմ մեր անունից գովեստի խոսքեր փոխանցել նրանց)
3) Շատ ճկուն մոտեցում այն օրը (մայիսի 2-ին), երբ էքսկուրսիան ստիպված եղաք չեղարկել Երևանում տեղի ունեցած իրադարձությունների պատճառով։ Դուք մասնակիցներին անմիջապես տեղում փոխհատուցեցիք, թեև դրա համար պատասխանատու չէիք։ Ավելին, էքսկուրսավարները (մեր դեպքում՝ Սամուելը և մի տիկին, որի անունը չեմ հիշում) առաջարկեցին անվճար զբոսանք-էքսկուրսիա անցկացնել քաղաքում։
4) Էքսկուրսիայի ամբողջական գումարի վերադարձ, որը սկզբում ամրագրել էինք, բայց հետո կարճ ժամանակ առաջ չեղարկեցինք, և մեր խնդրանքով այն փոխարինվեց անհատական էքսկուրսիայով։ Ամեն ինչ շատ հեշտությամբ և «առանց որևէ հարց տալու»։
5) Ընդհանուր առմամբ՝ կատարյալ կազմակերպում։

Իսկապես դժվարանում ենք գտնել ոլորտներ, որտեղ կարող էիք բարելավվել։

Խնդրում եմ մեր շնորհակալությունը փոխանցել բոլորին, այդ թվում՝ Ձեր ղեկավարությանը։ Երանի ավելի երկար մնայինք։ Համոզված եղեք, որ ամեն առիթով խորհուրդ կտանք Ձեր գործակալությանը։ Մենք արդեն մեր կարծիքը թողել ենք Թրիփադվայզերում։

Ամենաջերմ բարեմաղթանքներով՝

Կոռադո Նոզեդա
Վակալո - Շվեյցարիա

Բարի օր։

Շնորհակալություն Հայաստանում մեր գտնվելու ընթացքում էքսկուրսիոն ծրագիրը կազմակերպելու համար։

Հատուկ շնորհակալություն եմ ուզում հայտնել էքսկուրսավար Հայկին և վարորդ Գարիկին՝ ապրիլի 21-22-ը կայացած Թբիլիսի ուղևորության համար, ինչպես նաև էքսկուրսավար Տաթևիկին և ավտոբուսի վարորդ Արմենին՝ ապրիլի 26-ին կայացած Տաթև և Խնձորեսկ ուղևորության համար։

Ինչպես միշտ, էքսկուրսիաները կազմակերպված էին բարձր մակարդակով։

Ցանկանում եմ ձեր ընկերությանը հետագա զարգացում և նոր գրավիչ երթուղիներ։

Շնորհակալություն։

Հարգանքով՝
Ելենա Էդվարդովնա Սերեբրյակովա

ԹԱՎՇՅԱ ՀԵՂԱՓՈԽՈՒԹՅՈՒՆ

Այսօրվա պատմության մասին գրելիս մի փոքր տատանվում էի։ Իմ գրառումներից մեկում պատմել էի, թե ինչպես էինք առատ ձյան պատճառով մնացել հյուրանոցի սենյակում՝ ԱՄՆ-ում։ Հիմա Հայաստանում նմանատիպ իրավիճակ է սկսվում։ Ընթերցողը կարող է մտածել, թե սա մեր ճամփորդությունների սովորական պատկերն է։

Ես և կինս՝ Սարոջը, 2018 թվականի ապրիլի 29-ին ժամանեցինք Հայաստանի մայրաքաղաք Երևան։ Մենք տեղյակ էինք երկրում տիրող անկայուն քաղաքական իրավիճակին։ Մեր հանգստի ուղևորությունը շատ ավելի վաղ էինք ծրագրել, իսկ Հայաստանի հետ կապ ունեցող մեր ընկերները շատ էին պատմել հայերի խաղաղասեր բնավորության մասին, ինչը քաջալերեց մեզ մեկնել։

Օդանավակայանում տեղի բնակիչների, ինչպես նաև տաքսու վարորդի և մեր վարձակալած բնակարանում մեզ դիմավորած հյուրընկալի հետ շփումը բավական հաճելի էր։ Մենք համոզվեցինք, որ հայերը հյուրընկալ են։ Ավագ սերունդը գիտի անցյալում կրած կորուստների մասին։ Հայոց ցեղասպանությունը, որը հայտնի է նաև որպես Հայոց Հոլոքոստ, 1914-ից 1923 թվականներին 1,5 միլիոն մարդու կյանք խլեց։ Երկրորդ համաշխարհային պատերազմը 20 միլիոն խորհրդային քաղաքացու կյանք խլեց, որոնց թվում նաև հայեր կային։ Այսօր Հայաստանում ապրում է ընդամենը մոտ երեք միլիոն մարդ։ Դուք կզարմանաք՝ իմանալով, որ ամբողջ աշխարհում հայերի ընդհանուր թիվը 10 միլիոնից ավելի է։ Ավելի քան 7 միլիոն հայ ապրում է հայրենիքից հեռու։ Երբեք չեմ հանդիպել նման անհամաչափություն ունեցող երկրի։ 20-րդ դարի սկզբից Հայաստանից հեռացածներից շատերն իրենց բնակության վայր ընտրեցին Ռուսաստանը, ԱՄՆ-ը, Ֆրանսիան և հարևան Իրանը։ Ռուսաստանում հայերի թիվը Հայաստանի բնակչության թվից ավելի է։ Ինչ-որ մեկը կատակեց, թե Վլադիմիր Պուտինին պետք է համարել հայերի իսկական նախագահը։

Հայաստանն առաջին երկիրն է, որն ընդունել է քրիստոնեությունը որպես կրոն՝ մ.թ. երրորդ դարում։ Ապացուցված է, որ Հայաստանի տարածքում քաղաքակրթություն գոյություն է ունեցել ավելի քան վեց հազար տարի առաջ։ Հայերենը համարվում է ամենահին լեզուներից մեկը. այն ունի յուրահատուկ այբուբեն, որը չի ենթարկվել որևէ մեծ փոփոխության, ինչի շնորհիվ հնարավոր է կարդալ հին ձեռագրերն ու քարե փորագրությունները։ Այսքան մեծ ժողովուրդը սփռված է ամբողջ աշխարհով մեկ, իսկ հայրենիքն այսօր պայքարում է արդարության համար։ Հայերը բնույթով առաջնորդներ են։ Հուսով եմ՝ հայ ընկերներս չեն նեղանա, եթե ասեմ, որ այդքան շատ առաջնորդների համատեղ գոյությունը մեկ վայրում անհնար է։ Սա կարող է լինել նրանց ցրվելու և աշխարհով մեկ փայլելու գլխավոր պատճառներից մեկը։ Նրանք, ովքեր կարողանում են իրենց թույլ տալ, օգնում են հայրենիքին՝ դպրոցներ, ճանապարհներ, թունելներ և այլն կառուցելով։ Կոռուպցիայից զերծ երկիրը կարող է ավելի շատ ներդրումներ ներգրավել։

Այս օրերին Հանրապետության հրապարակը լի է մարդկանցով, որոնց մեծ մասը երիտասարդներ են։ Ես շատ հայերի հետ զրուցեցի երկրում տիրող քաղաքական իրավիճակի մասին։ Բոլորն էլ կարծում են, որ այսօր կոռուպցիայից զերծ կառավարությունն է պահանջված։ Խորհրդային տարիների արդյունաբերական ձեռնարկությունները փակվել են։ Խորհրդային համակարգի փլուզման ընթացքում սկսված, բայց անավարտ մնացած նախագծերի մեծ մասը դեռ ավարտին չի հասցվել։ Գործազրկությունը հասնում է 20 տոկոսի։ Եկամուտները ցածր են։ Մի ավտոբուսի վարորդ մեջբերեց իր թոռան խոսքերը. «Մենք՝ երիտասարդներս, մեր երկիրը բարգավաճ ենք դարձնելու, մի բան, որ ձեր սերնդին չհաջողվեց անել»։ Բայց դառը անցյալը ժողովրդին սովորեցրել է հեռու մնալ բռնությունից։ Բողոքի օրը դեպի Հանրապետության հրապարակ տանող բոլոր ճառագայթաձև ճանապարհները փակ են լինում երիտասարդ տղաների և աղջիկների կողմից՝ առավոտյան 9-ից մինչև 5-ը։ Այսպես են մարդիկ ցույց տալիս իրենց միասնությունն ու վճռականությունը՝ ավելի լավ ապագայի համար կառավարությունը տապալելու հարցում։ Պետական գրասենյակները, դպրոցները, թանգարանները, խանութներն ու ռեստորանները սովորականի պես աշխատում են։ Հայաստանի առաջատար տուրօպերատորը՝ «Հյուր Սերվիսը», իր հիանալի տրանսպորտային միջոցներով և պրոֆեսիոնալ աշխատակազմով մեզ հնարավորություն տվեց ծանոթանալու Հայաստանին՝ առանց լուրջ խոչընդոտների։

Հուսով եմ՝ Հայաստանում ընթացող շարժումը արտաքին ուժերի կողմից չի հրահրվի։ Ինձ ամենևին էլ չեն անհանգստացնում այն փոքր անհարմարությունները, որոնց բախվում ենք Հայաստան կատարած այս ուղևորության ընթացքում։ Մաղթում եմ, որ ժողովուրդը ճիշտ առաջնորդության օգնությամբ գտնի դեպի բարգավաճում տանող ուղին։

Հարգելի՛,

Երեկ Hyur Service-ի հետ Երևանից Թբիլիսի ենք մեկնել և ցանկանում ենք շնորհակալություն հայտնել այս կատարյալ ուղևորության համար։
Մեր վարորդն անթերի էր, կատարյալ, այնքան բարի։
Դիլիջանի մոտ 6 ժամ փակուղում էինք՝ ցույցերի պատճառով, և նա մեզ խմիչք ու ուտելիք տվեց։
Եվս մեկ անգամ շնորհակալություն նրան և ձեր ընկերությանը։

Հարգանքներով՝

Օրելի Բելավիա

Ուղղակի ամեն ինչ հրաշալի է, վարորդները, էքսկուրսավար ԻՐԵՆԱՆ, մեր խնդրանքների կատարումը։Կխորհուրդ տանք բոլորին, հուսով ենք՝ մենք էլ կրկին կկրկնենք։ Կեցցե՛ն ընկերներն ու բարիդրացիությունը!

ԿՐՈՒՏՍԿԻԽ ԻՐԻՆԱՅԻ ԱՄՈՒՍԻՆԸ, ՈՐԻ ԷԼԵԿՏՐՈՆԱՅԻՆ ՓՈՍՏՈՎ ԱՇԽԱՏԵԼ ԵՔ!

Հրաշալի Երևանի տեսարժան վայրերով շրջայցն անցավ Հայաստանի համար ոչ դյուրին ժամանակաշրջանում, բայց էքսկուրսավարը և վարորդն արեցին առավելագույնը՝ քաղաքի տեսարժան վայրերը ցույց տալու համար։ Ես մայրաքաղաքի ճարտարապետության մասին շատ հետաքրքիր բաներ իմացա, այցելեցինք հուշահամալիրներ։

Հարգանքով՝
Նատալյա Կուզմինա