Հյուրերի կարծիքները

Շնորհակալություն իսկական պրոֆեսիոնալներ՝ գիդ Լիանային և վարորդ Նորիկին։ Այցելեցինք Գառնի, Գեղարդ և մասնակցեցինք վարպետության դասի։
Երախտագիտությունս եմ հայտնում և՛ ճանաչողական էքսկուրսիայի, և՛ անվտանգ ուղևորության համար, թեև ճանապարհը ամեն տեղ լավը չէր։

Ուզում եմ կարծիք գրել 8.04-ից մինչև 14.04.2023 թվականը Երևան կատարած մեր ուղևորության մասին։ Աշխատել ենք այս ընկերության հետ, 4 հոգու համար բնակարան ենք վարձել։ 4 սենյականոց բնակարանում մեզ ընդարձակ ու հարմարավետ էր (մեկ անձի հաշվով գինն ավելի ցածր էր, քան եթե հյուրանոցում 4 մեկտեղանոց համար վարձեինք), հյուրանոցը մեզ 25-30 հազար կարժենար, իսկ բնակարանը՝ մեկ անձի հաշվով 15 հազար։ Բնակարանը մաքրում էին աշխատակիցները, իսկ երբ դիմում էինք հեռուստացույցի կամ Wi-Fi-ի հետ կապված խնդիրների հարցով, աշխատակիցը կես ժամվա ընթացքում գալիս ու լուծում էր խնդիրը։ Բնակարանում նույնիսկ մեկ անգամ օգտվեցինք լվացքի մեքենայից։ Դեռ Մոսկվայում տրանսֆերի և երեք էքսկուրսիայի պատվեր էինք արել։ Մեզ հետ մշտապես աշխատում էր էքսկուրսավար Նինա Բալայանը, ուզում եմ նշել նրա պրոֆեսիոնալիզմը, բարեհամբույր լինելն ու զբոսաշրջիկին լսելու կարողությունը։ Մենք փորձեցինք կարգապահ էքսկուրսանտներ լինել։ Մեզ ցույց տվեցին Երևանը, խորհուրդ տվեցին սննդի կետեր, արծաթի մի խանութ, երկու թանգարան (Սարյանի և Փարաջանովի), շնորհակալ ենք բոլոր խորհուրդների համար, օգտվեցինք բոլորից։ Նինա, ևս մեկ անգամ շատ շնորհակալություն։ Մեզ հետ աշխատում էին հիանալի վարորդներ՝ Արթուր, Սպարտակ, Գոգոշիկ (մեքենայի համարանիշը՝ 303 ТТ 10), ամբողջ դժվարին ճանապարհին դեպի Տաթև և հետ՝ (2 լեռնանցքով ու անդադար անձրևի տակ) հիանում էինք, թե ինչպես էր Գոգոշիկը վարում մեքենան՝ հանգիստ, վստահ, չէր սրընթաց վարում, չէր նյարդայնանում, երբ խնդրում էինք մի փոքր հանգստանալ լեռնանցքների ոլորաններից հետո։ Եվս մեկ անգամ շատ շնորհակալություն ձեր կազմակերպության բոլոր աշխատակիցներին։ Եթե ինձ հարցնեն տուրիստական գործակալության մասին, միանշանակ ձեզ խորհուրդ կտամ։ Ալեքսանդրովա Մարգարիտա Ալեքսեևնա։

Շատ շնորհակալություն ապրիլի 5-ին և 6-ին անցկացրած երկու անմոռանալի էքսկուրսիոն օրերի համար։ Ապրիլի 5-ին Տիգրանի հետ տեսանք Արարատի վեհությունը, ինչպես նաև այլ զարմանալի վայրեր, իսկ ապրիլի 6-ին Գառնիկը ցույց տվեց Սևանի գեղեցկությունները։ Հիացած եմ ուղևորությամբ, էքսկուրսավարների պատմություններով, հրաշալի խոհանոցով, ինչպես նաև պայմաններով։ Ավտոբուսները շատ հարմարավետ են, առանձին շնորհակալություն նաև վարորդներին՝ զգուշավոր և անվտանգ վարելու համար։ Էքսկուրսիայից առաջ մի փոքր անհանգստություն կար, բայց այն անհիմն էր։ Շատ դրական հույզեր ստացա։ Կարող եմ վստահությամբ ասել, որ կազմակերպությունն անկասկած բարձր մակարդակի վրա է։ Շարունակե՛ք այդպես։ Ուրախ եմ, որ բախտ վիճակվեց հենց Ձեզ հետ ծանոթանալ Հայաստանին։ ))

Այս տուրիստական ընկերության մասին իմացա օդանավակայանում ինձ տված քաղաքի քարտեզ-բուկլետից, ինչի համար ի վերջո շատ ուրախ եղա։
Մարտի 30-ին՝ կեսօրին, որոշեցի օգտվել էքսկուրսիաներից, բայց հույսս մեծ չէր, քանի որ կես օր էր մնացել, իսկ հաջորդ օրն արդեն մեկնում էի։ Բայց Խանջյան 31 հասցեում գտնվող գրասենյակում ինձ դիմավորեց բարեհամբույր, գեղեցիկ մի աղջիկ և գրեթե անմիջապես կազմակերպեց իմ ուզած էքսկուրսիան։ 20 րոպե անց մենք երեքով (ես, Արամն ու Ավետը, քանի որ որևէ խումբ չկար) մեկնեցինք պատմամշակութային ճանապարհորդության։ Էքսկուրսիայի ողջ ընթացքում հսկայական քանակությամբ պատմական փաստեր իմացա և բազմաթիվ գեղատեսիլ վայրեր տեսա։ Շատ շնորհակալ եմ Արամին ու Ավետին այս էքսկուրսիայի համար։

Բարի օր։ Ցանկանում եմ հսկայական շնորհակալություն հայտնել Մանյային և Արայիկին անցկացրած էքսկուրսիայի համար։ Հսկայական հաճույք ստացանք։ Շատ նոր բաներ իմացանք։ Էքսկուրսավար Մանյայի պատմությունը շատ հետաքրքիր և բովանդակալից էր։ Իսկ լավաշն ուղղակի անզուգական էր։ Արայիկը հիանալի վարորդ է։ Շնորհակալություն։ Դուք հրաշալի եք!!!

Մարտին երկու էքսկուրսիայի ենք եղել՝ դեպի Գյումրի և այլն, ինչպես նաև դեպի Տաթև ու Շաքիի ջրվեժ։ Գերազանց կազմակերպում, հարմարավետ ավտոբուս, հիանալի վարորդներ։ Բայց հատկապես ուզում եմ նշել այս ուղևորությունների մեր էքսկուրսավար Երվանդին։ Շատ շփվող է, հիանալի պատմում էր այն վայրերի մասին, որտեղ եղել ենք, ուշադիր ու ընկերասեր է։ Էքսկուրսիաներն անցկացվում էին երկու լեզվով, բայց դա չէր ծանրաբեռնում։ Մնացին հաճելի հետհամ և տպավորությունների ծով։ Հսկայական շնորհակալություն կազմակերպիչներին։

Բարև Ձեզ։ Արդեն հինգ տարի է՝ ծանոթ եմ ձեր հրաշալի գործակալությանը։ Եվ այդ ծանոթության շնորհիվ տեսել եմ Հայաստանի բազմաթիվ տեսարժան վայրեր։
Մասնավորապես, 2018 թվականին այցելել եմ Սանահին և Հաղպատ վանքեր։) Այնքան էի տպավորվել այդ հրաշալի վայրերով, որ որոշեցի կրկին դիմել ձեզ՝ դրանք ևս մեկ անգամ տեսնելու համար։
Էքսկուրսիան կայացավ մարտի 16-ին։
Երևանում այդ օրը ամպամած էր ու անձրևոտ։
Փոխարենը Սանահինում և Հաղպատում մեզ սպասում էին հրաշալի արևոտ եղանակն ու թռչունների երգը։
Ուզում եմ շնորհակալություն հայտնել հրաշալի էքսկուրսավար Գոռին և ոչ պակաս հրաշալի վարորդ Նորիկին։
Գոռն իր գործի իսկական մասնագետ է, տիրապետում է պատմական խոր գիտելիքների և կարողանում է հեշտ ու հասկանալի ձևով կիսվել դրանցով շրջապատի հետ։
Նորիկի վարորդական վարպետության մասին, Հայաստանի լեռնային տեղանքների բարդ, իսկ որոշ հատվածներում նաև վտանգավոր ճանապարհային իրավիճակներում, կարելի է ժամերով խոսել։)

Առանձնահատուկ շնորհակալություն Գոռին և Նորիկին այն ջերմ, հոգեհարազատ մթնոլորտի համար, որում անցավ մեր հրաշալի էքսկուրսիան։

Վստահ եմ, որ սա ձեր հրաշալի գործակալությանը դիմելու իմ վերջին այցը չի լինի։
Չէ՞ որ դեռ շատ հետաքրքիր վայրեր կան, որոնք կուզենայի այցելել Հայաստանում՝ իմ հրաշալի պատմական հայրենիքում։

Հսկայական շնորհակալություն էքսկուրսիայի համար։ Շատ հետաքրքիր և ճանաչողական էր։ Վարորդ Սպարտակը իր գործի պրոֆեսիոնալն է։ Ճանապարհի ողջ ընթացքում շատ զգուշորեն և անվտանգ էր վարում։ Էքսկուրսավար Մանյան առանձին մեծ ՇՆՈՐՀԱԿԱԼՈՒԹՅԱՆ է արժանի!!! Նրա հետաքրքիր մեկնաբանություններն էքսկուրսիայի ընթացքում և սրամիտ հումորը գրավեցին բոլոր էքսկուրսանտներին։ Ձեր ընկերությունը խորհուրդ կտամ իմ ընկերներին։

Մարտի 8-ին միացանք խմբային էքսկուրսիայի դեպի Խոր Վիրապի վանք, Ազատի ջրամբարի դիտակետ, Գառնիի տաճար, Գեղարդի վանք և լավաշ թխելու վարպետաց դաս ..

Էքսկուրսիան հրաշալի էր..
Մեր ուղեկցորդուհի միսս Ռոուզը .. Նա այնքան բարի, ուշադիր ու շատ անկեղծ էր.. ամեն ինչ շատ լավ էր բացատրում ..Հարմարավետ տրանսպորտ և լավ ճաշ.. շնորհակալություն Հյուր ❤️

Մենք տուրիստական գործակալության հետ երկու էքսկուրսիայի ենք մասնակցել, շրջել ենք գրեթե ամբողջ երկրով։ Հսկայական շնորհակալություն մեր վարորդ Գրիգորին՝ բարձր պրոֆեսիոնալիզմի, ճանապարհորդության հարմարավետ պայմանների և տեղական ուտեստների վերաբերյալ խորհուրդների համար։ Շատ գոհ մնացինք, ուրախ կլինենք հաջորդ անգամ օգտվել ձեր ծառայություններից և խորհուրդ տալ մեր ընկերներին։

Մենք հենց նոր վերադարձանք Գառնի և Գեղարդ հրաշալի ուղևորությունից։
Մեր վարորդը՝ պարոն Արթուրը, չափազանց բարի և ընկերասեր էր։
Մեզ շատ ապահով էինք զգում։ Մեքենան մաքուր և հարմարավետ էր, և ավելի լավ սպասարկում չէինք էլ կարող ցանկանալ։

Անպայման գնացեք !!!!!!

28.02.23-ին էքսկուրսիայի էինք Խոր Վիրապ, Թռչունների քարանձավ, Նորավանք։ Մեզ ուղեկցում էին էքսկուրսավարը՝ Տիգրանը, և ավտոբուսի վարորդը՝ Իոսիֆը։ Խումբը խառը էր, էքսկուրսավարը ազատ խոսում էր ռուսերեն և անգլերեն, ընդ որում՝ դա բոլորովին չէր խանգարում էքսկուրսիայի ընթացքում։ Հսկայական շնորհակալություն Արարատյան դաշտավայրով այս ճանաչողական և շատ հետաքրքիր ճանապարհորդության համար՝ Հայաստանի արտասովոր տեսարաններով ու հնագույն սրբավայրերով։ Մեզ ամեն ինչ դուր եկավ, և ձեր տուրիստական ընկերությունը խորհուրդ կտանք մեր ընկերներին ու ծանոթներին։