Հյուրերի կարծիքները

mer partkn enk hamaroom haytnel` shnorhakalootyon HYURSERVICE @nkerootyan@ ` katarac barzrakarg yev vorakyal ashxatanqi kapakcutiamb.

maxtoom enk amena lav@

minch nor handipoom



RITA SHANT ADIS

Բարև Աննա,

Ահա, մենք վերադարձել ենք տուն՝ շատ հաճելի հանգիստ անցկացնելուց հետո։ Հատկապես գնահատեցինք Նորիկի և Անուշի բարությունը, և նրանք մեզ օգնեցին խորությամբ բացահայտել Հայաստանը։ Խնդրում եմ՝ մեր կողմից շնորհակալություն հայտնեք նրանց։ Շնորհակալություն կազմակերպման համար։ Մենք հիացած ենք և առիթի դեպքում անպայման խորհուրդ կտանք ձեզ։ Շնորհակալություն, և ինչո՞ւ ոչ՝ մինչև հաջորդ անգամ։ Մեր ջերմ բարեկամական ողջույններով

Պարոն Բոզուկլյան

Հարգելի Նարինե Հարությունյան
«Հյուր Սերվիս» ՍՊԸ

Հայաստան կատարածս շատ կարճ այցն իսկապես արժեր դրան։ Չորսօրյա ուղևորությունս հարյուր տոկոսով հաջողված էր՝ գեղեցիկ, ոգևորիչ, հուզիչ, լի զվարճանքով ու ուսուցողական... և սա դեռ ամենը չէ։

Խնդրում եմ ընդունեք իմ անկեղծ երախտագիտությունը․ առանց ձեր հյուրերի սպասարկման բարձր արդյունավետության և պրոֆեսիոնալիզմի՝ գուցե երբեք հնարավորություն չունենայի այս ամենը զգալու։

Հատկապես շնորհակալ եմ ձեր էքսկուրսավար Ջուլյային, ով միշտ ամեն ինչ մի կողմ էր դնում, որպեսզի կրկներ և բացատրեր մեր այցելած վայրերի պատմությունները, հենց նկատում էր, որ ես խմբից հեռացել ու բաց եմ թողել իր պատմածը։

Ձեր ավտոբուսի վարորդները նույնպես արժանի են իմ գովեստին․ բացի բարեկիրթ լինելուց՝ նրանք նաև տեղեկացված էին, օգնում էին կողմնորոշվել և առաջարկում էին լուսանկարել ինձ։

Հարգանքներով՝

Բերժե Վասիլյան

Հ.Գ. Երբ ժամանակ ունենաք, նայեք իմ կայքը՝ http://www.bearjig.net։ Կիմանաք, որ ես գրող եմ։ Շուտով կսկսեմ գրել իմ չորրորդ վեպը և անպայման կգրեմ դեպի իմ աստվածաշնչյան երկիր կատարած կարճատև այցիս մասին։

Սիրելի՛ Նարինե,

շնորհակալություն բոլոր կազմակերպումների համար։
Մեր շրջագայությունը հիանալի անցավ, և մենք ափսոսում ենք, որ վերադարձել ենք տուն։

Հայաստանում հրաշալի ժամանակ անցկացրինք և շատ փոքրիկ անակնկալներ ու նոր փորձառություններ ունեցանք, որոնք ուղևորությունը հրաշալի դարձրին։

Մեր վարորդ Գագուն հիանալի էր, և վերջում նույնիսկ ինքն էլ սկսեց հաճույք ստանալ հեծանիվ քշելուց։ Կցել եմ մի քանի լուսանկար, որոնցից մեկը Գագուի՝ հեծանիվ քշելու մասին է։ Նա պատրաստում է մեր երբևէ կերած ամենահամեղ շաշլիկը։

Ամենայն բարիք՝

Մարգուս

Մարիաննա,

Շատ ու շատ շնորհակալություն Hyur Service-ի բոլոր աշխատակիցներին այն շատ լավ սպասարկման համար, որից օգտվեցինք Երևանում գտնվելու ընթացքում։

Ամեն ինչ գրեթե կատարյալ էր !, հաճելի գիդեր, հաճելի վարորդներ, և նրանց հետ բոլոր գեղեցիկ վայրերն այցելելը մեծ հաճույք էր։

Ani Plazza-ն շատ լավ ընտրություն էր, և մենք շատ գոհ էինք այս հյուրանոցից։

Խնդրում եմ շնորհակալությունս փոխանցել բոլորին, և ձեզ նույնպես՝ շատ շնորհակալություն։

Մարգարիտ Բիլլե

Հարգելի՛ Լուիզա, Էլիսա, Արմենակ և ՀյուրՍերվիսի ողջ անձնակազմ։

Ուզում ենք ընդամենը մի փոքրիկ, բայց լիովին արժանի գրությամբ մեծ շնորհակալություն հայտնել բոլորիդ՝ հենց սկզբից ամեն հարցում ցուցաբերած ձեր շատ պրոֆեսիոնալ և հոգատար օգնության համար։
Մենք վայելեցինք ամեն ինչն ու դրա յուրաքանչյուր րոպեն։
Լուիզայի միջոցով վարձակալած բնակարանը հարմարավետ էր և քաղաքի լավ տեղում էր։ Հյուրի կազմակերպած տեսարժան վայրերի այցելությունները շունչ կտրող էին։ Եվ՛ Արմենակը (վարորդը), և՛ Էլիսան (էքսկուրսավարը) շատ լավ գիտելիքներ ցուցադրեցին։ Շնորհակալություն նաև Հանրապետության փողոցի «Կիլիկիա» ռեստորան գնալու առաջարկի համար․ հաճելի էր համեղ ուտեստ վայելելիս տեսնել ու լսել իրական հայկական խմբի ելույթը։
Իսկ ինչ վերաբերում է Երևանին, ապա այն հրաշալի, մաքուր քաղաք է՝ շատ քաղաքավարի ու օգնող մարդկանցով։
Շնորհակալություն ձեր ամբողջ օգնության համար։ Անհամբեր սպասում ենք կրկին Հայաստան այցելելուն։

Իզաբել Սիսմանյան Օսթեր/Լոնդոն
Մելկոն Սիսմանյան/Ֆրանսիա
Թերեզ Սիսմանյան/Բրազիլիա

Ուզում էի պարզապես հայտնել, թե որքան հաճույք եմ ստացել ձեր ծառայությունից օգտվելով՝ շրջագայությունների ընթացքում։ 2009 թվականի մայիսին ձեր շրջագայություններին մասնակցել եմ չորս անգամ, այդ թվում՝ եռօրյա ուղևորություն դեպի Լեռնային Ղարաբաղ, և ամեն անգամ գոհ եմ մնացել։ Նաև ուզում եմ նշել, որ երկու զբոսավարները՝ Կատարը և Մոնիկան, երկուսն էլ շատ լավ տեղեկացված էին և պատրաստակամորեն օգնում էին։ Իմ փորձից ելնելով՝ անպայման խորհուրդ կտամ ձեր ծառայություններից օգտվել։
Շնորհակալություն, Ջիմ Քեննա
Սենթ Փոլ, Մինեսոտա, ԱՄՆ

Պարզապես ցանկանում ենք շնորհակալություն հայտնել մեր շրջագայությունները կազմակերպելու համար։ Մենք շատ վայելեցինք դրանք և կխնդրեինք շնորհակալություն հայտնել մեր վարորդներ Ռուբենին ու Նորիկին՝ մեզ այդքան լավ հոգ տանելու համար։ Կցանկանայինք ապագայում կրկին այցելել Հայաստան և ավելի երկար մնալ։

Լավագույն մաղթանքներով՝
Դեյվիսների ընտանիք

Հսկայական երախտագիտություն եմ հայտնում ձեր ընկերությանը հիանալի կազմակերպված անհատական տուրերի համար։ Ձեր ընկերության աշխատակիցների ներդաշնակ աշխատանքը անմոռանալի տպավորություններ թողեց։ Դուք առանց դժվարության կարողացաք մեզ սիրահարեցնել ձեր հրաշալի երկրին։ Մեզ հետ անցկացրած ժամանակի համար հատուկ շնորհակալություն ենք ուզում հայտնել մեր գիդ Ասմիկին և վարորդ Ավետիկին։ Մինչ նոր հանդիպում։ Չենք հրաժեշտ տալիս։

Բարև Աննա,

Պարզապես ուզում էի շնորհակալություն հայտնել Ձեզ, որ որոշ պահերի մեր ճամփորդությունն ավելի հեշտ դարձրիք Հայաստանում։
7 օր... շատ քիչ է... մենք արդեն խոստացել ենք միմյանց, որ կվերադառնանք :-)

Հաջողություն Ձեզ,

Ստեֆանի և Ալեքսանդր

Բարև Ձեզ, Աննա՛։
Ցանկանում ենք մեր երախտագիտությունը հայտնել Ձեզ։ Հայաստանից ամենալավ տպավորություններով ենք մնացել և անպայման ևս մեկ անգամ կվերադառնանք։ Շնորհակալություն։

Ամենայն բարիք։

Անկեղծ շնորհակալություն ենք հայտնում ընկերության ողջ անձնակազմին՝ հրաշալի արձակուրդ կազմակերպելու համար։ Ամեն ինչ կազմակերպված էր բարձր մակարդակով, բոլոր աշխատակիցները շատ բարեհամբույր էին և միշտ պատրաստ էին օգնել՝ լուծելու ցանկացած խնդիր։
Հատուկ շնորհակալություն ենք հայտնում վարորդ Ռուբենին՝ առավոտյան ժամը 4-ին օդանավակայանում ջերմ ընդունելության համար, մենեջեր Մարիաննային՝ մեր ճամփորդության հրաշալի կազմակերպման և այն աջակցության համար, որը մենք զգացել ենք ամբողջ արձակուրդի ընթացքում, ինչպես նաև էքսկուրսավարներ Կատարին, Ռոզիին, Էլիզաբեթին ու Ջուլիետային։
Մաղթում ենք ողջ անձնակազմին հաջողություններ, ոգեշնչում, հետաքրքիր գաղափարներ և չկորցնել սպասարկման բարձր մակարդակը՝ չնայած խնդիրներին ու ճգնաժամերին։

Տետյանա և Վիտալիյ
Կիև, Ուկրաինա