Անհատական էքսկուրսիա. Հին Արենի գինու գործարան, Տաթևի վանք, ճոպանուղի, Խնձորեսկի քարանձավեր
Հին Արենի գինու գործարան (էքսկուրսիա և համտես), Տաթևի վանք, Տաթևեր ճոպանուղի, Խնձորեսկի քարանձավեր
1. Հին Արենի գինու գործարան
30-40 րոպե
«Հին Արենի» գինու գործարանը շարունակությունն է այդ լեգենդի՝ վերածելով խաղողը անցյալի և ապագայի կենդանի պատգամի։ Այստեղ ավանդույթն ու նորարարությունը քայլում են կողք կողքի: Ժամանակակից սրահներում, որտեղ թևածում է թարմ գինու բույրը, պատմական խաղողի տեսակները ժամանակակից տեխնոլոգիաների շնորհիվ ստանում են նոր կյանք։ Եվ նույնիսկ ունենալով ավելի քան 250 տոննա վերամշակման կարողություն՝ յուրաքանչյուր բաժակում զգացվում է ոչ թե այս ծավալը, այլ հոգին։
Այս գինին պարզապես խմիչք չէ՝ այն Վայոց Ձորի արևահամ ու քամիներով լցված ձայնն է։ Յուրաքանչյուր կում հրավիրում է լսել հնագույն քարանձավների շշունջը, զգալ հավերժության շունչը և հասկանալ, թե ինչու է Արենին համարվում հայկական գինեգործության օրրան։
2. Տաթևի վանք
50-60 րոպե
Բարդ ժամանակներում Տաթևը վերածվում էր ամրոցի, որի հզոր պատերի ներսում ծաղկում էր ոչ միայն վանական կյանքը, այլև պահվում էին երկրի գանձերն ու սրբությունները։ Գաղտնի պահեստներն ու ստորգետնյա անցումները, որոնք կապում էին վանքը արտաքին աշխարհի հետ, հնարավորություն էին տալիս վանքին կանգուն մնալ պաշարման օրերին: Լեգենդը պատմում է, որ հենց դրանց շնորհիվ էին պահպանվում սրբավայրի մասունքներն ու ձեռագրերը։
Տաթևը դարեր շարունակ եղել է այն վայրը, որտեղ ճառագող հավատը միաձուլվում էր իմաստության ու քաղաքական զորության հետ, իսկ նրա պատերը լսել են և՛ աղոթքներ, և՛ ճակատագրական խոսքեր, որոնք որոշել են Սյունիքի ապագան:
Վանական համալիրի տարածքից դուրս, սակայն Որոտանի ժայռակոփ կիրճում գտնվում են այլ վանքեր, որոնք ավերվել են 1931 թվականի Զանգեզուրի երկրաշարժի ժամանակ։ Այս ամենին յուրահատուկ հմայլք են հաղորդում ձորի խորքում գտնվող Սատանի անձեռակերտ կամուրջը և Սյունյաց մեծ անապատը։ Վերջինս ավելի քան կես կիլոմետր երկարությամբ գետնուղով կապված էր Տաթևի վանքին, որը ևս վնասվել է երկրաշարժի պատճառով և փակվել քարերով։
3. Տաթևեր ճոպանուղի
10-15 րոպե
Կառուցված լինելով ընդամենը 11 ամսում՝ այն զարմացրեց անգամ ամենափորձառու ճանապարհորդներին։ Վագոնները սահում են Որոտանի գետի խոր կիրճի վրայով՝ անցնելով դեպի հորիզոն ձգվող բլուրների ու անտառների վերևով։ Երեք հզոր աշտարակներ՝ ինչպես քարե պահապաններ, պահում են մալուխները, որոնց վրայով երկու վագոնները շարժվում են միմյանց հակառակ ուղղություններով։
Ավելի քան 300 մետր բարձրության վրա 11 րոպե տևող այս ճանապարհորդության ընթացքում ուղևորները ոչ միայն հասնում են Տաթևի վանք, այլև ականատես լինում անպշեցնող տեսարանների։ Յուրաքանչյուր վագոն կարող է տեղափոխել մինչև 30 ուղևոր, իսկ վեց հզոր մալուխները ապահովում են հարթ և անվտանգ ճանապարհորդությունը:
«Տաթևի թևեր»-ը պարզապես փոխադրման միջոց չէ՝ այլ դարպաս դեպի անցյալ, երբ, մոտենալով վանքին, զգում ես, թե ինչպես ժամանակն ու տարածությունը միահյուսվում են մեկ ամբողջական պատկերում։ Այստեղ հենց թռիչքն է վերածվում լեգենդի, որ իր թևերով տանում է դեպի Սյունիքի սիրտը:
4. Խնձորեսկի քարանձավեր
50-60 րոպե
Հին Խնձորեսկը, հյուսված մշուշից ու քարից, ապաստան էր տվել սերունդների, որոնք ապրում էին ներդաշնակության մեջ՝ միաժամանակ և՛ դաժան, և՛ առատաձեռն երկրի հետ։ Այս պատմական քարանձավային բնակավայրը հայտնի է իր բնական ու մարդաստեղծ քարայրներով, չորս եկեղեցով ու երեք դպրոցով, և որտեղ երբևէ ապրել էր մինչև 15000 մարդ։ Նրանք գյուղի տարբեր թաղեր հասնելու համար օգտվում էին պարանների և աստիճանների համալիր համակարգից:
1722-1730 թվականների Սյունիքի ազգային ազատագրական շարժման ժամանակ Խնձորեսկը, իր անառիկ աշխարհագրական դիրքի շնորհիվ, ծառայել է որպես Սյունիքի միջնաբերդ։ Այստեղ է թաղված հայոց սպարապետ Մխիթարը, վերջինիս կողքին՝ որդին՝ Ահարոնը, և Սյունաց մեծ տիկինը՝ Գոհարը:
Վերջերս Խնձորեսկում կառուցվել է նաև եզակի ճոճվող կամուրջ: Կամուրջի երկարությունը 160 մ է, բարձրությունը ձորի ամենախոր կետից՝ 63 մ, լայնությունը՝ 1.5 մ: 14 տ քաշ ունեցող այս կամրջով միաժամանակ կարող են անցնել 700 մարդ: Կամուրջը, որից հրաշալի տեսարան է բացվում, կապում է հին Խնձորեսկի երկու ափերը: Այդտեղից երևում են Խնձորեսկի եկեղեցիները և «Ինը մանուկի» աղբյուրը։
Ներառված է
-
Փորձառու վարորդներ
-
Օդորակիչով մեքենաներ
-
Շշալցված ջուր
-
Մեկնարկը (ավարտը) Երևանում ցանկացած վայրից
-
Տրանսպորտային միջոցի և ուղևորների ապահովագրություն
-
Լրացուցիչ կանգառներ երթուղում
Ներառված չէ
-
Զգալի շեղումներ երթուղուց
-
Ալկոհոլային խմիչքներ՝ ճաշով տարբերակն ընտրելու դեպքում
-
Աուդիոգիդեր
-
Wi-Fi տրանսպորտում
Առանձնահատկություններ
- Բացահայտեք հայկական գինու անկրկնելի համը
- Նստեք Գինեսի ռեկորդների գրքում գրանցված աշխարհի ամենաերկար ճոպանուղին
- Ստացեք ադրենալինի մեծ չափաբաժին՝ անցնելով բարձր ճոճվող կամրջով
*Հարկ կլինի 365 աստիճան ոտքով իջնել՝ Խնձորեսկ հասնելու համար
Ամրագրման պայմաններ
Չեղարկում և փոփոխում
Ծանոթացեք մեր էքսկուրսավարների հետ
Հիլդա Մանսուրյան
Անունս՝ Հիլտա Մանսուրեան: Ծննդավայրս՝ Հալեպ: 2000 թուականեն մինչև այսօր կամավոր կաշխատեմ ՀՕՄ-ի (Հայ օգնութեան միություն) մէջ: Կաշխատւմ հայկական ասեղնագործ և սբօսավ: Ինչո՞ւ ընտրել ինձ: Կուզեմ՝ խումբս տպավորված վերադառնա հայրենիքիս պատմութեան գեղեցկութեան եւ մանավանդ ժպտերէս հիւրընկալուեան համար:
Ռաֆֆի Հալաջյան
Ես Ռաֆֆին եմ, ուրախ կլինեմ հանդիպել Ձեզ ու դառնալ Ձեր ընկերը՝ Հայաստանով շրջագայության ընթացքում։ Ազգությամբ հայ եմ, ապրել եմ Սիրիայում: Զբոսավարի աշխատանքս առանձնահատուկ նշանակություն ունի իմ հյուրերի համար։ Ես կիսվում եմ արտերկրում ապրող հայերի փորձով և պատմում, թե ինչպես է նրանց հաջողվել պահպանել իրենց մշակութային ժառանգությունը։
Անուշ Գևորգյան
Իմ երկրի հանդեպ լցված եմ խորը սիրով և մեծ ոգևորությամբ եմ պատմում տեսարժան վայրերի մասին՝ ներկայացնելով տեղի ավանդույթները: Ինձ հետ Դուք կբացահայտեք Հայաստանի թաքնված գոհարները, Ձեզ հետ կկիսվեմ հետաքրքիր պատմություններով՝ ճամփորդությունը դարձնելով առավել հիշարժան: Միացե՛ք ինձ, և մենք միասին կունենանք մշակույթով, տպավորություններով և անմոռաց պահերով լի էքսկուրսիաներ: Դուք Հայաստանից կմեկնեք գեղեցիկ հուշերով և մեր երկրի հանդեպ մեծ գնահատանքով:
Լիանա Կարապետյան
Ես Լիանա Կարապետյանն եմ, իսկ իտալացիների համար՝ պարզապես Լիլիանա։ Ունեմ երկար տարիների աշխատանքային փորձ որպես զբոսավար և ավելի երկար՝ որպես իտալերեն լեզվի թարգմանիչ։ Ինչո՞ւ ընտրել ինձ։ Եթե ցանկանում եք ունենալ անմոռանալի հիշողություններ Հայաստան Ձեր այցից, ես պատրաստ եմ օգնել Ձեզ դրանում։
Ձեզ կարող է հետաքրքրել նաև՝
