Հյուրերի կարծիքները

Բարի օր։

Երեկ վերադարձա Հայաստանից՝ այս զարմանահրաշ երկրում 7 օր անցկացնելուց հետո։ Ուզում եմ անսահման շնորհակալություն հայտնել «Հյուր» ընկերությանը, որն իմ ամբողջ ճանապարհորդության ընթացքում ինձ «տանում էր» երկրի ամենագեղեցիկ վայրերը։ Հասցրի տեսնել լեռների գեղեցկությունը, գյուղերի անհավանական հմայքն ու եկեղեցիների մագնիսականությունը։ Այս ամենը չէր լինի, եթե չլինեին փորձառու վարորդներն ու յուրահատուկ էքսկուրսավարը։

Հատկապես ուզում եմ առանձնացնել մեր վարորդ Արթուր Հովսեփյանին։ Նա նուրբ հումորի զգացումով, արտահայտված կենսասիրությամբ ու հմայիչ ձայնով մարդ է։ Միշտ խոսում է ըստ էության, խոսակցության թեմայից ու բուն հարցից չշեղվելով։
Դավիթը՝ մեզ դիմավորողը, շատ խելացի, աշխույժ ու հետաքրքրված տղա է։ Նա միշտ լսում էր մեր կարծիքներն ու խնդրանքները, հաշվի էր առնում դրանք ու ուզում էր շտկել թերությունները։ Հարգանք, Դավիթ։

Բայց ուզում եմ խոստովանել մեր էքսկուրսավարի՝ Լիլյա Խաչատուրյանի հանդեպ իմ սերը (եթե ճիշտ եմ հիշել ազգանունը)։ Լիլյան հրաշագործ վարպետ ու պրոֆեսիոնալ էքսկուրսավար է։ Նա իր գործի մոլի սիրահարն է։ Իրոք վայելում է իր աշխատանքը և ամբողջությամբ նվիրվում դրան։ Այնքան տեղեկություն, որքան Լիլյան է մեզ փոխանցում, ես երբեք չեմ ստացել։ Որոշ պահերի ինձ թվում էր, թե նա ԱՄԵՆ ԻՆՉ գիտի))) Հանգստի պահերին (օրինակ՝ ճաշի ժամանակ) Լիլյան անձնական ինչ-որ պատմություններ էր պատմում, մենք քննարկում էինք պատմությունը, քաղաքականությունը, հարաբերությունները, նույնիսկ այլմոլորակայիններին։ Կրկին եմ ասում՝ Լիլյան ՄԱՐԴ է!!!!

Ես անսահման հարգում ու սիրում եմ նրան!!! Նրա շնորհիվ որոշեցի, որ մոտ ապագայում կվերադառնամ Հայաստան ու անպայման կայցելեմ Լեռնային Ղարաբաղ)
Նրա գիտելիքներն այնքան խորն են, որ տուն վերադառնալուց հետո, ամաչելով, որ պատմության մեջ որոշ մանրամասներ խառնել էի, սկսեցի գուգլել ու թարմ հիշողությամբ լուսանկարներիս տակ գրություններ ավելացնել))

Ցավոք, Լիլյայի կոնտակտները չմնացին ինձ մոտ, ուստի ամբողջ սրտով մաղթում եմ Ձեզ, Լիլյա, անսահման երջանկություն, որքան հնարավոր է շատ թոռներ, ստեղծագործական հաջողություններ ու հաջողություն։

Ես քեզ սիրում եմ, Հայաստան ջան, Լիլյա ջան!!!!

Սիրելի՛ Լիլիթ,

Ձեր ընկերության հետ շրջագայության ընթացքում մեր խումբը հրաշալի տպավորություններ ստացավ Հայաստանից։
Ընդունեք մեր անկեղծ շնորհակալությունը՝ ձեր պրոֆեսիոնալ և հոգատար սպասարկման համար։
Մենք ձեր ընկերությունը խորհուրդ կտանք մեր ընկերներին և սիրով կրկին կօգտվենք ձեր տուրերից, երբ ապագայում այցելենք Հայաստան։

Խնդրում ենք մեր շնորհակալությունը փոխանցել բանիմաց ու զրուցասեր էքսկուրսավար Խաչատուր Միրզոյանին և վարորդներ Լևոնին ու Խաչատուրին։

Խնդրում ենք մեր մեծագույն շնորհակալությունը փոխանցել նաև արշավի հրահանգչին (մոռացել եմ նրա անունը :-()՝ մեզ համբերատար և ապահով կերպով Արագածի հարավային գագաթն առաջնորդելու համար։ Արշավը շրջագայության անմոռանալի դրվագներից էր։ Այդ օրը, երբ շրջագայությունն ավարտվեց, ստիպված եղանք շտապ դուրս գալ մեքենայից և չհասցրինք պատշաճ կերպով շնորհակալություն հայտնել արշավի հրահանգչին։

Լավագույն մաղթանքներով՝
Անանյա

Հարգելի Մայա Պետրոսյան,

Խնդրում ենք ընդունել մեր շատ դրական արձագանքը ձեր շրջագայության հետ անցկացրած երկօրյա փորձառության վերաբերյալ։ Մեր էքսկուրսավար Նորան մեզ շատ մանրամասն ու մասնագիտական բացատրություններ տվեց, և սա Հայաստանի պատմության հիանալի ակնարկ էր։ Մեր առաջին վարորդն ու այսօր «Ռոբերտոն»(?) շատ լավ հոգ տարան մեր մասին, այդ թվում՝ ճաշի համար ընդմիջում կազմակերպելով։
Կրկին շատ շնորհակալություն։

Հարգանքով՝
Պասկալ Ժիրար

Հարգելի՛ Հյուր,

Ուզում էի պարզապես շնորհակալություն հայտնել ձեզ բոլորիդ՝ վերջին մի քանի շաբաթների ընթացքում, երբ այնտեղ էինք, կազմակերպած հրաշալի տուրերի համար։ Ռուբինայի, Լիլիթի և մյուսների շնորհիվ մեր ուղևորությունն այնքան հիշարժան դարձավ, և այստեղ էլ բոլորին կպատմենք դրա մասին։

Աստված օրհնի ձեզ,

Բարի օր։
Ուզում եմ անկեղծ շնորհակալություն հայտնել տուրիստական ընկերությանը՝ Հայաստանում էքսկուրսիաները կազմակերպելու համար։
Հատկապես երիտասարդ էքսկուրսավար Իրինա Մանուկյանին, որն իմ բոլոր (3) ճամփորդությունների ընթացքում ուղեկցել է ինձ՝ շատ բովանդակալից տեղեկություններով, հետաքրքիր փաստերով, լավ մշակված ռուսերեն խոսքով և զբոսաշրջիկների հանդեպ ջերմ հոգատարությամբ։
Շատ հաճելի է շփվել մարդու հետ, որը սիրում է իր աշխատանքն ու երկիրը։
Համակցված էքսկուրսիաներն այնքան էլ դուր չեկան, ամեն ինչում ավելի դժվար էր։

Սիրելի՛ Լիլիթ,

Շնորհակալություն Ձեր աշխատանքի համար։ Ուղևորությունը հիանալի էր, իսկ վարորդ Արտակը շատ լավ աշխատանք կատարեց։

Հարգանքներով՝
Իշտվան

Շատ շնորհակալություն ձեր մատուցած ծառայության համար․ 100%-ով արդյունավետ և հուսալի։ Շատ լավ կապ և բոլոր հարցերին արագ պատասխան։
Ձեր ընկերությունը մեծապես խորհուրդ ենք տալիս Հայաստանում ցանկացած այցի համար։

Շատ շնորհակալություն մատուցված ծառայության համար․ 100%-ով արդյունավետ և հուսալի։ Շատ լավ կապ և բոլոր հարցերին արագ պատասխան։
Ձեր ընկերությունը մեծապես խորհուրդ ենք տալիս Հայաստանում ցանկացած այցի համար։

Հարգելի Մերի և Յուր Սերվիսի բոլոր աշխատակիցներ!

Շնորհակալ եմ այս բոլոր օրերի աշխատանքի համար։
Դուք հիանալի ընկերություն եք։

Ամենայն բարիք ձեզ!!!!

Բարի օր։

Կցանկանայի շնորհակալություն հայտնել մեր գիդ Իրինա Մանուկյանին՝ այն վայրերի մասին մանրամասն և հետաքրքիր պատմելու համար, որոնցով անցնում էինք։ Կցանկանայի նաև առանձին շնորհակալություն հայտնել մեր վարորդ Լևոնին՝ թեթև ու հարմարավետ ուղևորության և հիանալի հումորի զգացման համար։ Ուզում եմ խորհուրդ տալ ռուսախոս զբոսաշրջիկներին։

Անմիջապես ճշտեք, թե ինչպիսի խումբ է լինելու ձեզ մոտ։ Եթե խումբը խառը՝ ռուսախոս ու անգլախոս է լինելու, խորհուրդ չեմ տալիս մեկնել։
Հարգելի կազմակերպիչներ, եթե երկու խումբ եք միավորում, մեծ խնդրանք է՝ երկու խմբի համար երկու գիդ տրամադրել։ Ծրագրում ենք կրկին այցելել Հայաստան և օգտվել ձեր ծառայություններից։

Հարգելի՛ "Հյուր Սերվիս", հայտնում ենք մեր շնորհակալությունը Ձեր բարձրակարգ սպասարկման և հմուտ վարորդ Ասքանազին բարյացակամ վերաբերմունքի համար

2015 թվականի ապրիլի 12-ից 19-ը Հայաստանում էի։

Հսկայական շնորհակալություն Հայաստանում հանգիստը կազմակերպելու համար։ Հատուկ շնորհակալություն եմ ուզում հայտնել գիդ Գոռին և վարորդ Օվսեփին՝ մեզ՝ զբոսաշրջիկներիս, պարզապես զբոսաշրջիկներից ավելին համարելու վերաբերմունքի համար։ Անպայման նորից կգամ։

Սիրելի Արմինե (Հարությունյան)

Ֆրանսիա վերադառնալուց հետո ես ու կինս դեռ մտածում և վերհիշում ենք Հայաստանում անցկացրած մեր հանգիստը։ Պետք է շնորհավորեմ և շնորհակալություն հայտնեմ ձեզ՝ ձեր խորհուրդների ու պրոֆեսիոնալիզմի, մեր հանգիստը կազմակերպելու և այն հաճելի ու ավելին քան գոհացուցիչ դարձնելու համար։

Անշուշտ, շատ ենք հավանել տարբեր էքսկուրսիաների ընթացքում մեզ ուղեկցած վարորդներին ու զբոսավարներին, որոնք նույնպես բարձրակարգ էին։

Անշուշտ, կրկին կդիմեմ ձեզ՝ Հայաստան կատարելիք հաջորդ ուղևորության համար։

Կրկին շնորհակալություն ձեզ և ձեր Հյուր Սերվիս թիմին։
Հարութ