1985թ.-ին Առինջի բնակիչ Լևոն Առաքելյանն սկսեց իր տանը կից մառան փորել՝ այնտեղ կարտոֆիլ պահելու համար: Հերթական աշխատանքներից մեկի ընթացքում նա տեսիլք է ունենում. կարծես մի ձայն հուշում է իրեն առաջ շարժվել, ավելի խորը փորել... Այդ ամենի արդյունքը դարձան պեղումները, որ տևեցին 23 տարի: Ամբողջ ընթացքում Վարպետ Լևոնի համար որպես գործիք էին ծառայում սեփական ձեռքերը, մուրճը և մի քանի այլ իրեր: Այժմ դա զարմանալի մի քարանձավ է՝ 21 մ խորությամբ, 300 քառ. մ մակերեսով, որի զարդարելու համար օգտագործվել են հետաքրքիր և եզակի ճարտարապետական լուծումներ: Վարպետը մի քանի տարի է, ինչ մահացել է, սակայն իր աշխատանքը մինչ օրս շարունակում է զարմացնել բոլոր այցելուներին:
