Հյուրերի կարծիքները

Հյուր Սերվիսի աշխատակազմին

Նոր տարվա կապակցությամբ լավագույն մաղթանքներս ձեր բոլոր աշխատակիցներին։

Ինչպես գիտեք, ես Հյուր Սերվիսի մշտական հյուրն եմ։ Պետք է ասեմ, որ Հյուր Սերվիսի աշխատակիցները գերազանց տիրապետում են իրենց աշխատանքին։ Այս գործակալությունը իր ծառայությունները մատուցում է մեծ հոգատարությամբ և պատասխանատվության զգացումով։ Շնորհակալ եմ ձեզ հետ անցկացրած բոլոր հրաշալի պահերի համար։ Շուտով կհանդիպենք Երևանում։

Հարգանքներով՝
Էնի

Շնորհակալություն հիանալի սպասարկման և մատչելի գների համար, ամեն ինչ լավ էր!

Բարև, ուզում էի շնորհակալություն հայտնել Hyur ընկերությանը՝ Հայաստան ճանապարհորդող մարդկանց համար այդքան շատ ծառայություններ ունենալու համար..... Հենց հիմա նայում էի գները, անհավատալի՜ են !!!!! Շա՜տ էժան են, իսկ բնակարանները շա՜տ գեղեցիկ.... Շատ լավ է, Հայաստան, շարունակիր այդպե՜ս։

Բարև Արմինե,

Հաճելի հանգիստ եմ անցկացրել։ Ցանկանում եմ շնորհակալություն հայտնել կազմակերպման համար, ամեն ինչ անցավ առանց որևէ խնդրի․ տաքսիներն իսկապես ժամանակին էին, Այգեձոր ռեզիդենցիան հմայիչ է, իսկ անձնակազմը՝ շատ հյուրընկալ։ Ձեր տրամադրած տեղեկությունները շատ օգտակար եղան։
Շատ մեծ շնորհակալություն, ձեր կոնտակտային տվյալները խնամքով կպահպանեմ։

Հարգանքով՝

Սերկո Աղյան

Սիրելի՛ ընկերներ,

Ուզում էի ես և ամուսինս՝ Մալեք Հանունիկը, մեր անունից շնորհակալություն հայտնել ձեզ 2011 թվականի նոյեմբերի 4-ից մինչև 11-ը Երևանում, Սևանում, բոլոր եկեղեցիներում և Ջերմուկում մեր ուղևորությունները կազմակերպելու համար։

Հրաշալի արձակուրդ անցկացրինք, և ՀՅՈՒՐ-ի շնորհիվ ամեն ինչ շատ հեշտ ու լավ անցավ՝ շատ հաճելի աշխատակիցների հետ։ Շնորհակալություն ենք հայտնում մեր ընկեր Սոնա Աբրահամյանին՝ նրա հաճելի ընկերակցության համար, ինչպես նաև շնորհակալություն ենք հայտնում Բարոն Վարդանին, Լևոնին և Նորիկին։

Հատկապես ուզում ենք ասել, թե որքան հրաշալի էին նրանք բոլորը․ նրանք իսկապես հոգ էին տանում մեր մասին, և շատ տխուր էինք, երբ եկավ նրանց բոլորին հրաժեշտ տալու ժամանակը։ Խնդրում ենք, կարո՞ղ եք նրանց ասել, թե որքան հաճույք ենք ստացել նրանց ընկերակցությունից։

Եվս մեկ անգամ շնորհակալություն ձեր բոլոր օգնության համար։ Անպայման շուտով կրկին կվերադառնանք Հայաստան։

Լավագույն մաղթանքներով՝
Մալեք Հանունիկ և Սերպուհի

Սիրելի՛ ընկերներ։
Շնորհակալություն լավ սպասարկման համար։ Մենք սիրում ենք Հայաստանը և այցելել ենք շատ հետաքրքիր վայրեր։ Շնորհակալություն էքսկուրսավարներին, ավտոբուսի վարորդներին և գրասենյակի աղջիկներին։ Հուսով ենք՝ ապագայում կրկին կայցելենք այստեղ և կրկին կօգտվենք Հյուրի ծառայություններից։

Մենք 4 շաբաթ մնացինք թիվ 364 բնակարանում (սեպտեմբերի 19-ից հոկտեմբերի 14-ը) և վայելեցինք այնտեղ անցկացրած յուրաքանչյուր րոպեն։ Ընդհանուր առմամբ, բնակարանը լավ պահպանված ու մաքուր էր, բայց մեր հանգիստը լավ չսկսվեց, քանի որ, հակառակ գովազդվածին, կահավորանքն ու սարքավորումները հնացած էին, թեև սա «A» դասի բնակարան էր։ Պատկերացրեք մեր հիասթափությունը, երբ գրեթե 24 ժամ ճանապարհորդելուց հետո հասանք շենք ու տեսանք շատ կեղտոտ վերելակը, որտեղ տարածվել էր կողքի աղբատար խողովակից եկող աղբի ուժեղ հոտը։ Թեև մեզ դուր եկան բնակարանն ու մեր այցը, վերելակն ու աղբի հոտն ամեն օր փչացնում էին մեր տրամադրությունը։

Որպես ընկերական խորհուրդ՝ կառաջարկեի, որ Հյուրի ղեկավարությունը վարձակալության հանձնելուց առաջ ստուգի տարածքները և համոզվի, որ դրանք համապատասխանում են նվազագույն չափանիշներին, և այդպիսով կարող են դասակարգվել որպես «A» դասի։ Քանի որ, անկախ նրանից, որ յուրաքանչյուր 5 օրը մեկ ծառայություն էինք ստանում, բնակարանն ընդհանուր առմամբ չպետք է «A» դասի լիներ։

Հուսով եմ՝ այս դրական կարծիքը կընդունեք որպես ծառայությունները բարելավելու, այցելուներին ավելի ջերմ ընդունելու և նրանց տնային զգացողություն պարգևելու ընկերական խորհուրդ։

Շնորհակալություն
Արդաչես

Բարև, Աննա,

Ուզում եմ այս առիթից օգտվել և շնորհակալություն հայտնել քեզ ու HYUR-ին՝ Հայաստանի մեր վերջին այցի ընթացքում մեր ուղևորությունների չափազանց արդյունավետ կազմակերպման համար։ Դրա շնորհիվ կարճ ժամանակում հասցրինք շատ տեղեր այցելել։ Հատկապես օգտակար էր, որ կարողացանք կարճ ժամանակում փոխել մեր երթուղիները, քանի որ ես կարողացա գնալ օդանավակայան և վերցնել Փարիզում մնացած մեր ուղեբեռը, ինչպես նաև այցելել Լեռնային Ղարաբաղ, որն ամբողջ ուղևորության գլխավոր տպավորություններից մեկն էր։ Շնորհակալություն նաև մեր վարորդներին, հատկապես Լևոնին, որն օգնեց մեզ առավելագույնս վայելել երկրի հարավ կատարած մեր ուղևորությունը։

Հույս ունենք ոչ այնքան հեռու ապագայում կրկին այցելել Հայաստան և անպայման նորից կապ կհաստատենք քեզ հետ։

Ահա մի լուսանկար՝ ի հիշատակ Գորիս և Լեռնային Ղարաբաղ կատարած մեր ուղևորության։ Շատ շնորհակալ կլինեմ, եթե այն փոխանցես Լևոնին և մեր՝ Ինգրիդի, Սյուզանի ու իմ կողմից բարևես նրան։ Նա հիանալի աշխատանք արեց՝ մեզ ամեն ինչ ցույց տալով։

Կրկին շնորհակալություն և ամենայն բարիք՝
Փոլ Ուոլշ

Նոյեմբերյան տոներին էինք գնացել։ Ոչ մի դժգոհություն չունենք․ ամեն ինչ ժամանակին էր, ամեն ինչ արվում էր շատ նրբանկատորեն, պատմություններն էլ՝ հետաքրքիր (ընդ որում՝ երբեմն վարորդի պատմությունները ուղեկցորդի պատմություններից ոչ պակաս հետաքրքիր էին)։ Ուղեկցորդը՝ Լիլիթը, վարորդը՝ Ռուբիկը։

Ալինա, բարի օր։

Ցանկանում եմ շնորհակալություն հայտնել HyurService ընկերության ողջ թիմին՝ Երևանում գտնվելու ողջ ընթացքում անթերի սպասարկման համար։
Անպայման կօգտվեմ ձեր ծառայություններից իմ հաջորդ ուղևորությունների ժամանակ։
Ամենայն բարիք,

Զարա Առաքելյան

Բարև բոլորին, քաջառողջություն եմ մաղթում։
Այս տարվա օգոստոսի վերջին և սեպտեմբերի սկզբին Հայաստանում էի։ Եկել էի հարազատներիս մոտ՝ 7 օրով։ Այդ յոթ օրից 5 օրն անցկացրել եմ Հյուր Սերվիսի էքսկուրսիաներին։
Շատ գոհ եմ։ Ամեն ինչ բարձրագույն մակարդակի վրա է։
Հսկայական շնորհակալություն թե՛ մենեջերներին, թե՛ վարորդներին, թե՛ էքսկուրսավարներին!!! Շատ եմ եղել արտասահմանում և միշտ էքսկուրսիաներ եմ պատվիրել տեսարժան վայրերով, բայց նման հիանալի կազմակերպվածության ոչ մի տեղ չեմ հանդիպել։ Դա և՛ բարությունն է, և՛ ջերմ վերաբերմունքը, և՛ պատմության, մշակույթի ու սովորույթների մասին տեղեկությունը փոխանցելու ցանկությունը։
Էքսկուրսիաները նախապես ամրագրել էի ինտերնետով, ամեն ինչ բացատրեցին, ամեն ինչ հուշեցին, նախապես գումար փոխանցելու կարիք չկար։
Հաջորդ անգամ ամուսնուս հետ կգանք և անպայման կօգտվենք ձեր ընկերության ծառայություններից։
Հարգանքով՝ Նատալյա!

Շնորհակալություն ձեր գրասենյակի աշխատակցուհիներին, վարորդներին և էքսկուրսավարներին։ Նրանք լավ աշխատանք են կատարում, և ծառայությունը նույնպես լավն էր։ Մենք շատ բան իմացանք Հայաստանի, պատմության և մարդկանց կյանքի մասին։
Սենյակը, որը վարձել էինք ձեր գրասենյակի օգնությամբ, նույնպես լավն էր։ Մենք մեր ընկերներին ձեր
ծառայության մասին միայն լավ բաներ կպատմենք։
Շալոմ Իսրայելից Հայաստան։

Մոշե