Հյուրերի կարծիքները

Լիլիթ, բարի երեկո։
Շատ շնորհակալություն կազմակերպված էքսկուրսիաների համար։
Մենք հիացած ենք, Հայաստանը խելահեղ գեղեցիկ է, բոլոր ուղևորություններն անթերի էին, դուք հիանալի վարորդներ ունեք։
Ձեզ կգովենք ու խորհուրդ կտանք մեր ընկերներին)
Հաջողություն և ամենայն բարիք։

Լիլիթ, բարի օր Ձեզ։

Մենք արդեն վերադարձել ենք Ուկրաինա՝ Ձեր երկրում անցկացրած հրաշալի վեց օրերից հետո։

Մեր խումբը հիացած է ճամփորդությամբ։ Նախևառաջ ուզում եմ շնորհակալություն հայտնել Ձեզ և Ձեր գործընկերներին՝ Գոռին և վարորդներ Արայիկին ու Սուրենին։ Մեր խմբի հանդեպ պրոֆեսիոնալ և շատ ջերմ վերաբերմունքի համար։ Մեծապես նրանց շնորհիվ են մեզ մնացել ամենաջերմ հիշողությունները ճամփորդությունից, Ձեր ժողովրդից և իսկապես մեծ երկրից։ Արայիկն ու Սուրենը պրոֆեսիոնալ վարորդներ են, որոնք առիթի դեպքում միշտ հաճույքով լրացնում են Գոռին-)։ Գոռը, ի տարբերություն այլ երկրներում մեր տեսած ուղեկցողների մեծամասնության, իր աշխատանքը կատարում է մեծ ցանկությամբ, միշտ լավ տրամադրությամբ։ Տեղեկատվությունը ներկայացնելու նրա ոճը շատ է դուր գալիս, նա չի ծանրաբեռնում ամսաթվերով ու անպետք վիճակագրությամբ, բայց միևնույն ժամանակ միշտ ունի իր տեսակետն ու գնահատականը։ Նա հրաշալի գիտելիքներ ունի, ընդ որում՝ ոչ միայն «հայկական թեմայով»։ Հավատացեք ինձ՝ աշխարհագրության մասնագետ եմ կրթությամբ, եղել եմ 68 երկրում և զբոսաշրջային գործակալությունում աշխատելու փորձ ունեմ-)))։

Եվս մեկ անգամ՝ անչափ շնորհակալ եմ Ձեզ։

Արևոտ, բայց մի փոքր ավելի զով Ուկրաինայից-)

Ալեքսեյը և խումբը

Բարի լույս, Սուսան։

Ուզում եմ անձամբ իմ և իմ բոլոր աշխատակիցների անունից հսկայական շնորհակալություն հայտնել ձեր տուրիստական գործակալությանը՝ Հայաստանի տարածքով մեր հրաշալի կազմակերպված ուղևորության համար։ Ամբողջ շրջագայության ընթացքում ոչ մի թյուրիմացություն չեղավ, ինչը մեծ հազվադեպություն է։

Հիանալի գիդ, հրաշալի վարորդ, որն ուղեկցում էր մեզ ամբողջ ուղևորության ընթացքում։ Ճաշերի համար ռեստորանների հրաշալի ընտրություն։ Շատ լավ հյուրանոց՝ բարեհամբույր անձնակազմով։ Ցանկանում ենք ձեր գործակալությանը ավելի շատ գոհ զբոսաշրջիկներ, իսկ ամբողջ Հայաստանին՝ բարգավաճում։ Հրաշալի երկիր ունեք՝ հարուստ պատմությամբ։

Հարգանքով՝
«Ստոմսերվիս» ատամնաբուժական կենտրոնի տնօրեն
Աննա Անդրեևա

Այս հաղորդագրությունն ուղարկում եմ ձեզ՝ ասելու, որ շատ գոհ ենք եղել մայիսի 3-ին և 4-ին մեր կատարած շրջագայությունից։
Ձեր անձնակազմը (ուղեկցորդն ու վարորդը) շատ քաղաքավարի ու պրոֆեսիոնալ է եղել և մեծ ուշադրություն է ցուցաբերել։
Սպասում ենք կրկին նման փորձառություն ունենալուն


Պիեռ ՄՅՈՒՐԻՍ

Բարև Ձեզ, Արմինե՛։

Հայտնում եմ Ձեզ իմ երախտագիտությունն ու շնորհակալությունը Երևանում հիանալի կազմակերպված հանգստի և էքսկուրսիոն ծրագրի համար!!!
Մաղթում ենք Ձեզ հաջողություն, իսկ Ձեր ընկերությանը՝ բարգավաճում։

Հուսով ենք՝ հետագայում ևս կհամագործակցենք։
Շնորհակալություն!!
Ուլյանա։

Հարգելի Լիլիթ,

Ահա և ավարտվեց մեր արձակուրդը Հայաստանում։ Բոլորս ուզում ենք ասել, որ այն իսկապես ԿԱՅԱՑԱՎ, քանի որ այն ամենը, ինչ տեսանք, լսեցինք, իմացանք, համտեսեցինք ու հոտոտեցինք ձեր հրաշալի երկրում, մեզ շատ ու շատ դուր եկավ։ Եվ Երևանում, և երկրով մեկ մեր բոլոր ուղևորությունների ընթացքում...

Դրանում շատ մեծ դեր ունեցավ ձեր ընկերությունը, ինչի համար ուզում ենք հսկայական շնորհակալություն հայտնել բոլոր նրանց, ովքեր հոգ էին տանում մեր մասին այս հրաշալի օրերի ընթացքում։

Շնորհակալություն Ձեզ, Լիլիթ, էքսկուրսիաների ծրագիրը մշակելու հարցում մեզ օգնելու համար։ Ո՛չ մի ձանձրալի, անհետաքրքիր օր։

Շնորհակալություն ձեր գիդերին՝ Արմինեին և Դավիթին։ Նրանց հետ շատ հաճելի էր շփվել թե՛ մարդկայնորեն, թե՛ որպես մասնագետների։ Խնդրում եմ՝ փոխանցեք նրանց մեր շնորհակալությունն ու հաջողության մաղթանքները իրենց, ընդհանուր առմամբ, ոչ հեշտ աշխատանքի մեջ։ Նրանք շատ տարբեր են, բայց երկուսն էլ հրաշալի են։

Ձեր ընկերությունում աշխատում են հրաշալի վարորդներ՝ Լևոնն ու Սերժիկը։ Կրկնվեմ՝ ինչպես գիդերը, նրանք երկուսն էլ հրաշալի են թե՛ որպես մարդիկ, թե՛ որպես մասնագետներ։ Խոստովանեմ՝ մեքենայում ես միշտ մի փոքր նյարդայնանում եմ, բայց նրանց հետ ինձ լիովին ապահով էի զգում։ Կարծում եմ՝ մյուս մասնակիցներն էլ կմիանան ինձ։ Բայց նրանք երկուսն էլ ոչ միայն հիանալի են վարում, այլև հետաքրքիր զրուցակիցներ են ու հմայիչ մարդիկ։ Խնդրում եմ՝ մեր շնորհակալությունը փոխանցեք նաև նրանց։

Եվ վերջում ուզում ենք նշել ամբողջ ընկերության գերազանց աշխատանքը։ Ժամանակացույցում ոչ մի խափանում, ամեն ինչ միշտ ժամանակին։ Միայն թե վախենում եմ, որ ձեր տղաները միշտ չէ, որ ժամանակին են տուն վերադարձել, քանի որ մենք հետաքրքրասեր մարդիկ ենք և հաճախ ծրագրից դուրս ինչ-որ տեղ կանգ էինք առնում՝ հարցուփորձ անելու, նայելու, լուսանկարվելու... Ոչ մի մերժում։ Եվս մեկ անգամ շնորհակալություն բոլորին և ներողություն, եթե մեր խնդրանքներով ձեզ մի քիչ շատ ենք տանջել։

Հուսով եմ՝ դեռ մեկ անգամ չէ, որ կայցելենք Հայաստան (հավատացեք, համեմատելու բան ունենք, բոլորս էլ բավականին փորձառու ճանապարհորդներ ենք), և եթե այդպիսի ուղևորություն տեղի ունենա, անպայման կդիմենք ձեր ընկերությանը։

Հարգանքով և երախտագիտությամբ՝

Տատյանա, Ալեքսեյ և Ալեքսեյ։

Երեկ երեկոյան վերադարձա Երևանից և ուզում եմ Ձեզ ասել, որ այս քաղաքն ինձ և ընկերուհուս համար էլ ավելի գեղեցիկ դարձավ հենց Ձեր ընկերության և Ձեր վարորդ Արթուրի շնորհիվ։ Մենք անպայման մեր ընկերներին խորհուրդ կտանք հենց Ձեզ՝ որպես ընկերություն, որի հետ շատ հեշտ ու հաճելի է գործ ունենալ։ Եվ Երևան հաջորդ այցելությանս ժամանակ, ամեն դեպքում, էքսկուրսիաների կազմակերպման հարցում օգնության համար կդիմեմ հենց Ձեզ։ Շատ շնորհակալ եմ Ձեզ։

շնորհակալություն

Սիրելի՛ Արմինե։ Սևանի վրայի ծիածանը նվիրում եմ ձեզ և սրտանց շնորհակալություն հայտնում այն հիանալի ծառայության համար, որ ձեր ընկերությունն ինձ մատուցեց Հայաստանում և Թբիլիսիում։

Հատուկ շնորհակալություն Էննիին՝ այն էքսկուրսավարին, ով մեզ ուղեկցեց դեպի Սևանավանք և Դիլիջան, և այն մարդուն, ով ինձ տարավ Թբիլիսի և հետ բերեց (նրա անունը սկսվում է «Ար»-ով)՝ իրենց պրոֆեսիոնալիզմի և հայկական պատմության ու մշակույթի մասին լայն գիտելիքների համար։ Շնորհակալություն բնակարանի և ամեն ինչի համար։ Ցանկանում եմ հայերի հետ գրականության թարգմանության նախագիծ ստեղծել, ուստի կարծում եմ՝ նորից կգամ։

Մաղթում եմ ձեզ ամենայն բարիք, հաջողություն, քաջառողջություն և հաջողություն։

Հելենա

Հարգելի՛ Աննա և ընկերության բոլոր աշխատակիցներ։
Շատ շնորհակալ ենք Հայաստանին, Երևանին, ինչպես նաև Թբիլիսիին ծանոթանալու հաճույքի համար։
Ընկերությունը շվեյցարական լավ ժամացույցի պես է՝ ամեն ինչ հստակ, ճշգրիտ, կոռեկտ և բարեհամբույր։
Մենք իսկական հաճույք ստացանք։
Բոլորին խորհուրդ կտանք շրջագայությունների մեկնել միայն «ՀյուրՍերվիս»-ի հետ։

Հարգանքով՝ Սերգեյը և մեր ամբողջ թիմը Կրասնոդարից։ 2014 թվականի ապրիլի 26-ից մայիսի 3-ը։

Բարև, Սյուզան,

Ես և կինս ցանկանում ենք շնորհակալություն հայտնել քեզ և Hyur Service-ի թիմին՝ Հայաստանում մեր հանգիստն այդքան հաճելի դարձնելու համար։ Նախ՝ շնորհակալություն, որ ամեն ինչ կազմակերպեցիր, և երկրորդ՝ Ալեքսին ու Մերիին՝ մեր շրջագայության ընթացքում այդքան հաճելի ընկերակցություն լինելու համար։ Խնդրում ենք մեր շնորհակալությունը փոխանցել Ալեքսին՝ իր հոգատարության և մեզ ամենուր շատ անվտանգ վարելու համար։ Կցանկանայինք նաև շնորհակալություն հայտնել Մերիին՝ մեր այցելած բոլոր հետաքրքիր վայրերի մասին մեզ շատ լավ տեղեկացված պահելու համար, և երկուսին էլ՝ մեր ողջ հանգստի ընթացքում այդքան լավ ընկերակցություն լինելու համար։ Ամեն ինչ այնքան լավ էր կազմակերպված և իր տեղն էր ընկնում՝ սկսած օդանավակայանից մեզ դիմավորելուց մինչև կրկին այնտեղ հասցնելը։

Մենք իսկապես հրաշալի ժամանակ անցկացրինք, և այժմ բազմաթիվ լուսանկարներ ունենք, որոնք մեզ կհիշեցնեն այդ լավ օրերը։ Կրկին շնորհակալություն և մաղթում ենք ձեզ բոլորիդ հաջողություն 2014 թվականին։

Հարգանքներով՝ Նայջել

Բարի երեկո, Արմինե Հարությունյան

Սույն նամակով ցանկանում եմ արտահայտել մեր խմբի լիակատար գոհունակությունը ՀՅՈՒՐ ՍԵՐՎԻՍ-ի և անձամբ Ձեր մատուցած ծառայություններից։

Շատ գոհ ենք մեր էքսկուրսավար Անուշից, ինչպես նաև մեր վարորդ Հարութից։

Ուստի մեր այն ընկերներին, ովքեր ցանկանում են այցելել Հայաստան, խորհուրդ կտանք օգտվել Ձեր ծառայություններից։

Մաղթում եմ Ձեզ հաճելի կիրակի։

Անրի Էմար

Բարև ձեզ։

Երկար ժամանակ փնտրում էի մի ընկերություն, որը էքսկուրսիոն ծառայություններ է մատուցում անհատների համար և հնարավորություն է տալիս պատվիրել առանձին էքսկուրսիաներ՝ միանալով խմբին։ Երբ գտա և պատվերը ձևակերպեցի, շատ կարճ ժամանակում արդեն ստացա պատվերի վերաբերյալ մանրամասն տեղեկություն։ Շնորհակալություն Լիլիթ Պետրոսյանին՝ իմ տուրը կազմելու հարցում օգնության և պրոֆեսիոնալիզմի համար։ Շատ հաճելի է, երբ շուկայում կան պրոֆեսիոնալներ, որոնք մեր հանգիստը դարձնում են հրաշալի։

Մեծ երախտագիտությամբ և հաճույքով եմ գրում այս կարծիքը։

Շնորհակալություն։