Հյուրերի կարծիքները

Եթե ես ռեժիսոր լինեի, հայկական միջնադարի մասին ֆիլմ կնկարահանեի 😁

Ինձ շատ դուր եկավ Հայաստանը։ Սա իմ 31-րդ երկիրն է, և այն գերազանցեց սպասելիքներս։ Շատ գեղեցիկ բնություն է, զգացվում են ինքնատիպությունն ու յուրահատկությունը։
Մենք անընդմեջ 5 էքսկուրսիայի մասնակցեցինք․ ֆիզիկապես դժվար էր, բայց ցանկից ոչ մեկը չէի հանի։ Քաղաքավարի ու գիտակ գիդերը հրաշալի էին։ Հատկապես կուզեի նշել Կարինեին։ Երբ նա պատմում էր, զգում էի՝ կարծես անցյալի ստվերներն անցնում էին կողքովս, և աչքերիս առաջ պատկեր էր հայտնվում։ Ավելի շատ բան իմանալու և կրկին վերադառնալու ցանկություն առաջացավ։
Կուզեի նաև նշել հյուրանոցի հիանալի ընտրությունը․ մենք հրաշալի, ընդարձակ համար ունեինք։ Հյուրանոցի աշխատակիցները բացառիկ հաճելի մարդիկ են։
Անպայման խորհուրդ կտամ ձեզ ընկերներիս ու հարազատներիս :)
Դաշա

Մեր անկեղծ շնորհակալությունն ենք հայտնում ՀյուրՍերվիս ընկերությանը մատուցած ծառայությունների, 2020 թվականի փետրվարի 21-ից 24-ը Երևանի կենտրոնում կացության հրաշալի պայմանների և Հայաստանի նշանավոր տեսարժան վայրերին ծանոթանալու համար։
Առանձնահատուկ շնորհակալություն վարորդ Գեկամին՝ հոգատարության, ուշադրության և ճանապարհին մեր անվտանգությունն ապահովելու համար։ Եվս մեկ անգամ բոլորին ՇՆՈՐՀԱԿԱԼՈՒԹՅՈՒՆ!

Բացի հիացական խոսքերից ու անիրականորեն դրական հույզերից, ուզում եմ ասել նաև «կոնկրետ ասելիքը»․ նրանք, ովքեր պատրաստվում են գալ Երևան՝ հանգստանալու, իրենց հյուրասիրեք անհատական էքսկուրսիա՝ գիդի հետ մեքենայով Երևանում։ Սրանք աննկարագրելի զգացողություններ են և լիակատար ընկղմում Հայաստանի մթնոլորտի մեջ։

Ձեզ կընդունեն ինչպես հարազատ ու մտերիմ մարդկանց։ Ձեզ կպատմեն ու ցույց կտան այն, ինչի մասին չեն գրում գրքերում ու ճանապարհորդությունների մասին կայքերում)) Ես ու ընկերուհիս 2 ժամ վայելում էինք հաճելի զրույցը «հին» ընկերների ընկերակցությամբ, որոնք մեզ մեքենայով տանում էին քաղաքով, զբոսնում էինք, լուսանկարվում, ու ամեն րոպե մեր երկրի ու ժողովրդի հանդեպ հետաքրքրություն ու հարգանք էին առաջացնում։

Մեր շնորհակալությունը HyurService-ին՝ իրենց աշխատանքի համար։ Տանը լինելով՝ ամեն ինչ ինտերնետով ամրագրելուց ու պայմանավորվելուց հետո, մեզ նույնիսկ պետք չեկավ հիշեցնել կամ որևէ բան ճշտել։ Ամեն ինչ հստակ էր, ժամանակին, առանց լարվածության։ Բայց առանձին ՇՆՈՐՀԱԿԱԼՈՒԹՅՈՒՆ մեր վարորդ Գրիգորին, որը մեզ դիմավորեց օդանավակայանում, հետո էքսկուրսիայի տարավ, և մեր գիդ Գորային։ Այս երկու հրաշալի մարդիկ իսկապես մեր հանգիստն ու Երևանի հետ ծանոթությունն անմոռանալի դարձրին!!!

Շատ շնորհակալություն!!!

Հարգելի՛ Մարիամ,

Ողջույններ։

Fly Wings Travels-ի անունից ցանկանում ենք շնորհակալություն հայտնել մեզ մատուցած հիանալի ծառայության համար։!
Ձեր էքսկուրսավարը՝ պարոն Խաչիկը, շատ տեղեկացված է և լավ գիտի տեսարժան վայրերը։ Նա շատ պրոֆեսիոնալ է։
Նաև վարորդը՝ պարոն Կաչիկը, շատ ընկերասեր է և շատ զգույշ է վարում։ Հյուրանոցը նույնպես լավն է։ Շնորհակալություն մեր հաճախորդին իմ խնդրածը տրամադրելու համար։
Սենյակների, ծննդյան օրվա անակնկալի և այլնի համար։

Անշուշտ կապի մեջ կմնանք մեր ապագա խմբի համար։

Եվս մեկ անգամ շատ շնորհակալություն։

Hyur Service-ը 100%-ով խորհուրդ կտանք։ Շնորհավորում ենք։


Հարգանքով՝

Ագնես ԲԵՌՆԱԴԵՏ (տիկին)
Տոմսերի և արձակուրդների ամրագրում
Fly Wings Travels

Բարի օր!!!

Շնորհակալություն ձեր զբոսավարների և առհասարակ անձնակազմի պրոֆեսիոնալիզմի համար։ Սիրեցի Հայաստանը և նրա պատմությամբ հարուստ մշակույթին մոտիկից ծանոթանալու հնարավորությունը։ Խորհուրդ կտամ բոլորին, ովքեր մեկնում են Երևան։

Հարգանքներով և գրկախառնություններով!!

Մարսելո Էսկուդերո

Հրաշալի ընկերություն, որը համալիր ծառայություններ է մատուցում Հայաստան այցելող հյուրերին!!!

Հայաստանն ինքնին զարմանալի երկիր է, որ ստիպում է սիրահարվել իրեն առաջին իսկ այցելությունից։ Իսկ ընկերության մատուցած ծառայություններն ավելի են ամրապնդում այցից ստացած լավ տպավորությունները։

Ամեն ինչ կազմակերպված էր ամենաբարձր մակարդակով՝ առանց պարտադրանքի, սրտանց, շվեյցարական ժամացույցի ճշգրտությամբ, անթերի ճշտապահությամբ։ Զգում ես, որ այստեղ պարզապես հաճախորդ չես, այլ վաղուց սպասված հյուր, որը վերադարձել է իր ընկերների մոտ։ Դա շատ թանկ արժե։

Գները հաճելիորեն զարմացնում են իրենց մատչելիությամբ և լայն միջակայքով, որը թույլ է տալիս օգտվել ընկերության ծառայություններից ցանկացած եկամուտ ունեցող մարդուն։ Հատկապես ուզում եմ նշել էքսկուրսավարներ Արնիի և Դավիդի աշխատանքը։ Հրաշալի մարդիկ են։

Հրաշալի պատմություններ իրենց երկրի մասին։ Արնին ուղեկցել է մեզ 02.01.2020-ին դեպի Սևանա լիճ կատարած ուղևորության ժամանակ և վարել է Երևանի տեսարժան վայրերով շրջայցը։ Դավիդը, որի հետ 03.01.2020-ին այցելեցինք Խոր Վիրապ, Գառնի և Գեղարդ, իր երկրի ավանդույթների և պատմության հրաշալի գիտակ է։ Շատ հավանեցինք էքսկուրսիաները, պատմությունները քաղաքի, շրջակայքի և վանքերի մասին։

Առանձին շնորհակալություն նաև վարորդներ Գարիկին և Մավրիկին՝ զգույշ և բարձր պրոֆեսիոնալ աշխատանքի համար։ Հսկայական շնորհակալություն ընկերության ողջ անձնակազմին՝ Հայաստանում անցկացրած անմոռանալի ձմեռային տոների համար!!!

Պատվիրեցինք անհատական շրջայց Գյումրիում և տեղափոխում Երևան՝ https://www.hyurservice.com/։

Հայաստանում այս տուրօպերատորի ծառայություններից առաջին անգամ չէ, որ օգտվում եմ։ Գյումրիում հրաշալի և շատ հետաքրքիր էքսկուրսիա, ինչպես նաև դեպի Երևան ճանաչողական ուղևորություն ունեցանք մեր էքսկուրսավար Իռենի և վարորդ Ռուբենի շնորհիվ։
Նրանց հսկայական շնորհակալություն!!!

Էքսկուրսիայի էինք գնացել Խոր Վիրապ և Նորավանք՝ էքսկուրսավար Տիգրանի և վարորդ Արմենի հետ։
Ամեն ինչ հրաշալի անցավ․ շատ հետաքրքիր տեղեկություններ ստացանք՝ մի փոքր հումորով համեմված, ամեն ինչ ուսուցողական էր ու ըստ էության։ Չնայած էքսկուրսիան երկու լեզվով էր (անգլերենով և ռուսերենով), Տիգրանին հաջողվում էր այն այնպես անցկացնել, որ ոչ մի րոպե ձանձրալի չէր։

Շնորհակալություն

Մեր խնդրանքով մեզ համար անհատական տուր կազմեցին, տրամադրեցին հարմարավետ մինիվեն։

Գիդ Իրինան և վարորդ Լևոնը մեզ համար ամեն ինչ արեցին ամենաբարձր մակարդակով։ Տուրը շատ հավանեցինք, և եթե դեռ որոշենք էքսկուրսիաների գնալ, ապա միայն այս ծառայության հետ։

Անչափ շնորհակալություն հյուրընկալության և համբերության համար։հաջողություն և բարգավաճում

19.11.2019թ. գնացել էինք էքսկուրսիայի դեպի Սևանա լիճ՝ էքսկուրսավար Տիգրանի հետ։

Լիովին հիացած մնացինք։ Տիգրանը հետաքրքիր է պատմում, ուշադրություն է դարձնում խմբի յուրաքանչյուր անդամին, հասցնում է ամեն ինչ պատմել մի քանի լեզվով և պատասխանել հարցերին։ Հստակ, կոռեկտ, հումորով։ Ավտոբուսը հարմարավետ էր, վարորդ Կարենն իսկապես վիրտուոզ է, հատուկ շնորհակալություն նրա վարելու վարպետության համար։

Տպավորությունները հիանալի են։

Մենք ընտանիքով օգտվել ենք Ձեր ծառայություններից, ինչի համար Ձեզ անչափ շնորհակալ ենք։ Մենք շատ գոհ ենք Ձեր սպասարկումից։ Ամեն ինչ ամենաբարձր մակարդակի վրա է։Մեծ շնորհակալություն «Հյուր Սերվիս»-ի բոլոր աշխատակիցներին և հատուկ շնորհակալություն Ձեր աշխատակից Օվանեսին, որը շատ ուշադիր և պատրաստակամ էր։

Ելենա Ասլամազիշվիլի։ Վրաստան։ Թբիլիսի

Բարև Ձեզ։ 28.10.19-ին մասնակցեցինք Ձեր՝ Սևանա լիճ և վանքեր էքսկուրսիային։ Շատ շնորհակալություն էքսկուրսավարին նյութը հիանալի ներկայացնելու համար։ Շատ հետաքրքիր բաներ իմացանք։ Մարդն իր գործը հոգով է անում։

Եվս մեկ անգամ մեծ ՇՆՈՐՀԱԿԱԼՈՒԹՅՈՒՆ։
Հարգանքով՝ Վլադիմիր