Հյուրերի կարծիքները

Բարև ձեզ, սիրելի՛ ընկերներ։

Չեմ սխալվել, հենց ընկերներ։ Ես ու կինս 4 օր անցկացրինք Երևանում և նույնքան ժամանակ՝ ձեր ընկերության հետ։ Էմոցիաները չափ ու սահման չունեն, իսկ բնորոշումները՝ Հրաշալիից մինչև Հիասքանչ։ Դուք մեծ գործ եք արել, սպասարկումը՝ ամենաբարձր մակարդակի։ Մեզ մոտ այնպիսի տպավորություն էր, կարծես հյուրընկալվել էինք շատ լավ ընկերների տանը, որոնք չէին ուզում բաժանվել մեզնից։ Գիտե՞ք, լավ կոնյակը հիանալի հետհամ ունի, այն ուրիշ բանով խմել չի ուզում։ Երևանի հետ էլ այդպես էր՝ չէինք ուզում հեռանալ, ուզում էինք վայելել ու վայելել, և զգացմունքների այդ գավաթում մի գդալ մեղր կար՝ ձեր ընկերությունը։ Խոնարհվում ենք Ձեր առաջ այն բանի համար, որ սիրահարվեցինք Հայաստանին։

Մեծ հարգանքով՝
Ելենա և Ալեքսանդր Զվարկովսկիներ։

Հ.Գ. Ուզում եմ նաև ավելացնել ասվածին, ձեր վարորդներն ուղղակի վիրտուոզներ են։ Երբ վերադառնում էինք Տաթևից, հասկացա, որ իմ 40 տարվա վարորդական փորձով չէի համարձակվի մտնել ոլորապտույտ ճանապարհի կատարյալ խավարի մեջ, այն էլ՝ քանդված ճանապարհով, երբ մեքենայի մեջդ 48 զբոսաշրջիկ կա։ Նրանց՝ առանձին շնորհակալություն։ Հայաստանը զարմացրեց։

Շնորհակալություն, դուք լավագույնն եք։
Հյուրանոցը շատ հարմարավետ է, հիանալի վայրում է, իսկ տուրերը հրաշալի էին։

Բարև Ձեզ, հարգելի տիկին Գրիգորյան։
Խնդրում ենք ընդունել մեր ընտանիքի անկեղծ երախտագիտությունը Ձեր հիանալի աշխատանքի համար։ Ձեզ հետ ձեռք բերված բոլոր պայմանավորվածությունները՝ էքսկուրսիոն ծրագրի և տրանսֆերների վերաբերյալ, մեր ուրախությամբ, կատարվեցին հստակ, ճշտապահ և բարձր մասնագիտական մակարդակով։ Հատկապես խոր տպավորություն թողեցին մեր հանդեպ էքսկուրսավար Իրինա Մանուկյանի և վարորդներ Ավետիկ Չոբոնյանի, Արտակի, Ռուբենի, Կարենի (Vito մեքենա) և Գրիգորի հարգալից վերաբերմունքը։
Իրինա Մանուկյանի հոգատար ջերմությունն ու հուզիչ ուշադրությունը, նրա բարձր պրոֆեսիոնալիզմի հետ մեկտեղ, ստեղծում էին առանձնահատուկ ընկերական մթնոլորտ, որի մեջ մենք «լողանում էինք» անցած բոլոր վեց օրերի ընթացքում։ Այս աշխատակիցները, հետևաբար՝ Ձեր ամբողջ ընկերությունը, արժանի են ամենաբարձր գնահատականի։ Բոլորին անչափ շնորհակալություն!!!!

Հարգելի Լիլիթ, շատ ենք ցավում, որ, հավանաբար, զբաղված լինելու պատճառով չկարողացաք մի քիչ ժամանակ հատկացնել մեզ հետ հանդիպելու համար։ Մենք շատ էինք ուզում տեսնել, թե ով է թաքնված այդ հարգարժան անվան հետևում։ Հարգարժան՝ որովհետև Ձեր ընկերության հանդեպ վստահությունս առաջացել էր ինձ հետ Ձեր կողմից բարձր պրոֆեսիոնալիզմով վարվող նամակագրության արդյունքում։ Ձեր աշխատանքը նույնպես արժանի է ամենաբարձր գնահատականի։

Շատ կուզենայինք, որ այս նամակը հասներ Ձեր ղեկավարությանը, և շատ ուրախ կլինենք, եթե աջակցեք մեզ այդ հարցում։ Լավ աշխատակիցներին պետք է գնահատել ու հարգել։

Ամենայն բարիք բոլորիդ։ Հաջողություն և հաջողություններ ամեն ինչում!.

Հարգանքով՝
Լիդիա Իվանովնա և Խալիթ Իվանովիչ Դեբերդեևներ։

Բարև Ձեզ։
Շնորհակալություն Ձեր հյուրընկալության և էքսկուրսիաներից ու դրանց կազմակերպումից ստացած անմոռանալի տպավորության համար։ Շնորհակալություն Նորավանք երթուղու էքսկուրսավարին (ուրբաթ օրվա տուր), շնորհակալություն Սամվելին (Սևանի տուր), և հատուկ շնորհակալություն վարորդ Կարենին։

Հյուրեր Մոսկվայից։

Բարև ձեզ։
Մեր էքսկուրսիան սկսվեց Զվարթնոց օդանավակայանում Երևանի քարտեզ ստանալուց։ Այնուհետև այցելեցինք HYUR-ի գրասենյակ, որտեղ շատ բարեհամբույր աղջիկները ոչ միայն ձևակերպեցին մեր էքսկուրսիաները, այլև պատասխանեցին քաղաքին վերաբերող մեր բոլոր հարցերին։

10.04.2019-ին խմբային էքսկուրսիա ունեցանք՝ «Էջմիածին (Ռիպսիմե, Գայանե, Մայր տաճար, Էջմիածնի գանձերի թանգարան), Զվարթնոց»։ Մեր էքսկուրսավար Սամվելը ոչ միայն մանրամասն պատմեց այս հրաշալի տաճարների պատմությունը, այլև պատասխանեց էքսկուրսիայի ավելի տեղեկացված մասնակիցների բազմաթիվ հարցերին, ընդ որում՝ երկու լեզվով էլ ազատ խոսելով (ռուսերեն, անգլերեն)։

Էքսկուրսիան անմոռանալի տպավորություններ թողեց։ Շնորհակալություն Սամվելին։ Ուզում եմ նաև շնորհակալություն հայտնել մեր վարորդ Օվսեպին՝ զգուշորեն վարելու և ճանապարհին մեզ բուլկիներ ու ջուր առաջարկելու համար։ Ընդհանուր առմամբ, մեր ամբողջ ուղևորությունը Հայաստան շատ դրական, ճանաչողական և հաճելի էր։

Մենք՝ Մոսկվայից ժամանած զբոսաշրջիկների խումբս, անկեղծ շնորհակալություն ենք հայտնում էքսկուրսիան անցկացրած Իրենե գիդին՝ 2019 թվականի ապրիլի 05-ին հետևյալ երթուղով անցկացված էքսկուրսիայի համար՝ Երևան - Խոր Վիրապ - «Ին Արենի» - Նորավանք։ Շնորհակալություն ենք հայտնում նրա բարձր գիտելիքների և պրոֆեսիոնալիզմի, հետաքրքիր ու ճանաչողական ծրագրի, ինչպես նաև Հայաստանի պատմության վերաբերյալ նյութին գերազանց տիրապետելու համար։

Նաև ցանկանում ենք նշել էքսկուրսիոն մեքենայի վարորդ Լյովայի բարձր վարպետությունն ու պրոֆեսիոնալիզմը, որոնք հատկապես դրսևորվեցին բարդ լեռնային տեղանքով երթևեկելիս։

Մարտին մի քանի էքսկուրսիայի ենք մասնակցել։ Հսկայական շնորհակալություն էքսկուրսավարներ Լիլիթին և Անահիտին։

Դուք ձեր գործի իսկական պրոֆեսիոնալներն եք։ Շնորհակալություն նաև ընկերության բոլոր աշխատակիցներին․ դուք մեզ պարգևեցիք հիանալի հանգիստ և հրաշալի տպավորություններ, ձեր շնորհիվ մենք ճանաչեցինք ձեր հրաշալի երկիրը։

Շնորհակալություն։ Հաջողություն և բարգավաճում ձեզ։

Մեր առաջին էքսկուրսիան Երևանի տեսարժան վայրերով շրջայցն էր։ Այն ներառում էր 3 թանգարանի այցելություն, բայց քանի որ մենք բյուրո եկանք արդեն ճաշից հետո, գործակալության աղջիկները մեզ համար կազմակերպեցին էքսկուրսիա՝ մեկ թանգարան այցելությամբ, և դրա ընթացքում փոխեցին էքսկուրսիայի ծրագիրը, այսինքն՝ առաջարկեցին մեր իրավիճակին հարմար տարբերակ։ Մենք ընտրեցինք Ծիծեռնակաբերդի թանգարանը։

Մեր էքսկուրսավարը Դավիթն էր, որը մեծ ոգևորությամբ պատմեց մեզ իր քաղաքի մասին, ցույց տվեց նրա տեսարժան վայրերը, որոնք կարևոր են եղել Երևանի համար տարբեր տարիներին (Հայրենական մեծ պատերազմում զոհվածների հիշատակին վառվող անմար կրակը)։ Մայր Հայաստան հուշարձանը հսկայական տպավորություն թողեց։
Դավիթը մեզ շատ հետաքրքիր բաներ պատմեց իր քաղաքի փողոցների մասին (Թամանյանի և Թումանյանի)!

Մենք շատ շնորհակալ ենք Դավիթին մեր հանդեպ ունեցած անկեղծ և ընկերական վերաբերմունքի և բարձր պրոֆեսիոնալիզմի համար!

Էքսկուրսիան հիանալի էր կազմակերպված։

Ամեն ինչ ամենաբարձր մակարդակով էր՝ հարմարավետ մեքենա, հետաքրքիր ու հագեցած ծրագիր, հրաշալի էքսկուրսավար ու վարորդ։

Շնորհակալություն։

Հսկայական շնորհակալություն Տաթևին՝ Գառնի և Գեղարդ հրաշալի էքսկուրսիայի համար։ Շատ հետաքրքիր պատմություն Հայաստանի և նրա պատմության մասին։ Ամեն ինչ շատ դուր եկավ։ Առանձին շնորհակալություն Ռուբիկ ջանին, որ պրոֆեսիոնալ կերպով մեզ լեռներով էր տանում խիտ մառախուղի մեջ։

Բարի օր!

Ամեն ինչ բացարձակապես դուր եկավ, ոչ մի դժգոհություն չունենք, սրանք լավագույն խմբակային էքսկուրսիաներն էին, որոնց երբևէ մասնակցել ենք՝ առանց չափազանցության։

Շնորհակալություն!

Մեծ շնորհակալություն Նաիրա էքսկուրսավարին և Ռուբեն վարորդին՝ մարտի 9-ին Երևանից դեպի Խոր Վիրապի վանք, Նորավանքի վանք և Տաթևի վանք հրաշալի էքսկուրսիան անցկացնելու համար։ Մենք՝ առաջին անգամ Հայաստան ժամանածներս, անմոռանալի տպավորություններ ստացանք էքսկուրսիայից։
Էքսկուրսավարն ու վարորդն արեցին ամեն հնարավորը և անհնարինը, որպեսզի մեր սրտերում մնա հրաշալի Հայաստանի մի մասնիկը։ Նաիրայի շնորհիվ մենք շատ հետաքրքիր բաներ իմացանք երկրի պատմության, հայ ժողովրդի ավանդույթների և սովորույթների մասին։
Շնորհակալություն Ռուբենին ուղևորների հանդեպ հոգատար վերաբերմունքի համար։

Խորհուրդ ենք տալիս զբոսաշրջիկներին օգտվել ընկերության ծառայություններից։