Հյուրերի կարծիքները

Մենք ընտանիքով օգտվել ենք Ձեր ծառայություններից, ինչի համար Ձեզ անչափ շնորհակալ ենք։ Մենք շատ գոհ ենք Ձեր սպասարկումից։ Ամեն ինչ ամենաբարձր մակարդակի վրա է։Մեծ շնորհակալություն «Հյուր Սերվիս»-ի բոլոր աշխատակիցներին և հատուկ շնորհակալություն Ձեր աշխատակից Օվանեսին, որը շատ ուշադիր և պատրաստակամ էր։

Ելենա Ասլամազիշվիլի։ Վրաստան։ Թբիլիսի

Բարև Ձեզ։ 28.10.19-ին մասնակցեցինք Ձեր՝ Սևանա լիճ և վանքեր էքսկուրսիային։ Շատ շնորհակալություն էքսկուրսավարին նյութը հիանալի ներկայացնելու համար։ Շատ հետաքրքիր բաներ իմացանք։ Մարդն իր գործը հոգով է անում։

Եվս մեկ անգամ մեծ ՇՆՈՐՀԱԿԱԼՈՒԹՅՈՒՆ։
Հարգանքով՝ Վլադիմիր

Հսկայական շնորհակալություն վարորդ Մայիսին, որը Հայաստանում մեր ճամփորդության ընթացքում («Մոսկվա, կատորոյ նյետ» ծրագրով, հոկտեմբերի 21-ից 27-ը) դարձավ մեզ համար իսկական հոգատար ու հյուրընկալ տանտեր։ Հիացնում են Մայիսի բարձր պրոֆեսիոնալիզմը, սերն ու գիտելիքները Հայաստանի մասին, նրա ուշադիրությունն ու տակտը։

Մայիսի հետ ապագա խմբերի բախտը կբերի!

Ամբողջ շաբաթ՝ հոկտեմբերի 20-ից, Մոսկվայից ժամանած մեր փոքր խմբին («Մոսկվա, կատորոյ նետ») Հայաստանի տարածքով շրջեցնում էր Մաիս անունով մի հրաշալի մարդ։
Նա ոչ միայն մեզ հարմարավետ ավտոբուսով էր տեղափոխում և հոգատարությամբ հետևում մեր ուղեբեռին, այլև առատաձեռնորեն մեզ էր նվիրում իրեն լավ ճանաչած ու սիրած Հայաստանը։ Մենք Մոսկվայից մեր սեփական գիդն ունեինք, ինչպես նաև խմբի ուղեկցողին, բայց առանց Մաիսի չէինք կարողանա այդքան խորությամբ զգալ երկիրն ու նրա առանձնահատկությունները։

Առանձին ուզում եմ նշել նրա հրաշալի ռուսերենն ու էլեգանտ տեսքը։

Շրջագայությունները լավ կազմակերպված էին և հարմարավետ։ Ավտոբուսում WiFi-ի առկայությունն ինձ օգնեց կապի մեջ մնալ հեռվում գտնվող ընտանիքիս հետ։
Առաջարկում եմ նաև յուրաքանչյուր խմբի հետ լուսանկար անել՝ ներառելով լուսանկարվել սիրող մարդկանց, և տեղադրել այն ձեր կայքում։
Շարունակեք նույն ոգով։

Մեծ շնորհակալություն Տիգրանին՝ հետաքրքիր անցկացրած էքսկուրսիայի համար։ Այս ուղևորությունից հետո որոշեցինք դիմել միայն Ձեր ընկերությանը։ Եվ ճիշտ արեցինք, որովհետև հոկտեմբերի 20-ին Էջմիածին ուղևորության ժամանակ էքսկուրսավար Կարինան մեզ անմոռանալի հույզեր պարգևեց՝ սիրով պատմելով Հայաստանի հարուստ պատմության և հնագույն կառույցների մասին։ Նույնպես ուզում ենք շնորհակալական խոսքեր փոխանցել Խաչիկ անունով վարորդին։

Եղել ենք Գառնի-Գեղարդ-լավաշի թխում-Սևան (Սևանավանք) էքսկուրսիային։ Էքսկուրսավար Իռենն աշխատեց բարձր պրոֆեսիոնալիզմով, բայց ոչ պաշտոնական, այլ շատ ընկերական ու բարյացակամ էր իր խմբի անդամների նկատմամբ։

Իսկապես իր գործի մոլի նվիրյալ է՝ գիտելիքների հսկայական պաշարով, և իր երկրի հայրենասեր, որը շատ հետաքրքիր է անցկացնում տուրը և ըստ էության պատասխանում ցանկացած հարցի։

Առանձին շնորհակալություն վարորդ Խաչիկին։ Ընդհանուր առմամբ՝ հսկայական շնորհակալություն Իռենին ու Խաչիկին․ նրանց հետաքրքիր «մինի-ճանապարհորդությունից» հետո ավելի ու ավելի շատ ես ուզում ճանաչել արևոտ ու հյուրընկալ Հայաստանը։

Հարգելի՛ Հյուր Սերվիս,

Կցանկանայի մեր շնորհակալությունն ու անկեղծ գնահատանքը հայտնել ձեզ բոլորիդ (օդանավակայանում մեզ դիմավորած անձին, վարորդին, մաքրության ժամն ամրագրելու համար զանգահարած շատ քաղաքավարի տիկնանց, մեզ ճանապարհած անձին)՝ ձեր պրոֆեսիոնալիզմի և հոգատար սպասարկման համար։ Ձեր հաճախորդներին գոհացնելու բուռն ցանկությունը հպարտության զգացում է առաջացնում, որ դուք Հայաստանում հաճախորդակենտրոն լավագույն ընկերությունն եք։

Շնորհակալություն։
Դեյվիդ Պիվազյան

Անմոռանալի ուղևորություն Լոռի, Հաղպատ և Սանահին։ Շատ գեղեցիկ վայրեր և հրաշալի էքսկուրսավար Իռեն։

Հետաքրքիր մանրուքներ, բոլոր հարցերի պատասխաններ, հումոր, լայն գիտելիքներ և պարզապես սեր դեպի երկիրը․ այս ամենն այնքան է ոգևորում ու մթնոլորտ ստեղծում, որ ուղևորությունն առանձնապես տպավորիչ է դառնում։ Եվ հաշվի առնելով ոլորապտույտ ճանապարհն ու վաղ մթնշաղը՝ անհնար է չհիանալ մեր վարորդով։

Անչափ շնորհակալություն։ Վալենտինա։ Սանկտ Պետերբուրգ։

Սիրելի Քեղամ,
դեպի Արցախ տպավորիչ տուր էր։

Շատ շնորհակալ եմ ջերմության և հիանալի սպասարկման համար։
Քեզ հետ տուրի գնալ՝ միշտ սիրով!!
Ջերմ ողջույններով
Այդա

Բարև, Դիանա։ Նախ և առաջ ուզում եմ շնորհակալություն հայտնել մեր կեցությունների ընթացքում մատուցված բոլոր ծառայությունների համար։

Մեզ շատ դուր եկան էքսկուրսիաները.. Առաջին օրը՝ էքսկուրսավարուհու հետ, որի անունը, ցավոք, մոռացել եմ։ Երրորդ և չորրորդ օրերին՝ Սամվելի հետ։ Երկուսն էլ շատ պրոֆեսիոնալ էին, տեղեկացված և միշտ պատրաստակամ օգնելու։

Էքսկուրսիան անցկացվել է 22.09.2019

Խմբակային էքսկուրսիա դեպի Էջմիածին (Հռիփսիմե, Մայր տաճար - կիրակնօրյա պատարագ, Գայանե) և Զվարթնոց։

Էքսկուրսիան շատ դուր եկավ։ Երկու գիդ կար՝ մեկը ռուսերեն, մյուսը՝ անգլերեն։ Մեր էքսկուրսավարը մեծ ԱՊՐԵՍ էր։ Հետաքրքիր էր պատմում, հուզականորեն։ Շնորհակալություն ավտոբուսում սառը ջրի և կրուասանի համար։ Շատ պետք եկավ էքսկուրսիայի վերջում!!!)))

Իրինա, Սվերդլովսկի մարզի Զարեչնի քաղաքից