Հյուրերի կարծիքները

Ցանկանում ենք սրտանց շնորհակալություն հայտնել «Հյուր Սերվիսին» հրաշալի հանգստի և Հայաստանից ստացած դրական տպավորությունների համար։

Մեր ուղևորությունը նախատեսված էր կարճատև, արևոտ Հայաստանի հետ առաջին ծանոթության համար (ի դեպ, մեզ համար այն իսկապես արևոտ էր բոլոր 5 օրերին :-)!

Ցանկանում էինք գտնել պրոֆեսիոնալ գիդի, որպեսզի կարճ ժամանակում հասցնեինք հնարավորինս շատ բան տեսնել ու իմանալ։ Կարդացել էինք բազմաթիվ տեղեկություններ ու կարծիքներ ընկերությունների, գիդերի և վարորդների մասին։ Ի վերջո ընտրեցինք «Հյուր Սերվիսը» նաև այն պատճառով, որ միմյանց անծանոթ ընկերներն ու գործընկերները միաբերան խորհուրդ էին տալիս դիմել Ձեր ընկերությանը։

Եվ չզղջացինք, որ հետևեցինք նրանց խորհրդին։ Մեր բոլոր ցանկությունները հաշվի առնող ուղևորության ծրագիրը պատրաստել էր Մարին, որի հետ նամակագրություն էինք վարում էլեկտրոնային փոստով։ Կցանկանայինք նշել, որ մեր ոչ մի հարց անպատասխան չմնաց։

Ծրագրի կազմակերպումը բարձր մակարդակի վրա էր, և հատկապես ուզում ենք նշել մեր պրոֆեսիոնալ գիդին՝ հրաշալի Քրիստինային, և վստահելի վարորդին՝ Նորիկին։ Բարյացակամ, նրբանկատ, ուշադիր և պրոֆեսիոնալ Քրիստինան ու Նորիկը մեզ ցույց տվեցին Հայաստանի հրաշալի վայրերը, զարմանահրաշ բնությունն ու հեքիաթային ճարտարապետությունը։ Մենք շատ հետաքրքիր ու նոր բաներ իմացանք երկրի, ժողովրդի և ավանդույթների մասին, և ուզում ենք ևս մեկ անգամ վերադառնալ այնտեղ։ Շատ շնորհակալություն Քրիստինա և Նորիկ Ձեր աշխատանքի համար, հաջողություն ենք մաղթում Ձեզ և ամենայն բարիք։

Երբ որոշենք այցելել Հայաստան, անպայման կդիմենք Ձեր ընկերությանը։ Հաջողություն և բարգավաճում Ձեզ։ Եվ հաստատ «Հյուր Սերվիսը» խորհուրդ կտանք մեր ծանոթներին ու ընկերներին, որոնք, ի դեպ, մեր ոգևորված պատմություններից հետո արդեն շտապում են տոմսեր փնտրել դեպի զարմանահրաշ Հայաստան :-)

Սիրելի Մերի՛։

Անակնկալը ստացվեց։
Շատ շնորհակալություն հմայիչ ծաղկեփնջի համար։

Մաղթում եմ ձեր ողջ անձնակազմին, ձեր հարազատներին ու մտերիմներին՝ խաղաղություն, բարություն և բարեկեցություն!!!

Հարգանքով՝ Եկատերինայի մայրիկը՝ Տատյանա։

Շատ հավանեցի Սևանի ու լեռների տեսարանը, ինչպես նաև «Յակոր» ռեստորանում համեղ և լավ կազմակերպված ճաշը։

Հավանեցի էքսկուրսիայի կազմակերպումն ու ժամանակի հաշվարկը, Ծաղկաձորի լեռնադահուկային կենտրոնից և ճոպանուղուց բացվող հիասքանչ տեսարանը։ Մեր գիդը՝ Լիլիթը, շատ գրագետ էր բաշխել ժամանակը և բովանդակալից ու հետաքրքիր էր ամեն ինչ պատմում, ընդ որում՝ միանգամից երկու լեզվով։

Շատ շնորհակալություն նրան)

Լիլիթ, բարի երեկո՛։

Ուզում եմ շնորհակալություն հայտնել Ձեզ մեր էքսկուրսիան կազմակերպելու համար։ Ամեն ինչ շատ հավանեցինք։ Գեղեցիկ վայրեր այցելեցինք։ Վարորդը շատ բարեհամբույր էր, մեզ դուր եկավ)))

Շատ շնորհակալություն Ձեզ։

Բարև, Մայա,

Մենք հենց նոր ավարտեցինք մեր ուղևորությունը։ Ես և ընտանիքս ցանկանում ենք շնորհակալություն հայտնել Գարիին՝ իր բարեհամբույր և քաղաքավարի վերաբերմունքի համար։ Նա ձեր ընկերության իսկական արժեքավոր աշխատակիցն է, և նրա աշխատանքին նվիրվածությունը շատ ակնհայտ էր։

Շնորհակալություն նաև քեզ, Մայա, իմ բոլոր հարցերին արագ և պրոֆեսիոնալ պատասխանելու համար։ Ի դեպ, ես Դուբայում բնակվող բորտուղեկցորդուհի եմ և անպայման ձեր ծառայությունները խորհուրդ կտամ Դուբայում իմ գործընկերներին և ընկերներին։

Հարգանքով՝
Մարիա

Մեծ շնորհակալություն Hyur Service ընկերությանը՝ պրոֆեսիոնալ մոտեցման և հրաշալի Հայաստանի մասին ջերմ հիշողությունների համար։

Առանձնահատուկ մեծ շնորհակալություն մեր էքսկուրսավար Իրինային, որն անցկացրեց մեզ հետ ձմեռային 2 օր (փետրվարի 9-ին և 10-ին), հետաքրքիր պատմեց հինավուրց վանքերի, Սևանա լճի, Արարատ լեռան, Հայաստանի պատմության, մշակույթի ու ավանդույթների մասին, Խոր Վիրապի քարերի մոտ անկեղծորեն խոստացավ, որ այնտեղ՝ մշուշի հետևում, իսկապես Արարատ կա, ու նա պարզապես, ինչպես համեստ աղջիկը, չի երևում անծանոթներին...

Հուսով ենք., որ այլևս անծանոթներ չենք, և հաջորդ անգամ Հայաստանը մեզ համար նոր գեղեցկություններ կբացի։ Շատ շնորհակալություն («շնորհակալություն» և «ցավդ տանեմ») Մոսկվայից, Ռոստով-նա-Դոնուից, Կազանից և Եկատերինբուրգից!

Բարև, Լիլիթ,

Օրն ավարտվելուց և կեսգիշերին մնացած ընդամենը մեկ րոպե առաջ ես և ընկերս ուզում ենք շնորհակալություն հայտնել քեզ և քո ընկերությանը՝ մեզ հյուրընկալելու և վերջին 2 օրվա ընթացքում Հայաստանում լավագույն փորձառությունը պարգևելու համար՝ հյուրանոցից մեզ վերցնելուց մինչև այնտեղ վերադարձնելը։

Անպայման խորհուրդ կտամ ձեր ընկերությունը Հայաստանում այցելելու եկող ընկերներիս։ Շնորհակալություն։

Առանձնահատուկ շնորհակալություն նաև վարորդ և էքսկուրսավար Արտակին, ով մեզ տարավ գեղեցիկ վայրեր։

Մինչև հաջորդ անգամ...

Հարգանքներով՝
Ջոյ

Անկասկած՝ 5-ից 5 աստղ կտամ։ Մեր ուղևորությունը Հայաստան շատ հիշարժան և հարմարավետ էր Հյուր Սերվիսի պրոֆեսիոնալ անձնակազմի շնորհիվ։

Բոլորին ջերմորեն խորհուրդ ենք տալիս Հյուրին։ Շնորհակալություն, Հյուր։

Իսկ Հայաստանի հրաշալի մարդկանց՝ մենք շատ կուզենայինք կրկին տեսնել ձեզ։ 😍

Բարև Ձեզ!! Առաջինն ու ամենակարևորը, որ ուզում եմ Ձեզ գրել ու ասել՝ հսկայական ՇՆՈՐՀԱԿԱԼՈՒԹՅՈՒՆ՝ Ամանորի տոներին մեր հանգիստը կազմակերպելու համար!!! ամեն ինչ սուպեր էր! Ձեր ընկերությունը՝ ի դեմս Ձեզ, կատարեց մեր բոլոր ցանկությունները, ինչի համար մենք Ձեզ շատ շնորհակալ ենք։

Ուզում եմ շնորհավորել Ձեզ՝ Լիլիթ, և Ձեր ամբողջ կոլեկտիվին, Ձեր էքսկուրսավարներին, գրասենյակի անձնակազմին, բոլոր-բոլորին՝ անցած տոների կապակցությամբ, և մեկ անգամ ևս մաղթել Ձեզ առողջություն, երջանկություն և հաջողություն։

Ձեր երկիրը գրավել է մեր սիրտը, և մենք երկրորդ անգամ ենք գալիս Ձեզ մոտ։

Հարգելի Արամ-ջան։
Ամբողջ սրտով ուզում եմ շնորհակալություն հայտնել «Հյուր Սերվիս» տուրիստական ընկերության ողջ անձնակազմին՝ Հայաստանում ամանորյա հանգիստը կազմակերպելու համար։
«Հյուր Սերվիսի» հետ ինձ հաջողվեց մասնակցել հինգ խմբային և մեկ անհատական էքսկուրսիայի, որոնց շնորհիվ բացահայտեցի Ձեր հիանալի երկիրը։

Հատուկ երախտիքի և շնորհակալության խոսքեր եմ ուզում ասել Ձեր էքսկուրսավար Ռոզային։ Բախտ եմ ունեցել նրա հետ մասնակցելու չորս խմբային էքսկուրսիայի, ընդ որում՝ վերջին երկու էքսկուրսիաների ժամանակ ինքս էի խնդրել կազմակերպիչներին ինձ նստեցնել այն ավտոբուսը, որտեղ Ռոզան կլիներ։ Ցավոք, չհաջողվեց Ռոզային «փախցնել» դեպի Տաթև անհատական էքսկուրսիայի, թեև Լիլիթը հիշում է, թե ինչպես էի պնդում այդ հարցում։
Ուզում եմ նշել, որ Ռոզան իսկապես հրաշալի էքսկուրսավար է և պարզապես շատ լավ մարդ։ Բախտ եմ ունեցել լինել ավելի քան
քսան երկրում, ընդ որում՝ այնպիսի հեռավոր երկրներում, ինչպիսիք են Բրազիլիան, Արգենտինան և Կուբան, տեսնել տարբեր մարդկանց ու տարբեր էքսկուրսավարների, և կարող եմ վստահաբար ասել, որ Ռոզան իմ ճանապարհորդությունների ողջ պատմության լավագույն էքսկուրսավարներից մեկն է։ Ռոզան պարզապես այն մարդն է, ով ոչ միայն սիրում է Հայաստանը, այլև իր այդ սիրով վարակում է շրջապատին։ Համենայն դեպս, նրա աշխատանքում ես տեսա հյուրերի հետ սրտում ապրող Հայաստանի մի մասնիկը կիսելու ցանկությունը, և հենց դրա շնորհիվ ես էլ սիրեցի Ձեր հիանալի երկիրը։

Ռոզան այն էքսկուրսավարն է, ով աշխատում է հոգով, հոգի է նվիրում, և նույնիսկ եթե ինչ-որ խնդիրներ են առաջանում, նրա անկեղծությունը, ոգևորությունն ու էներգիան
հարթում են բոլոր անհարթությունները։ Այսօր շատ քիչ են հոգով աշխատող էքսկուրսավարները։ Օրինակ՝ Եվրոպայի երկրներում նմանների գրեթե չես հանդիպի, իսկ եթե կան, ապա սովորաբար նախկին Խորհրդային Միության երկրներից եկած մարդիկ են։

Ամբողջ սրտով ուզում եմ շնորհակալություն հայտնել Ռոզային իր աշխատանքի, անմիջականության և անկեղծության համար։ Կարող եմ վստահաբար ասել, որ
նրա շնորհիվ ես էլ անկեղծորեն սիրեցի Հայաստանը, ինձ հետաքրքրեց Ձեր երկրի պատմությունն ու մշակույթը։ Շատ շնորհակալ եմ նրան, որ հունվարյան սառնամանիքների մեջ (թեկուզ ոչ այնքան ուժեղ, որքան մեզ մոտ՝ Հեռավոր Արևելքում) նա ինձ համար բացահայտեց ջերմ Հայաստանը։ Եվ այդ ջերմությունը այստեղ ապրող մարդկանց սրտերում ու հոգիներում է։ Մարդիկ ցանկացած երկրի ամենամեծ հարստությունն են։ Եվ Հայաստանն, անկասկած, հարուստ է իր մարդկանցով։ Հայերն անկեղծ են, բաց, բարեհամբույր և պատրաստ են օգնել ցանկացած իրավիճակում։ Եվ հենց մարդիկ, հավանաբար, ամենից շատը կմնան իմ հիշողության մեջ։

Սովորաբար ես հնարավորություն չեմ ունենում երկու անգամ լինել նույն երկրում։ Ամեն տարի՝ նոր երկրներ, ամեն տարի՝ նոր տպավորություններ։
Բայց կանոններն էլ հենց նրա համար են, որ դրանցից բացառություններ լինեն։ Ուստի որոշել եմ կրկին գալ Հայաստան, հենց որ նման հնարավորություն լինի։ Գալ տարվա տաք եղանակին, որպեսզի տեսնեմ բնության գեղեցկությունը, Երևանի շատրվաններն ու Արարատի վեհությունը։ Բայց ամենակարևորը՝ կրկին հանդիպել հայերի հյուրընկալությանը, բաց լինելուն ու անկեղծությանը։

Եվս մեկ անգամ թույլ տվեք շնորհակալություն հայտնել «Հյուր Սերվիս» տուրիստական ընկերության ողջ անձնակազմին՝ Ձեր հիանալի երկրում անցկացրած հանգստի համար։ Իսկ սիրելի Ռոզային՝ առանձին ողջույններ և առանձին շնորհակալություն։

Հարգանքով՝ Ալեքսեյ。

Բարի օր, հարգելի՛ Մերի և Ձեր ամբողջ հրաշալի կոլեկտիվ։

ԱՆՍԱՀՄԱՆ ՇՆՈՐՀԱԿԱԼՈՒԹՅՈՒՆ ԲՈԼՈՐԻԴ!!!!

Ձեր շնորհիվ հրաշալի ժամանակ անցկացրինք Երևանում՝ Նոր տարուն։
Ամեն ինչ հրաշալի էր կազմակերպված՝ գիդերը, տրանսպորտը, էքսկուրսիաները՝ ամեն ինչ-ամեն ինչ շատ լավ էր։
Առանձին շնորհակալություն գիդեր Նաիրեին, Ռոզոչկային, Հայկին։

Հնարավորության դեպքում անպայման նորից կգանք Երևան։ Եվ միայն Ձեզ մոտ!!!

Ձեզ ամենայն բարիք, առողջություն և բարգավաճում!!!

Շնորհակալություն!!!!

Բարի լույս։ Ես ու ընկերուհիս ճամփորդեցինք և մեծ հաճույք ստացանք։ Ամեն ինչ դուր եկավ։ Հրաշալի տպավորություններ են։ Շատ հաճելի տպավորություն թողեց էքսկուրսավարը (մեզ հետ Կարինան էր մեկնել)։