Հյուրերի կարծիքները

ՆԻՆԱ,
ՇԱՏ ՇՆՈՐՀԱԿԱԼՈՒԹՅՈՒՆ ԸՆԴՈՒՆԵԼՈՒԹՅԱՆ ԵՎ ԳԵՐԱԶԱՆՑ ՍՊԱՍԱՐԿՄԱՆ ՀԱՄԱՐ !

ՄԵԶ ԱՄԵՆ ԻՆՉ ՇԱՏ ԴՈՒՐ ԵԿԱՎ։
ԿԽՈՐՀՈՒՐԴ ՏԱՆՔ ԸՆԿԵՐՆԵՐԻՆ ՈՒ ՀԱՃԱԽՈՐԴՆԵՐԻՆ, ԵՎ ԱՆՊԱՅՄԱՆ ՆՈՐԻՑ ԿԳԱՆՔ, ՈՐՊԵՍԶԻ
ԱՎԵԼԻՆ ՏԵՍՆԵՆՔ...

ՀԱՐԳԱՆՔՈՎ,
ԱՆԴՐԵՅ (ՄԱՍՏԵՐ-ՏՈՒՐՕՊԵՐԱՏՈՐ, ՄՈՍԿՎԱ)

Բարև ձեզ, Հյուր Սերվիս

Պարզապես ուզում էի տեղեկացնել, որ Հայաստան կատարած իմ այս ուղևորությունը հրաշալի էր, և դա երբեք տեղի չէր ունենա առանց ձեր հյուրընկալության։ Թիվ 332 բնակարանը լավն էր, իսկ այս ծառայությունում աշխատող մարդիկ՝ հրաշալի։ Շնորհակալ եմ Երևան կատարած իմ ուղևորությունից առաջ և դրա ընթացքում ձեր ցուցաբերած օգնության համար։ Մաղթում եմ ձեզ ամենայն երջանկություն և երբեք չեմ մոռանա կապվել Հյուր Սերվիսի հետ, երբ մոտ ապագայում նորից ծրագրեմ այցելել Հայաստան։

Հարգանքներով՝
Խաշայար Մեհդիզադեհքաշի
2011 թվականի ապրիլի 1-ին

Բարի օր,

Անցած հանգստյան օրերին ձեր ընկերության հետ երկու էքսկուրսիայի եմ մասնակցել, և ահա 3 րոպեանոց տեսանյութ, որը պատրաստել եմ՝ ներկայացնելով ձեր գեղեցիկ երկրի մի քանի տեսարժան վայրեր․

http://www.youtube.com/watch?v=-IFMJwsUpr8

Կարող եք տեղադրել տեսանյութը ձեր կայքում՝ ձեր էքսկուրսիաները գովազդելու համար :-)

Եվ վերջում, բայց ոչ պակաս կարևոր՝ ինձ իսկապես շատ դուր եկան երկու էքսկուրսիաներն էլ՝ դեպի Էջմիածին և Խոր Վիրապ։ Ձեր ողջ անձնակազմը շատ ընկերասեր էր և պատրաստակամորեն օգնում էր։

Շնորհակալություն,
Մաուրո

Հարգելի՛ պարոն կամ տիկին,

Անցյալ շաբաթ այցելեցինք Հայաստան և ձեր՝ Hyur Service ընկերության միջոցով ամրագրեցինք կացարան և էքսկուրսիաներ։ Բոլոր մարդիկ, որոնց հետ առնչվեցինք, չափազանց պրոֆեսիոնալ, օգտակար և ընկերասեր էին։ Չենք հիշում այն աշխատակիցների անունները, ովքեր գրասենյակում մեզ համար կացարան կազմակերպեցին (Երևանում շատ զբաղված ժամանակահատվածում), բայց նրանք չափազանց ընկերասեր և արդյունավետ էին։ Լիլիթն ու Խոր Վիրապ մեր էքսկուրսիայի ուղեկցորդների թիմի պրակտիկանտը բանիմաց էին և շատ զվարճալի։ Ավտոբուսի վարորդն էլ ամբողջ էքսկուրսիայի ընթացքում զգուշությամբ էր վարում։ Աննան, ով կազմակերպեց մեր երկօրյա շրջագայությունը Երևանից Թբիլիսի, շատ արդյունավետ, մանրակրկիտ և ընկերասեր էր, իսկ Լևոնը չափազանց քաղաքավարի ու ապահով վարորդ էր և շատ հաճելի ընկերակցություն։ Մեզ շատ դուր եկավ մեքենայով անցկացրած երկու օրը և Դիլիջանում՝ Նինայի հյուրատանը անցկացրած գիշերը։

Խնդրում ենք մեր շնորհակալությունը փոխանցել ձեր չափազանց պրոֆեսիոնալ աշխատակիցներին։ Մենք Hyur Service-ի անունը կհաղորդենք բոլոր նրանց, ովքեր պատրաստվում են այցելել Հայաստան։

Հարգանքներով՝
Էլիզաբեթ Մալընյու
Նադին Մեյնս

ՀԱՐԳԵԼԻ՛ ՀՅՈՒՐ-ՍԵՐՎԻՍԻ ԱՇԽԱՏԱԿԻՑՆԵՐ։ ՈՒԶՈՒՄ ԵՄ ՇՆՈՐՀԱԿԱԼՈՒԹՅՈՒՆ ՀԱՅՏՆԵԼ ՀԱՅԱՍՏԱՆ ԻՄ ՃԱՄՓՈՐԴՈՒԹՅՈՒՆԸ ԿԱԶՄԱԿԵՐՊԵԼՈՒ ՀԱՄԱՐ։ ՄԵԾ ՇՆՈՐՀԱԿԱԼՈՒԹՅՈՒՆ ԱԼԻՆԱՅԻՆ, ԱՐՏԱԿԻՆ, ՎԱՐՈՐԴՆԵՐ ՎԱՐԴԱՆԻՆ ՈՒ ԼԵՎՈՆԻՆ։ ԱՄԵՆ ԻՆՉ ՇԱՏ ԼԱՎ ԷՐ։ ՈՒԶՈՒՄ ԵՄ ՁԵԶ ՄՈՏ ԴԵՌ ՄԵԿ ԱՆԳԱՄԻՑ ԱՎԵԼԻ ԳԱԼ։ ՇԱՐՈՒՆԱԿԵ՛Ք ԱՅԴՊԵՍ։ Դուք հիանալի եք, հաջողությո՛ւն ձեզ!!!

Հարգելի Մարիաննա՛։
Բարի օր։ Մարիաննա, գրում եմ Ձեզ՝ շնորհակալություն հայտնելու հյուրընկալության և շրջագայության լավ կազմակերպման համար։ Նաև ուզում ենք շնորհակալություն հայտնել մեր ոչ այնքան հեշտ խմբի հետ աշխատանքի համար մեր ուղեկցորդ Նինային և վարորդ Ռուբենին։ Նրանք պարզապես հրաշալի են․ կարողացան գլուխ հանել զբոսաշրջիկներից։ Բոլոր զբոսաշրջիկներին շատ դուր եկավ ճամփորդությունը, և կարծես մեր զբոսաշրջիկներից բոլոր 14-ը կրկին կայցելեն Հայաստան, բայց այս անգամ՝ կանանց և երեխաների հետ։ Չգիտեմ՝ երբ և ինչպես, բայց կգան։ Ակնհայտ էր, որ բոլորը տպավորված էին թե՛ իրենց ընդունելությունից, թե՛ այն բանից, թե ինչ հետաքրքիր երկիր է Հայաստանը, ինչ լավ սպասարկում կա և այլն։
Մի խոսքով, մեր ընդհանուր նպատակը իրականացավ․ մենք կարողացանք Ձեզ հետ միասին ցույց տալ Հայաստանը, որպեսզի զբոսաշրջիկները սիրահարվեն այս երկրին։ Եվս մեկ անգամ շատ շնորհակալ եմ։
Մարիաննա, ուզում եմ միայն ներողություն խնդրել, որ երկուշաբթի չկարողացա մտնել Ձեր գրասենյակ, քանի որ Գառնիից ու Գեղարդից վերադառնալուց հետո ստիպված եղա երկար սպասել GOLDEN TULIP հյուրանոցում՝ հաշվապահության համար փաստաթղթերի հարցը լուծելու, որոշ համարների ամրագրումը երկարաձգելու և այլնի համար։ Մարիաննա, հաջորդ անգամ, երբ Երևանում լինեմ, անպայման կայցելեմ Ձեզ՝ ևս մեկ անգամ շնորհակալություն հայտնելու և ռուսական հուշանվեր փոխանցելու համար։

Հարգանքով՝
Ռուզաննա Դանսա
ԵՎՐՈԷՔՍՊՐԵՍ

Երևան էի եկել Հայաստանի - Ռուսաստանի հավաքականների ֆուտբոլային հանդիպմանը։
HYUR SERVICE-ի միջոցով հյուրանոց և օդանավակայանից տեղափոխում պատվիրեցի։
Չնայած հյուրանոցների պահանջարկի գագաթնակետին (իրանական տոներ + ֆուտբոլասերների մեծ հոսք)՝ հյուրանոցն առաջարկվեց օպտիմալ գնով։
Օդանավակայանում դիմավորումն ու հյուրանոց տեղափոխելը շատ պրոֆեսիոնալ, օպերատիվ և լավ կազմակերպված էին։ Ճանապարհին վարորդը Երևանի մասին փոքրիկ էքսկուրսիա անցկացրեց, նշեց բոլոր այցելության արժանի վայրերն ու տեղաշարժվելու լավագույն երթուղիներն ու միջոցները։
Շնորհակալություն պրոֆեսիոնալիզմի համար։

Բարև ձեզ,

Վերադառնալով Փարիզ՝ գրում եմ այս փոքրիկ հաղորդագրությունը՝ ձեզ ձեր ծառայությունների համար շնորհակալություն հայտնելու։

Հաջորդ անգամ, երբ վերադառնամ, հուսով եմ՝ կրկին հաճույք կունենամ ձեզ հետ գործ ունենալու։

Ուրեմն՝ մինչև շուտով,

Հարգանքով՝

Պատրիկ Մատոյան

Հարգելի Նինա,

Ուզում եմ մեծ շնորհակալություն հայտնել Հայաստանում մեր գտնվելու ընթացքում էքսկուրսիաներն անցկացնելու համար։ Ամեն ինչ շատ հետաքրքիր էր և կազմակերպված՝ ամենաբարձր մակարդակով։ Իհարկե, չհասցրինք այցելել բոլոր տեսարժան վայրերը, ուստի որոշեցինք դա անել հաջորդ ուղևորության ընթացքում։

Մեր կողմից ջերմ բարևներ փոխանցեք Լիլիթին և Նորիկին։

Նաև ցանկանում եմ անձամբ Ձեզ և Ձեր կազմակերպության ողջ անձնակազմին ամենայն բարիք մաղթել։ Միշտ հաճելի է գործ ունենալ իսկական պրոֆեսիոնալների հետ։

Մինչև նոր հանդիպումներ Հայաստանում։ :)

Ալեքսանդր

Ասմիկ, բարի օր!!!!

Ցանկանում եմ շնորհավորել Ձեզ տոնի առթիվ և շնորհակալություն հայտնել Ձեր հեքիաթային երկրում մեր հանգիստը հրաշալի կազմակերպելու համար։
Հյուրանոցը, որտեղ մենք կանգ էինք առել, շատ հարմարավետ էր և չափազանց հարմար տեղակայված)))
Պլանավորելով ընդամենը 4-օրյա ուղևորություն՝ չէինք էլ մտածում, որ դա այնքան քիչ ժամանակ է՝ Հայաստանի թեկուզ մի փոքրիկ մասը տեսնելու համար։
Բայց սա էլ պատճառներից մեկը կլինի, թե ինչու եմ նորից գալու Ձեր հյուրընկալ երկիր )))))
Եվս մեկ անգամ շատ շնորհակալ եմ։ Ես անկեղծորեն հիացած եմ Հայաստանով և նրա բնակիչներով։

Մինչ հանդիպում )))

Հարգանքով՝
Վլադիսլավ Պլոխոտնյուկ։

Հայաստան այցելելուց շատ տպավորություններ եմ ստացել։ Առանձին շնորհակալություն «Յուր Սերվիս» ընկերությանը։ Խորհուրդ եմ տալիս այցելել Երևան, Սևան, Ծաղկաձոր։ Հայաստանում՝ Երևան քաղաքում, տեղում ձեռք բերեցի «Էյջիջիէսէմ-Թրավել Մոբայլ»-ի տուրիստական SIM քարտը և կարողացա զգալիորեն խնայել ռոումինգի վրա, ինչը խորհուրդ եմ տալիս անել նաև ձեզ։ Ուշադրություն դարձրեք հայկական խոհանոցին. այն հրաշալի է։ Մաղթում եմ հաճելի հանգիստ։

Բարև Hyur-Սերվիսի ողջ հրաշալի անձնակազմին։
Արդեն քանի տարի է՝ գալիս ենք Հայաստան, և ամեն անգամ, երբ հարցնում են՝ «ինչպե՞ս ենք կազմակերպում մեր ուղևորությունը», միաբերան պատասխանում ենք՝ դիմում ենք Hyur-Սերվիսին։
Շնորհակալություն բոլորիդ պրոֆեսիոնալիզմի, օպերատիվության և այն առանձնահատուկ ջերմության համար, որի շնորհիվ քեզ ոչ թե հաճախորդ, այլ սպասված հյուր ես զգում։ Անսահման շնորհակալություն բոլորիդ։ Նոր տարում մաղթում ենք հաջողություն, հաջողություն, երջանկություն, ուրախություն և առողջություն։ Մինչ նոր հանդիպումներ։
Տիգրան, Լանա, Վահե, Վանյա