Հյուրերի կարծիքները

Այս տուրիստական ընկերությունը գտա բոլորովին պատահաբար՝ Երևանում զբոսնելիս։ Եվ ոչ մի վայրկյան չեմ զղջացել։
Մասնակցել եմ դեպի Սևանա լիճ, Սևանավանք, Դիլիջան, Գոշավանք և Գովացինկ վանք էքսկուրսիային։ Հրաշալի բնապատկերներ։,Հիանալի էքսկուրսիա՝ մեր հրաշալի էքսկուրսավար Երվանդի շնորհիվ։ Շատ հետաքրքիր ու ուսանելի բաներ իմացա !
Առանձին շնորհակալություն մեր վարորդ Մավրիկին՝ իր պրոֆեսիոնալիզմի և այդքան դժվար ճանապարհին անվտանգ վարելու համար!!
Եվս մեկ անգամ՝ անչափ շնորհակալ եմ Ձեզ!!!
Հաջորդ այցիս անպայման կմասնակցեմ ձեր տուրիստական ընկերության էքսկուրսիային🌸

Ուզում եմ շնորհակալություն հայտնել վարորդ Նորիկին և էքսկուրսավար Տաթեին՝ դեպի Գառնիի տաճար և Գեղարդի վանք կազմակերպած հրաշալի էքսկուրսիայի ու լավաշ թխելու վարպետության դասի համար։ Էքսկուրսավարը շատ հետաքրքիր է պատմում՝ հանրագիտարանային գիտելիքներով։

Մեծ շնորհակալություն էքսկուրսավար Դավիդ Ասրատյանին և վարորդ Արմենին։ Մեր գիդ Դավիդը Երևանով էքսկուրսիան վերածեց թատերական ներկայացման, որի անմիջական մասնակիցներն էինք մենք։ Դավիդը հրաշալի գիտի պատմությունն ու քաղաքը, օժտված է մեծ էրուդիցիայով և արտիստիզմով, Երևանի ու Հայաստանի մասին պատմում էր հոգով ու սիրով, խորաթափանցորեն և գիտելիքով։ Քայլարշավն ու երթուղին օպտիմալ էին ընտրված․ հենց միկրոավտոբուսով ուղևորության և հին քաղաքով քայլարշավի այս համադրությունն է թույլ տալիս հիշել ու սիրահարվել Երևանին։ Առանձին նշենք, որ Դավիդը շեղվում էր իր պատմությունից և պատշաճ կերպով կատարում մեր բոլոր ցանկություններն ու խնդրանքները, նախատեսվածից ավելի շատ ժամանակ տրամադրեց, ինչը հյուրընկալության և պրոֆեսիոնալիզմի օրինակ է։ Բոլորին խորհուրդ ենք տալիս այցելել Երևան և որպես գիդ ընտրել Դավիդ Ասրատյանին։

Բարի օր։ Ձեր ընկերության զարմանալի սպասարկումն անմիջապես տպավորեց։ Շշալցված ջուրն ու թխվածքը՝ հաճելի պահեր։ Իր գործի իսկական պրոֆեսիոնալը՝ վարորդ Իոսիֆը։ Էքսկուրսավար Յարվանը իր ոլորտի պրոֆեսիոնալն է։ Տիրապետում է մեծ քանակությամբ տեղեկությունների։ Յուրաքանչյուր լրացուցիչ հարցին տալիս է լիարժեք ու սպառիչ պատասխան։ Լեզուների գերազանց իմացություն։ Կոմպետենտություն և հանդուրժողականություն։ Ապշեցուցիչ լեռնային բնապատկերներ։ Ամեն ինչ՝ ինչպես ես սիրում եմ։ Կիրճեր, վանքեր։ Նայում ես շուրջբոլորդ՝ 360 աստիճանով, ու հիանում բնությամբ և հնության հուշարձաններով։

Երբ առաջին անգամ գալիս ես որևէ երկիր, շատ կարևոր է, թե ինչպիսին կլինի առաջին տպավորությունը և ով կազդի դրա ձևավորման վրա։ Մեզ բախտը ժպտաց։ Առավոտյան ժամը 7-ին Հայաստան՝ մայրաքաղաք Երևան ժամանելով՝ մի փոքր տխրեցինք մութ փողոցներից, չաշխատող սրճարաններից ու սառնամանիքային մառախուղից։ Բայց արդեն ժամը 11-ին, երբ մեզ ժպիտով դիմավորեցին էքսկուրսավար Մանյան և միկրոավտոբուսի վարորդ Գեղամը, կյանքը մի փոքր ավելի ուրախ դարձավ։ Եվ չնկատեցինք, թե ինչպես անցավ 5 ժամ զրույցը։ Այնքան պրոֆեսիոնալ ու անկաշկանդ՝ պատմական փաստերը կյանքի պատմությունների հետ հերթագայելով՝ Մանյայից իմացանք Հայաստանի, Գեղարդի վանքի և Գառնիի տաճարի պատմությունը։ Նա նաև պատասխանեց մեր հազարավոր հարցերին՝ չնյարդայնանալով, երբ երբեմն ընդհատում էինք նրա պատմությունը։ Իսկ վերջում մեզ տարան մի շատ լավ ռեստորան, որտեղ փորձեցինք ազգային ուտեստներ, և այդ գաստրոնոմիական հաճույքը եզրափակեց օրը։
Եթե Հայաստանում լինեք, գտեք Մանյային՝ հաստատ ասում ենք, չեք փոշմանի!!!
Շնորհակալություն մեր ընկեր Ալեքսանդրին, որը մեզ նվիրեց այս հրաշալի էքսկուրսիան և ձեր մշտական հաճախորդն է։
Հարգանքով՝ Նատալյա և Ելենա
ք. Կրասնոյարսկ

Բարի օր։ Էքսկուրսիա էինք Խոր Վիրապի, Նորավանքի և Արենի գյուղի վանքեր։ Իրականությունն իմ բոլոր սպասելիքները գերազանցեց։ Չտխրեցինք նույնիսկ այն բանից հետո, երբ Խոր Վիրապի վանքի մոտ չտեսանք հզոր Արարատը։ Փոխարենը՝ ճանապարհին, լեռնանցքում, տեսանք նրան իր ողջ գեղեցկությամբ։ Վարորդ Լևոնը, ի դեպ, շատ պրոֆեսիոնալ վարորդ է, կանգնեց դիտահրապարակում, և հրաշալի լուսանկարներ ստացվեցին։ Նորավանք այցելությունը մեր ուղևորության ամենակարևոր իրադարձությունը կմնա։ Մեր կարծիքով՝ Հայաստանում թիվ մեկ վայրը։ Մենք մի փոքր փոխեցինք ծրագիրը՝ գինու գործարան այցելելու փոխարեն գնացինք Արենի գյուղի Սուրբ Աստվածածնի ամրոցը, որը կառուցել է նույն ճարտարապետը, ով մասնակցել է Նորավանքի կառուցմանը։ Լևոնը մեզ հասցրեց հենց եկեղեցու մոտ, մեզ համար դա իսկական բացահայտում էր։ Նաև տեսանք հին գերեզմանատունը։ Շատ գեղեցիկ է։ Այս եկեղեցին կարծես ինքն է լեռից դեպի երկինք աճում։ Իսկ ուղևորության եզրափակիչը Լևոնի առաջարկած ճաշն էր։ Լևոնին առանձին շնորհակալություն ճաշի և գինու համար։ Ամբողջ մնացած երեկո ձեզ առողջություն էինք մաղթում։ Շնորհակալություն Յուր Սերվիս ընկերությանը։ Մենք դեռ կվերադառնանք, Տաթևը դեռ չենք տեսել, բայց դա շտկելի է։

Յուր Սերվիս ընկերության մասին իմացել էի Հայաստան մեկնելուց շատ առաջ։ Միայն այս ծառայությունից օգտվելու բոլոր խորհուրդներն արդարացված էին։ Ճանապարհորդեցինք Հայաստանի հյուսիսում, երկօրյա տուր էինք վերցրել՝ Դիլիջանում գիշերակացով։ Առաջինը՝ շատ պրոֆեսիոնալ վարորդ Գրիգորն էր։ Նրա հետ մեզ անվտանգ էր լեռնային երկրի բավականին դժվար ճանապարհներով երթևեկելը։ Երկրորդը՝ Գրիգորը պատմում և ցույց էր տալիս տեսարժան վայրեր, որոնց մասին մենք չգիտեինք, հստակ կատարեց ծրագրի բոլոր պայմանները։ Պատասխանում էր մեր բոլոր հարցերին։ Երրորդը՝ օգնեց Դիլիջանում կացարան գտնել, այնպես ստացվեց, որ մեզ մերժեցին նախապես ամրագրած կացարանում՝ տեխնիկական պատճառներով։ Արդյունքում, եթե ուզում եք առավելագույնը ստանալ Հայաստանի ձեր ճանապարհորդությունից, ամեն ինչ տեսնել լավագույն կողմից, ճամփորդություն պատվիրեք Յուր Սերվիս ընկերությունից, չեք սխալվի, և վստահեք վարորդին․ նա իսկապես գիտի՝ ուր և ինչպես է ավելի լավ գնալ, և հավատացեք՝ ամեն ինչ կանի հնարավորինս լավ ճանապարհորդություն ունենալու համար։ Հնարավոր է՝ Գրիգորի շնորհիվ մենք ամբողջ սրտով սիրեցինք Հայաստանը, և հիմա ծրագրում ենք վերադառնալ։

Այդ օրը մենք էքսկուրսիայի մեկնեցինք Սևանա լիճ։ Շատ հաճելի ուղևորություն էր, ամեն ինչ կազմակերպված էր։ Էքսկուրսավար Ռոզան հրաշալի էր։ Նրա շնորհիվ մենք իմացանք Հայաստանի պատմության և ամենատարբեր հետաքրքիր փաստերի մասին, ինչպես նաև՝ թե որքան են հայերը սիրում, հարգում ու հպարտանում իրենց հայրենիքով։ Այս ամենը միշտ կմնա մեր հիշողության մեջ այս ազգի մասին։ Շնորհակալություն, Ռոզա, քո խոսքերը ոչ միայն հուզեցին ինձ մինչև արցունքները, այլև ստիպեցին մտածել իմ երկրի մասին։ Հաջողություն քեզ։ Դու մեր հանդիպած լավագույն էքսկուրսավարներից մեկն ես։

Շատ հավանեցի էքսկուրսիան։ Վարորդ Գրիգորը շատ բարի ու պատրաստակամ էր)

Շնորհակալություն Սևանա լիճ և Գոշավանք, Հաղարծին ու Սևանավանք վանքեր էքսկուրսիայի համար։
Հայաստանի պատմության մասին հրաշալի պատմությունն ու էքսկուրսավար Դավիդի և վարորդ Լևոնի հետ ընկերական զրույցը ճանապարհն ավելի հաճելի դարձրին և օգնեցին ավելի լավ հասկանալ այս հինավուրց ժողովրդին։
Հրաշալի մարդիկ են, ովքեր ամեն ինչ գիտեն իրենց սիրելի երկրի մասին, հաշվի են առնում բոլոր ցանկությունները։ Ուղևորությունը հարմարավետ էր և չհոգնեցրեց։
Անկեղծորեն շնորհակալություն եմ հայտնում նրանց՝ լավ անցկացրած ժամանակի համար։
Հրաշալի բնություն, եղյամ, անձրև, կանաչ խոտ, բլուրներ, շերտավոր դաշտեր, անթափանց մառախուղ, կիրճեր, անծայրածիր ջուր, ոսկե աշուն, լեռների բարձր, ձյունածածկ գագաթներ, հինավուրց ու անշարժ վանքեր, ոլորապտույտ ճանապարհներ, թունելներ ու օձագալար ճանապարհներ․ այս ամենն անհավանական արագությամբ փոխվում է և ուղեկցվում չափազանց հետաքրքիր զրույցով։
Հիանալի էքսկուրսիա։

Մեծ շնորհակալություն էքսկուրսավար Մանեին և վարորդ Մավրիկին՝ դեպի Գառնիի տաճար և Գեղարդի վանք հրաշալի ճամփորդության, հետաքրքիր պատմության և Հայաստանի պատմության խոր իմացության համար։

Հիանալի էքսկուրսիա Երևանում։ Էքսկուրսավարի (Լիանա) հետաքրքիր պատմությունը, պրոֆեսիոնալ վարորդը ( Մավրիկ)։