Հյուրերի կարծիքները

Բարև ձեզ, հարգելի ՀյուրՍերվիսի աշխատակիցներ։
Ես ու քույրս հանգստանում էինք Երևանում և օգտվում ձեր ծառայություններից։ Ցանկանում եմ հսկայական շնորհակալություն հայտնել բոլորիդ ձեր աշխատանքի, ձեր պրոֆեսիոնալիզմի, ձեր անշահախնդիր և անսահման օգնության համար !!! Բոլորիդ, բոլորիդ, բոլորիդ՝ անչափ շնորհակալություն։ Շնորհակալություն բոլոր էքսկուրսավարներին, վարորդներին և Նալբանդյան փողոցի 96 հասցեում գտնվող գրասենյակի աշխատակիցներին։
Առանձնահատուկ շնորհակալություն Լիլիթ Գևորգյանին։ Շատ ուրախ կլինենք ձեզ տեսնել Սոչիում։

Հարգանքով՝
Դրոֆիչևա Նադեժդա

Dear MARY MIRZAKHANIAN

Shenorhagalutyun ge haydnem polor hyur service team hadgabes maryin iren daratz 8 oreru ashkhadankin hachoghutyun polorin



Vicken apkarian

Արմինե՛, բարև։

Մի փոքր հեռվից նայելով և գլուխս լիքը հիշողություններով՝
եկել եմ ձեզ ողջունելու և շնորհակալություն հայտնելու ձեր բարության
և պրոֆեսիոնալիզմի համար, որ դրսևորել եք
մեր հանգստի կազմակերպման ընթացքում։

Սա՝ ամբողջ խմբի գոհունակությամբ։

Թույլ տվեք ընկերաբար գրկել ձեզ։

Բատշինյե,
Ժան-Պիեռ Միրջանյան

Հյուր Սերվիսի հարգելի աշխատակիցներ ;

Այս նամակով ցանկանում եմ մեկ առ մեկ շնորհակալություն հայտնել ձեզ ձեր ուշագրավ սպասարկման համար։
Մենք հրաշալի ժամանակ անցկացրինք ձեզ հետ շրջագայելով, շատ արժեքավոր տեղեկություններ ստացանք մեր Մայր Հայրենիքի և նրա հուշարձանների մասին, որոնք կփայփայենք մեր աչքերում, սրտերում և մտքերում։

ՄԵԾ ՇՆՈՐՀԱԿԱԼՈՒԹՅՈՒՆ,
Հարգանքներով՝

Վիրմա Սարկիսյան և Անժելա Բատաբեթյան
Բեյրութ, Լիբանան

Բարի օր։

Երեկ վերադարձա Հայաստանից՝ այս զարմանահրաշ երկրում 7 օր անցկացնելուց հետո։ Ուզում եմ անսահման շնորհակալություն հայտնել «Հյուր» ընկերությանը, որն իմ ամբողջ ճանապարհորդության ընթացքում ինձ «տանում էր» երկրի ամենագեղեցիկ վայրերը։ Հասցրի տեսնել լեռների գեղեցկությունը, գյուղերի անհավանական հմայքն ու եկեղեցիների մագնիսականությունը։ Այս ամենը չէր լինի, եթե չլինեին փորձառու վարորդներն ու յուրահատուկ էքսկուրսավարը։

Հատկապես ուզում եմ առանձնացնել մեր վարորդ Արթուր Հովսեփյանին։ Նա նուրբ հումորի զգացումով, արտահայտված կենսասիրությամբ ու հմայիչ ձայնով մարդ է։ Միշտ խոսում է ըստ էության, խոսակցության թեմայից ու բուն հարցից չշեղվելով։
Դավիթը՝ մեզ դիմավորողը, շատ խելացի, աշխույժ ու հետաքրքրված տղա է։ Նա միշտ լսում էր մեր կարծիքներն ու խնդրանքները, հաշվի էր առնում դրանք ու ուզում էր շտկել թերությունները։ Հարգանք, Դավիթ։

Բայց ուզում եմ խոստովանել մեր էքսկուրսավարի՝ Լիլյա Խաչատուրյանի հանդեպ իմ սերը (եթե ճիշտ եմ հիշել ազգանունը)։ Լիլյան հրաշագործ վարպետ ու պրոֆեսիոնալ էքսկուրսավար է։ Նա իր գործի մոլի սիրահարն է։ Իրոք վայելում է իր աշխատանքը և ամբողջությամբ նվիրվում դրան։ Այնքան տեղեկություն, որքան Լիլյան է մեզ փոխանցում, ես երբեք չեմ ստացել։ Որոշ պահերի ինձ թվում էր, թե նա ԱՄԵՆ ԻՆՉ գիտի))) Հանգստի պահերին (օրինակ՝ ճաշի ժամանակ) Լիլյան անձնական ինչ-որ պատմություններ էր պատմում, մենք քննարկում էինք պատմությունը, քաղաքականությունը, հարաբերությունները, նույնիսկ այլմոլորակայիններին։ Կրկին եմ ասում՝ Լիլյան ՄԱՐԴ է!!!!

Ես անսահման հարգում ու սիրում եմ նրան!!! Նրա շնորհիվ որոշեցի, որ մոտ ապագայում կվերադառնամ Հայաստան ու անպայման կայցելեմ Լեռնային Ղարաբաղ)
Նրա գիտելիքներն այնքան խորն են, որ տուն վերադառնալուց հետո, ամաչելով, որ պատմության մեջ որոշ մանրամասներ խառնել էի, սկսեցի գուգլել ու թարմ հիշողությամբ լուսանկարներիս տակ գրություններ ավելացնել))

Ցավոք, Լիլյայի կոնտակտները չմնացին ինձ մոտ, ուստի ամբողջ սրտով մաղթում եմ Ձեզ, Լիլյա, անսահման երջանկություն, որքան հնարավոր է շատ թոռներ, ստեղծագործական հաջողություններ ու հաջողություն։

Ես քեզ սիրում եմ, Հայաստան ջան, Լիլյա ջան!!!!

Սիրելի՛ Լիլիթ,

Ձեր ընկերության հետ շրջագայության ընթացքում մեր խումբը հրաշալի տպավորություններ ստացավ Հայաստանից։
Ընդունեք մեր անկեղծ շնորհակալությունը՝ ձեր պրոֆեսիոնալ և հոգատար սպասարկման համար։
Մենք ձեր ընկերությունը խորհուրդ կտանք մեր ընկերներին և սիրով կրկին կօգտվենք ձեր տուրերից, երբ ապագայում այցելենք Հայաստան։

Խնդրում ենք մեր շնորհակալությունը փոխանցել բանիմաց ու զրուցասեր էքսկուրսավար Խաչատուր Միրզոյանին և վարորդներ Լևոնին ու Խաչատուրին։

Խնդրում ենք մեր մեծագույն շնորհակալությունը փոխանցել նաև արշավի հրահանգչին (մոռացել եմ նրա անունը :-()՝ մեզ համբերատար և ապահով կերպով Արագածի հարավային գագաթն առաջնորդելու համար։ Արշավը շրջագայության անմոռանալի դրվագներից էր։ Այդ օրը, երբ շրջագայությունն ավարտվեց, ստիպված եղանք շտապ դուրս գալ մեքենայից և չհասցրինք պատշաճ կերպով շնորհակալություն հայտնել արշավի հրահանգչին։

Լավագույն մաղթանքներով՝
Անանյա

Հարգելի Մայա Պետրոսյան,

Խնդրում ենք ընդունել մեր շատ դրական արձագանքը ձեր շրջագայության հետ անցկացրած երկօրյա փորձառության վերաբերյալ։ Մեր էքսկուրսավար Նորան մեզ շատ մանրամասն ու մասնագիտական բացատրություններ տվեց, և սա Հայաստանի պատմության հիանալի ակնարկ էր։ Մեր առաջին վարորդն ու այսօր «Ռոբերտոն»(?) շատ լավ հոգ տարան մեր մասին, այդ թվում՝ ճաշի համար ընդմիջում կազմակերպելով։
Կրկին շատ շնորհակալություն։

Հարգանքով՝
Պասկալ Ժիրար

Հարգելի՛ Հյուր,

Ուզում էի պարզապես շնորհակալություն հայտնել ձեզ բոլորիդ՝ վերջին մի քանի շաբաթների ընթացքում, երբ այնտեղ էինք, կազմակերպած հրաշալի տուրերի համար։ Ռուբինայի, Լիլիթի և մյուսների շնորհիվ մեր ուղևորությունն այնքան հիշարժան դարձավ, և այստեղ էլ բոլորին կպատմենք դրա մասին։

Աստված օրհնի ձեզ,

Բարի օր։
Ուզում եմ անկեղծ շնորհակալություն հայտնել տուրիստական ընկերությանը՝ Հայաստանում էքսկուրսիաները կազմակերպելու համար։
Հատկապես երիտասարդ էքսկուրսավար Իրինա Մանուկյանին, որն իմ բոլոր (3) ճամփորդությունների ընթացքում ուղեկցել է ինձ՝ շատ բովանդակալից տեղեկություններով, հետաքրքիր փաստերով, լավ մշակված ռուսերեն խոսքով և զբոսաշրջիկների հանդեպ ջերմ հոգատարությամբ։
Շատ հաճելի է շփվել մարդու հետ, որը սիրում է իր աշխատանքն ու երկիրը։
Համակցված էքսկուրսիաներն այնքան էլ դուր չեկան, ամեն ինչում ավելի դժվար էր։

Սիրելի՛ Լիլիթ,

Շնորհակալություն Ձեր աշխատանքի համար։ Ուղևորությունը հիանալի էր, իսկ վարորդ Արտակը շատ լավ աշխատանք կատարեց։

Հարգանքներով՝
Իշտվան

Շատ շնորհակալություն ձեր մատուցած ծառայության համար․ 100%-ով արդյունավետ և հուսալի։ Շատ լավ կապ և բոլոր հարցերին արագ պատասխան։
Ձեր ընկերությունը մեծապես խորհուրդ ենք տալիս Հայաստանում ցանկացած այցի համար։

Շատ շնորհակալություն մատուցված ծառայության համար․ 100%-ով արդյունավետ և հուսալի։ Շատ լավ կապ և բոլոր հարցերին արագ պատասխան։
Ձեր ընկերությունը մեծապես խորհուրդ ենք տալիս Հայաստանում ցանկացած այցի համար։

Հարգելի Մերի և Յուր Սերվիսի բոլոր աշխատակիցներ!

Շնորհակալ եմ այս բոլոր օրերի աշխատանքի համար։
Դուք հիանալի ընկերություն եք։

Ամենայն բարիք ձեզ!!!!