Խմբային էքսկուրսիա. Սևանա լիճ, Սևանավանք, Նավով շրջայց Սևանա լճում, հանգստի ժամանակ
Սևանա լիճ, Սևանավանք, Նավով շրջայց Սևանա լճում
1. Սևանա լիճ
110-120 րոպե
Այսօր, 1400 քառակուսի կիլոմետր տարածք ունեցող Սևանը իր խորքում պահում է դարերի լռությունը։ Նրա ջրերը սնվում են 28 գետերից և միայն Հրազդանն է տանում դրանք հեռուն՝ ասես հսկելով լճի հարստությունը։ Մինչև 3000 մետր բարձրացող լեռները կազմել են նրա լուռ շրջանակը, իսկ բյուրեղյա ջուրը փոխում է իր գույնը՝ երկնագույնից մինչև մուգ սափիր, արտացոլելով երկնքի տրամադրությունը։ Արշալույսին Սևանը ոսկեգույն է, մայրամուտին՝ կարմիր ու մանուշակագույն՝ դառնալով կենդանի հայելի երկնքի համար։
Հնագույն ժամանակներից լիճը սուրբ է համարվել: Նրա ափերին բարձրացվել են աղոթքներ, կատարվել են ծեսեր, և նրանից խնդրել են պաշտպանություն ու օրհնություն։ Սևանի մաքուր խորքում կարծես ապրում է Հայաստանի հոգին՝ հպարտ, մաքուր և հավերժական։ Բավական է ականջ դնել ալիքների մեղմ շառաչին, և թվում է՝ լսում ես հնագույն մի ձայն, որ պատմում է երկրի մասին, որտեղ ջուրն ու երկինքը հավերժ կապված են սիրով։
2. Սևանավանք
50-60 րոպե
Անսահման կապույտ երկնքի և Սևանի փիրուզագույն ջրերի ֆոնին Սուրբ Առաքելոց և Սուրբ Աստվածածին եկեղեցիները կարծես կախված լինեն երկնքի ու երկրի միջև: Նրանց քարե պատերը հիշում են դարավոր աղոթքներ, քամիների շշունջ և շրերի վրայով տարաված զանգերի ղողանջ: Դարեր շարունակ վանքը եղել է ոչ միայն աղոթքի վայր, այլև բերդ, որը պաշտպանել է թերակղզին թշնամու հարձակումներից։ Լեգենդները պատմում են թանկարժեք ձեռագրերի և սրբությունների մասին, որոնք թաքցված են եղել վանքի պատերի մեջ ու փրկվել են նրան աղետներից։
Այսօր, կանգնելով թերակղզու գագաթին, կարելի է տեսնել, թե ինչպես է լույսը խաղում լճի ալիքների վրա, իսկ հեռավոր լեռները գրկում են այս վեհաշուք տեսարանը։ Սևանավանքը մնում է Հայաստանի ամենահայտնի խորհրդանիշներից մեկը՝ վայր, որտեղ բնության հմայքն ու հոգևոր ժառանգության վեհությունը միաձուլվում են մեկ ամբողջության մեջ։
3. Նավով շրջայց Սևանա լճում
30-40 րոպե
Սևանի նավակային զբոսանքը բացում է յուրահատուկ աշխարհ: Ջրի վրայից լիճը բացահայտվում է լրիվ այլ կերպ՝ ավելի խորը և խորհրդավոր։ Մեղմ քամին, արևի շողերի փայլը և նավակի հանգիստ ճոճանքը ստեղծում են խաղաղության ու ազատության մթնոլորտ։
Այն հրաշալի հնարավորություն է ոչ միայն վայելելու բնության գեղեցկությունը, այլև ճանաչելու Սևանի հարուստ էկոհամակարգը, որտեղ ապրում են հազվագյուտ ձկներ և ջրային թռչուններ։ Եղանակից կախված՝ Սևանը երբեմն հանգիստ է՝ ինչպես ապակի, երբեմն էլ խաղով լի՝ իր փափուկ ալիքներով, որոնք զբոսանքը դարձնում են ավելի կենդանի։ Յուրաքանչյուր զբոսանք վերածվում է փոքրիկ հիշարժան փորձառության, որը երկար մնում է հիշողության մեջ։
👉 Նավով շրջայցի կազմակերպումը կախված է եղանակային պայմաններից:
Ներառված է
-
Փորձառու էքսկուրսավար՝ ԱՆԳԼ + ՌՈՒՍ հաջորդաբար
-
Օդորակիչով մեքենաներ
-
Շշալցված ջուր և թխվածքներ
-
Մուտքի տոմսեր
-
Wi-Fi տրանսպորտում
-
Տրանսպորտային միջոցի և ուղևորների ապահովագրություն
Ներառված չէ
-
Ճաշի համար կանգառ
-
Փոխադրում հյուրանոց (վերջնակետը՝ մեր գրասենյակ)
Առանձնահատկություններ
- Այցելեք պատմական վանք՝ Սևանա լճի համայնապատկերով
- Վայելեք գեղատեսիլ նավարկություն Հայաստանի ամենամեծ լճով
- Ըմբոշխնեք լճի ափի հանգիստ միջավայրը
- Զգացեք Հայաստանի ժառանգությունը ցնցող տեսարաններում
Հաճախ տրվող հարցեր
Արդյո՞ք լինելու է ոտքով անցնելու մեծ ճանապարհ:
Որքա՞ն ազատ ժամանակ ես կունենամ Սևանա լճի մոտ:
Ի՞նչ հատուկ իրեր պետք է ինձ հետ վերցնեմ էքսկուրսիա մեկնելիս:
Կարո՞ղ եմ ռեստորանում ճաշի համար քարտով վճարել:
Քանի՞ հոգուց է բաղկացած լինում այս էքսկուրսիայի խումբը:
Արդյո՞ք այս էքսկուրսիայի համար կան հագուստի հետ կապված պահանջներ կամ խորհուրդներ։
Ամրագրման պայմաններ
Չեղարկում և փոփոխում
Ծանոթացեք մեր էքսկուրսավարների հետ
Արմինե Ջուլհակյան
Բարև։ Ես Արմինեն եմ՝ Հայաստանում Ձեր էքսկուրսավարը։ Ինձ հետ Դուք կբացահայտեք ոչ միայն հայտնի տեսարժան վայրերը, այլև իմ երկրի թաքնված գոհարները։
Արփինե Խալաթյան
Անունս Արփի է։ 2015թ.-ից սկսած աշխատում եմ որպես զբոսավար, ազատ տիրապետում եմ անգլերեն և ռուսերեն լեզուներին, ինչպես նաև ունեմ հարուստ գիտելիքներ՝ պատմության ու մշակույթի ոլորտներում: Անցկացնում եմ հետաքրքիր և ճանաչողական էքսկուրսիաներ, որոնց ընթացքում Դուք կբացահայտեք Հայաստանը և կզգաք նրա անզուգական ռիթմերը։
Դավիթ Հասրաթյան
Ես Դավիթն եմ՝ պատմության ուսուցիչ, սկսնակ դերասան և 2010թ.-ից՝ էքսկուրսավար «Հյուր սերվիս» ընկերությունում։ Սիրում եմ իմ երկիրը և փորձում եմ, որ իմ կողմից անցկացվող յուրաքանչյուր էքսկուրսիա, զբոսաշրջիկների մոտ թողնի անմոռանալի տպավորություններ և ցանկություն՝ կրկին ու կրկին վերադառնալու Հայասատան։
Կարեն Խաչատրյան
Սիրելի ընկերներ, անունս Կարեն է, և ես Ձեր էքսկուրսավարն եմ մեր հրաշք Հայաստանում։ Տարիների փորձը թույլ է տալիս ինձ կազմակերպել հագեցած էքսկուրսիաներ երկրի ամենահայտնի և հետաքրքիր վայրերով։ Ես կյանքի եմ կոչում պատմությունը, սաղմոսներ եմ երգում հնագույն եկեղեցիներում և պատմում տպավորիչ լեգենդներ՝ Ձեր ճանապարհորդությունը դարձնելով անմոռանալի։ Ինձ հետ Ձեզ սպասվում է ապահով, ճանաչողական և վառ ուղևորություն։
Ձեզ կարող է հետաքրքրել նաև՝
3 կարծիք
