Խմբային էքսկուրսիա. Ամբերդ, Արագած լեռ, Քարի լիճ, Չրերի արտադրություն, Սաղմոսավանք, Այբուբենի հուշարձան
Ամբերդի ամրոց, Արագած լեռ, Քարի լիճ, Հայկական չրերի արտադրություն և համտես, Ճաշի համար կանգառ, Սաղմոսավանք, Հայոց այբուբենի հուշարձան
1. Ամբերդ ամրոց
50-60 րոպե
Միջնադարյան Հայաստանի ամրոցաշինության սկզբունքային գծերն իրենց վառ արտահայտումն են գտել Ամբերդ ամրոցում: Կառուցված լինելով բնականորեն լավ պաշտպանված բարձունքի վրա` Ամբերդը երկար ժամանակ ծառայել է որպես ռազմական կարևոր հենակետ: Աշխարհիկ նշանակություն ունեցող այս ամրոցի բաղկացուցիչ մասն է հանդիսանում 1026թ.-ին Վահրամ Պահլավունու կողմից կառուցված եկեղեցին:
2. Արագած լեռ
5-10 րոպե
Հայաստանի Հանրապետության ամենաբարձր կետն Արագած լեռն է (4090 մ): Քառագագաթ այս լեռն ամենասիրվածն է լեռնագնացների կողմից և ամեն տարի դեպի իր բարձունքներն է գրավում բազմաթիվ արկածասերների: Հարավային գագաթ տանող ճանապարհի լավագույն հանգրվանը Քարի լիճն է, որը գտնվում է 3250 մ բարձրության վրա: Ամենավերևից բացվում է աչք դյութող տեսարան. մի կողմից՝ ուրվագծվում են կանաչ հովիտները, կողքից սպիտակին է տալիս հավերժական ձյունը, մեկ այլ տեղում՝ արծաթազօծվում են Արագածի բազմաթիվ մեծ ու փոքր լճերը, իսկ հեռու մշուշում՝ Արարատյան դաշտի եզրին, վեր է հառնում Բիբլիական Արարատը:
3. Քարի լիճ
20-25 րոպե
Արագած լեռան 3250 մ բարձրության վրա է գտնվում Քարի լիճը: Սառցե գոյակցություններից առաջացած այս լիճը մեծ համբավ ունի հատկապես լեռնագնացների մոտ: Գրեթե ամբողջ տարին լիճը շրջապատված է ձնով, ինչի պատճառով էլ լճի ջուրը չափազանց սառն է:
Հայկական չրերի արտադրություն և համտես: Ճաշի համար կանգառ
60-80 րոպե
Հայաստանում արևային օրերի քանակը տարեկան 300-ից ավելի է, ինչը մեր երկիրը հիասքանչ վայր է դարձնում բազմատեսակ մրգեր մշակելու համար: Այցելուներին բազմաթիվ համային անակնկալներ են սպասվում՝ մրգերի ու բանջարեղենների անհավանական համադրություններով: Այստեղ կարելի է համտեսել տարատեսակ չրեր, մասնակցել բերքահավաքի, զբոսնել այգիներով:
Ըստ նախընտրության՝ ճաշ տեղական ավանդական ռեստորանում՝ սեփական միջոցների հաշվին: Ընտրության 3 տարբերակ է առաջարկվում.
Տարբերակ 1 (բուսակերների համար)՝ անձը 3500 AMD
Տարբերակ 2՝ անձը 3900 AMD
Տարբերակ 3՝ անձը 4500 AMD
Ըստ նախընտրության՝ ճաշ տեղական ավանդական ռեստորանում՝ սեփական միջոցների հաշվին: Ընտրության 3 տարբերակ է առաջարկվում.
Տարբերակ 1 (բուսակերների համար)՝ անձը 3500 AMD
Տարբերակ 2՝ անձը 3900 AMD
Տարբերակ 3՝ անձը 4500 AMD
4. Սաղմոսավանք
30-40 րոպե
Հովհաննավանքից 5 կմ հեռավորության վրա, Քասաղի կիրճին նայող բարձունքին, 13-րդ դարում Վաչուտյան իշխանները կառուցել են Սաղմոսավանքը: Գլխավոր եկեղեցուն կից է վանական գրատունը, որտեղ տարիներ շարունակ գրվել ու նկարազարդվել են բազմաթիվ մագաղաթներ: Սաղմոսավանքը զգալիորեն տուժեց 1988թ.-ի ուժեղ երկրաշարժից: Սակայն 2000թ.-ին ավարտված վերականգնողական աշխատանքները համալիրին վերադարձրին նախկին փայլն ու շքեղությունը:
5. Հայոց այբուբենի հուշարձան
10-20 րոպե
Հայոց այբուբենի հուշարձանը գտնվում է Արտաշավան գյուղում՝ Արագած լեռան արևելյան լանջին: Այն կառուցվել է 2005թ.-ին հայոց գրերի ստեղծման 1600 ամյակի առթիվ` հայտնի ճարտարապետ Ջիմ Թորոսյանի նախագծով: Հուշարձանն իրենից ներկայացնում է հայոց այբուբենի 39 զարդաքանդակ տառերը: Հայոց գրերը ստեղծվել են 405-406թթ.-ին և մինչ օրս օգտագործվում են հայոց լեզուն գրավոր ներկայացնելու համար: Հայոց այբուբենը մշակվել է լեզվաբան և եկեղեցական առաջնորդ Մեսրոպ Մաշտոցի կողմից՝ Աստվածաշունչը հայերին հասանելի դարձնելու և քրիստոնեությունը տարածելու նպատակով: Մաշտոցյան այբուբենն ի սկզբանե բաղկացած էր 36 տառից, հետագայում՝ Միջին Դարերում, այն ամբողջացվեց:
Ներառված է
- Փորձառու էքսկուրսավար՝ ԱՆԳԼ + ՌՈՒՍ հաջորդաբար
- Օդորակիչով մեքենաներ
- Շշալցված ջուր և թխվածքներ
- Մուտքի տոմսեր
- Wi-Fi տրանսպորտում
- Տրանսպորտային միջոցի և ուղևորների ապահովագրություն
Ներառված չէ
- Ճաշի արժեքը (10.34 USD – 12.99 USD)
- Փոխադրում հյուրանոց (վերջնակետը՝ մեր գրասենյակ)
Առանձնահատկություններ
- Հիացեք միջնադարյան ճարտարապետությամբ
- Ուսումնասիրեք Հայաստանի ամենաբարձր գագաթը
- Վայելեք ներդաշնակությունը բնության գրկում
- Բացահայտեք հայկական ավանդական քաղցրավենիքի գաղտնիքները
Հաճախ տրվող հարցեր
Արդյո՞ք այս էքսկուրսիայի համար կան որևէ սահմանափակումներ:
Այո, այս էքսկուրսիան խորհուրդ ՉԻ տրվում բարձր ճնշում ունեցող մարդկանց:
Արդյո՞ք լինելու է ոտքով անցնելու տարածություն:
Պատրաստ եղեք դեպի Ամբերդ ~200 մ զբոսանքի՝ լիովին վայելելու տեղանքի գեղեցկությունն ու պատմությունը:
Արդյո՞ք ես հնարավորություն կունենամ տեսնելու Արագածի գրավիտացիոն հայտնի անոմալիան։
Այո, էքսկուրսիայի ընթացքում Դուք հնարավորություն կունենաք ինքներդ տեսնելու Արագածի գրավիտացիոն հայտնի անոմալիան, որը պայմանավորված է վերջինիս հրաբխային կառուցվածքով, բարձր տեղակայվածությամբ և լեռան յուրահատուկ երկրաբանական կազմով:
Հնարավոր կլինի՞ Քարի լճում լողալ:
Քարի լճում լողալը ներառված չէ ժամանակացույցի մեջ, բացի այդ էլ ջուրը սովորաբար չափազանց սառն է:
Կարո՞ղ եմ ռեստորանում ճաշի համար քարտով վճարել:
Անպայման Ձեզ հետ վերցրեք կանխիկ հայկական դրամ. հնարավոր է՝ ճաշի համար քարտով վճարում կատարելու հնարավորություն չլինի:
Քանի՞ հոգուց է բաղկացած լինում այս էքսկուրսիայի խումբը:
Խմբի մասնակիցների թիվը տարբեր է լինում՝ հիմնականում կազմելով մինչև 18 հոգի:
Արդյո՞ք այս էքսկուրսիայի համար կան հագուստի հետ կապված պահանջներ կամ խորհուրդներ։
Խորհուրդ ենք տալիս կրել հարմարավետ սպորտային կոշիկներ և եղանակին համապատասխան հագուստ: Նաև ցանկալի է՝ բաճկոն կամ վերարկու վերցնեք Ձեզ հետ, քանի որ մարզերում ջերմաստիճանը հաճախ ավելի ցածր է, քան Երևանում: Եկեղեցիներ և վանքեր այցելելիս կանայք պետք է համեստ հագուստ կրեն:
Ամրագրման պայմաններ
Չեղարկում և փոփոխում
Ձեզ կարող է հետաքրքրել նաև՝
367 կարծիք
