Միջերկրական ծովի ափին՝ Մուսա լեռան հարակից տարածքում, կային վեց հայկական գյուղեր, որոնց բնակիչները 1915թ.-ի կոտորածների ժամանակ բարձրանում են լեռան վրա և քառասուն օր շարունակ հերոսական պայքար մղում թուրքերի դեմ: Ահա այս իրադարձություններն է նկարագրել ավստրիացի գրող Ֆրանց Վերֆելը իր հայտնի «Մուսա Լեռան քառասուն օրը» վեպում: Կոտորածից փրկված և աշխարհով մեկ սփռված նախկին մուսալեռցիներից շատերը 1947թ.-ին եկան Արևելյան Հայաստան ու այստեղ հիմնեցին իրենց փոքրիկ ավանը, ուր 1976թ.-ին բացվեց խիզախ մուսալեռցիների հիշատակը հավերժացնող հուշարձանը:
