Խմբային էքսկուրսիա. Շրջայց-զբոսանք Երևանում, Մեգերյան Կարպետ գորգերի գործարան, Սովետ Ակումբ
Նորույթ
Երևան (ամենահայտնի վայրերը), Մեգերյան Կարպետ գորգերի գործարան, Սովետ Ակումբ
1. Երևան (ամենահայտնի վայրերը)
110-120 րոպե
Երևանը Հայաստանի մայրաքաղաքն է, քաղաք, որ 29 տարով մեծ է Հռոմից: Թվագրվում է մ.թ.ա. 782թ.-ով, հիմնադրվել է հինավուրց Էրեբունի ամրոցի տեղում՝ կառուցված Արգիշտի Առաջինի կողմից: Երևանը հաճախ կոչում են «վարդագույն քաղաք», քանի որ այստեղ շատ շենքեր կառուցված են վարդագույն տուֆից: Մայրաքաղաքը տուրիստական հայտնի ուղղություններից մեկն է՝ շնորհիվ բազմաթիվ տեսարժան վայրերի, ակտիվ գիշերային կյանքի, հրաշալի թանգարանների, ինչպես նաև գեղեցիկ զբոսայգիների: Երևանով զբոսանքը քաղաքի մշակույթը, պատմությունը և տեղական խոհանոցը ճանաչելու լավագույն միջոցն է: Հանրապետության հրապարակը Երևանի զարմանահրաշ տեսարժան վայրերից մեկն է. սկսած մայիս ամսվա սկզբից մինչև աշնան կեսերն այստեղ տարբեր ժանրերի գեղեցիկ մեղեդիներով ուղեկցվող երգող-պարող շատրվանների ֆանտաստիկ շոու է անցկացվում: Բաց չթողնեք Երևանի մեկ այլ հայտնի տեսարժան վայրը՝ Կասկադ համալիրը, որտեղի դիտակետից դեպի քաղաք բացվում է չքնաղ տեսարան, որը կարող եք լավագույնս վայելել գիշերը, երբ քաղաքը գեղեցիկ լուսավորում է ստանում:
2. Մեգերյան Կարպետ գորգերի գործարան
50-60 րոպե
Գորգերը մշտապես եղել են հայկական մշակույթի արտահայտման յուրահատուկ միջոց: Մեգերյան ընտանիքն արդեն չորս սերունդ շարունակ զբաղվում է արևելյան բարձրորակ գորգերի վաճառքով, նորոգմամբ, ինչպես նաև արտադրությամբ: Հայ ընտանիքը գորգերի վաճառքի գծով իր բիզնեսը հիմնել է ԱՄՆ-ում 1917թ.-ին և կարճ ժամանակահատվածում դարձել առաջատարը՝ գորգերի նորոգման ոլորտում: Հաշվի առնելով դիզայնի նոր միտումների հանդեպ աճող պահանջարկը և ձևավորված բարձր հմտությունները՝ Մեգերյան ընտանիքի անդամներն ընդունում են դեկորատիվ գորգերի սեփական արտադրություն ստեղծելու մասին որոշումը: «Մեգերյան Կարպետ» գորգերի գործարանում ներկայացված է հայկական մշակույթին բնորոշ տարատեսակ զարդանախշերով գորգերի հարուստ հավաքածու: Այնտեղ պահվող ամենահին գորգը պատկանում է 17-րդ դարին:
3. Սովետ Ակումբ
50-60 րոպե
Հայկ Բիանջյանը հանդիսանում է Սովետ ակումբի ստեղծման գաղափարի հեղինակը, վերջինս սկսած 2003թ.-ից, հավաքագրելով Խորհրդային Հայաստանի կենցաղը բնութագրող տարատեսակ իրեր, սկսել է դրանք ցուցադրել միակն իր տեսակի մեջ ակումբում: Այստեղ հայտնվելով՝ ցանկացած մարդ կարծես տեղափոխվում է սովետական ժամանակաշրջան: Այցելուները կարող են փորձել այդ շրջանի հայտնի ճաշատեսակներ, կարդալ բացառիկ արխիվային նյութեր, խաղալ սովետական խաղային ապարատներով, երթևեկել սովետական «Վոլգա» մակնիշի տաքսի ավտոմեքենայով և շատ ավելին: Հատկանշական է, որ ցուցադրվող Էքսպոնատներից շատերը պահպանվել են մեկական օրինակով։
* Նշված մուտքավճարից բացի առաջարկվում են նաև այլ արժեքներով փաթեթներ:
* Ամրագրումները կատարվում են նախապես:
* Նշված մուտքավճարից բացի առաջարկվում են նաև այլ արժեքներով փաթեթներ:
* Ամրագրումները կատարվում են նախապես:
Ներառված է
- Փորձառու էքսկուրսավար՝ ԱՆԳԼ + ՌՈՒՍ հաջորդաբար
- Շշալցված ջուր և թխվածքներ
- Wi-Fi տրանսպորտում
- Օդորակիչով մեքենաներ
- Մուտքի տոմսեր
- Տրանսպորտային միջոցի և ուղևորների ապահովագրություն
Ներառված չէ
- Ճաշի համար կանգառ
- Փոխադրում հյուրանոց (վերջնակետը՝ մեր գրասենյակ)
Առանձնահատկություններ
- Ծանոթացեք Երևանի գլխավոր տեսարժան վայրերին՝ զբոսնելով էքսկուրսավարի ուղեկցությամբ
- Բացահայտեք հայկական գորգագործության գաղտնիքները «Մեգերյան Կարպետ» գորգերի գործարանում
- Հիացեք հնագույն գորգերով և հետևեք վարպետների աշխատանքի ընթացքին
- Զգացեք անցյալի շունչը յուրահատուկ ներքին հարդարանքով և ուրույն ցուցանմուշներով լի Սովետ Ակումբում
Հաճախ տրվող հարցեր
Արդյո՞ք այս էքսկուրսիայի ընթացքում երկար ենք քայլելու:
Ծրագիրը ներառում է մոտ մեկ ժամ զբոսանք՝ քաղաքի ողջ հմայքն ու պատմությունը լիարժեք վայելելու համար: Խորհուրդ կտանք կրել հարմարավետ կոշիկներ։
Ի՞նչ է ներառում այցը Մեգերյան Կարպետ գորգերի գործարան:
Այցելուները կունենան հետաքրքրաշարժ շրջայց գորգագործության արհեստանոցներով, որտեղ կկարողանան ուսումնասիրել արհեստավորների աշխատանքը և ծանոթանալ հայկական ավանդական գորգագործության առանձնահատկություններին: Հյուրերը հնարավորություն կունենան տեսնելու նաև թանգարանի հնաոճ գորգերի հարուստ հավաքածուն. գորգերից ամենահինը թվագրվում է 17-րդ դարով: Այցելուներին կպատմեն բարդ զարդանախշերի հետևում թաքնված ամենայուրահատուկ պատմությունները:
Ինչո՞վ է առանձնանում Սովետ ակումբը:
Այցն այստեղ յուրահատուկ հնարավորություն է սուզվելու խորհրդային դարաշրջանի մթնոլորտ։ Այցելուները կուսումնասիրեն իրական արխիվային նյութեր, առօրյայում օգտագործվող իրեր՝ խոհանոցային սպասք, խաղալիքներ, ռադիո, օծանելիք և շատ ավելին: Հյուրերը կկարողանան փորձել այդ շրջանի հագուստը և, ասես ժամանակի մեքենայով ճամփորդելով՝ գեղեցիկ լուսանկարներ ստանալ:
Քանի՞ հոգուց է բաղկացած լինում այս էքսկուրսիայի խումբը:
Խմբի մասնակիցների թիվը տարբեր է լինում՝ հիմնականում կազմելով մինչև 18 հոգի:
Ամրագրման պայմաններ
Չեղարկում և փոփոխում
Ձեզ կարող է հետաքրքրել նաև՝
909 կարծիք
