Խմբային էքսկուրսիա.2 օր Վրաստանում | Թբիլիսի, Ջվարի, Շատո Մուխրանի գինեգործարան, Խինկալիի պատրաստում, Մցխետ
Հյուրանոցն ու ճաշերը ներառված են
Ժամանում Թբիլիսի, Ճաշ, շրջայց և ազատ երեկո Թբիլիսիում (գիշերակաց)
1. Թբիլիսի
Դիտել էջը
Վրաստանի մայրաքաղաք Թբիլիսին գտնվում է Երևանից հյուսիս` 290 կմ հեռավորության վրա: Այս քաղաքի հատակագծի վարարուն երակը Քուռ գետն է, որն իր հոսքով հիանալիորեն միաձուլվում է քաղաքի ռիթմին: Այստեղ ամենուր իշխում են վառ գույներն ու ուրախ տրամադրությունը: Քաղաքը հարուստ է բազմաթիվ պատմամշակութային հուշարձաններով:
Առանձնակի հետաքրքրության են արժանի Նարիկալա շրջանի վաղ միջնադարից պահպանված նեղ փողոցներն ու ընդարձակ Ռուսթավելի պողոտան։ Թբիլիսիի ժամանակակից տեսքը վսեմ ու հին տաճարների և կիսավեր ամրոցների, հին թաղամասերի և քանդակազարդ պատշգամբներով գունագեղ բակերի, սովետական շինությունների և գերժամանակակից բիզնես կենտրոնների վառ խառնուրդ է: Այս հակադրությունը պարզ տեսանելի է ճոպանուղուց:
Առանձնակի հետաքրքրության են արժանի Նարիկալա շրջանի վաղ միջնադարից պահպանված նեղ փողոցներն ու ընդարձակ Ռուսթավելի պողոտան։ Թբիլիսիի ժամանակակից տեսքը վսեմ ու հին տաճարների և կիսավեր ամրոցների, հին թաղամասերի և քանդակազարդ պատշգամբներով գունագեղ բակերի, սովետական շինությունների և գերժամանակակից բիզնես կենտրոնների վառ խառնուրդ է: Այս հակադրությունը պարզ տեսանելի է ճոպանուղուց:
Ճաշ
Գիշերակաց
4* հյուրանոց Թբիլիսիում
Ջվարի վանք, Շատո Մուխրանի գինեգործարան, ստորգետնյա մառաններ և խաղողի այգիներ, Խինկալիի պատրաստման ցուցադրություն և ճաշ, Մցխետ, վերադարձ Երեւան
1. Ջվարի վանք
Դիտել էջը
ՅՈՒՆԵՍԿՕ-ի հուշարձանների ցանկում, որպես Մցխեթ քաղաքի մաս, գտնվում է նաև Ջվարի վանքը (սուրբ խաչ): Կառուցվել է 7-րդ դարի առաջին կեսին՝ այնտեղ, որտեղ քրիստոնեության քարոզիչ Սուրբ կույս Նունեն (Նինո) խաչ էր կանգնեցրել: Այդ տեսարանը նկարագրված է Լերմոնտովի «Մծիրի» պոեմում: Վանքը գտնվում է շրջակայքից 150 մ բարձրությամբ ուղղաձիգ ժայռի վրա, որտեղից բացվում է չքնաղ տեսարան դեպի Մցխեթ քաղաք՝ Քուռ և Արագվ գետերի միախառնման վայրը: Ջվարի վանքը քառաձև խաչ հատակագծով շինություն է, որի եզրերը ձևավորված են կիսաշրջան աբսիդներով: Վանքն ավարտվում է ութ կլոր խորաններով թմբուկով: Շինությունը վերականգնվել է 2007թ.-ին:
Շատո Մուխրանի գինեգործարան
Դիտել էջը
Շատո Մուխրանին վրացական առաջին թագավորական ամրոցն է, որը տեղակայված է Քարթլի շրջանում 1878 թվականից: Հյուրերին առաջարկվում է մասնակցել հետաքրքիր էքսկուրսիայի՝ ծանոթանալու վրացական գինեգործության ավանդույթներին, տեղի այգիներում աճեցվող քարթլիական խաղողի եզակի տեսակներին, ինչպես նաև գինեգործության ժամանակակից մեթոդներին, որոնք կիրառվում են Շատո Մուխրանիի լավագույն գինիների պատրաստման ժամանակ: Համտեսը ներառում է 2 բաժակ գինի
Classics տեսականուց, ինչպես նաև տեղական հնեցված պանիրների տեսականի և աղբյուրի ջուր:
2. Մցխետ
Դիտել էջը
Քուռ և Արագվ գետերի միախառնման տեղում է գտնվում քրիստոնյա Վրաստանի առաջին մայրաքաղաք Մցխեթը: Հինավուրց այս քաղաքն այժմ ՅՈՒՆԵՍԿՕ-ի Համաշխարհային մշակութային ժառանգության ցանկում է: Ավանդության համաձայն՝ այն հիմնադրել է վրացիների նախահայր Քարթլոսի որդի Մցխեթոսը: Հռիփսիմյան կույսերից Նունեն (Նինո), ով հրաշքով ազատվում է կույսերի նահատակության ժամանակ, փախչում է Մցխեթ և այստեղ քրիստոնեություն քարոզում: Կույսը բուժում է Միրիան թագավորի հիվանդ զավակին, ապա նաև՝ Նանա թագուհուն: 4-րդ դարում Միրիան արքան Նունեի խորհրդով կառուցում է առաջին փայտե եկեղեցին, որի տեղում 5-րդ դարում Վախթանգ Առաջին Գորգասալը հիմնում է բազիլիկ եկեղեցի: 11-րդ դարի սկզբին վնասված բազիլիկի փոխարեն կառուցվել է Սվետիցխովելի տաճարը (վրացերեն` կենարար սյուն): Մեկ այլ եկեղեցի՝ Սամթավրո վանական համալիրը, նույնպես կառուցվել է Միրիան արքայի կողմից, սակայն իր ժամանակակից տեսքը ստացել է Գեորգի Առաջինի օրոք (11-րդ դար):
Ճաշ
3. Երևան
Դիտել էջը
Երևանը Հայաստանի մայրաքաղաքն է, քաղաք, որ 29 տարով մեծ է Հռոմից: Թվագրվում է մ.թ.ա. 782թ.-ով, հիմնադրվել է հինավուրց Էրեբունի ամրոցի տեղում՝ կառուցված Արգիշտի Առաջինի կողմից: Երևանը հաճախ կոչում են «վարդագույն քաղաք», քանի որ այստեղ շատ շենքեր կառուցված են վարդագույն տուֆից: Մայրաքաղաքը տուրիստական հայտնի ուղղություններից մեկն է՝ շնորհիվ բազմաթիվ տեսարժան վայրերի, ակտիվ գիշերային կյանքի, հրաշալի թանգարանների, ինչպես նաև գեղեցիկ զբոսայգիների:
Ներառված է
- Փորձառու էքսկուրսավար՝ ԱՆԳԼ + ՌՈՒՍ հաջորդաբար
- Գիշերակաց հյուրանոցում
- Երկանգամյա սնունդ (նախաճաշ և ճաշեր)
- Օդորակիչով մեքենաներ
- Շշալցված ջուր
- Մուտքի տոմսեր
- WiFi տրանսպորտում
- Տրանսպորտային միջոցի և ուղևորների ապահովագրություն
Ներառված չէ
- Ընթրիք
- Փոխադրում հյուրանոց՝ Երևան վերադառնալիս
Առանձնահատկություններ
- Այցելեք Վրաստանի մայրաքաղաքի ամենահայտնի տեսարժան վայրերը
- Զբոսնեք հին քաղաքի գողտրիկ փողոցներով
- Համտեսեք նրբաճաշակ վրացական գինին
- Բացահայտեք վրացական խոհանոցի գաղտնիքները
*Հնարավոր է՝ որոշ երկրների ռեզիդենտներ (մանրամասները ճշտեք գրասենյակում) կարիք ունենան նախօրոք վիզայի համար դիմել Վրաստան մուտք գործելու կամ/և ետադարձին Հայաստան մուտք գործելու համար
*Վրաստան մուտքի վիզան կամ/և Հայաստան վերադարձ մուտքի վիզան ներառված ՉԷ
*Խնդրում ենք վերցնել Ձեզ հետ վավեր անձնագիր՝ սահմանը հատելու, ինչպես նաև հյուրանոց մուտք գործելու համար
Ամրագրման պայմաններ
Չեղարկում և փոփոխում
Նմանատիպ խմբային էքսկուրսիաներ
