Տեղերի վանքը գտնվում է Արագած լեռան հարավային լանջին: Եկեղեցուց և գավթից բաղկացած այս վանական համալիրը կառուցվել է 13-րդ դարի առաջին կեսին` իշխան Վաչե Վաչուտյանի կնոջ՝ Մամախաթունի հովհանավորությամբ: Իր ճարտարապետական հորինվածքով աչքի է ընկնում գավիթը, որի տանիքին` հարավ-արևմտյան և հյուսիս-արևմտյան անկյուններում, կառուցված են մեկական մատուռանման եկեղեցիներ: Հայկական ճարտարապետության մեջ Տեղեր վանքի գավիթը, շնորհիվ իր յուրահատուկ կառուցվածքային մտահղացման, առանձնակի տեղ է գրավում: Համալիրի տարածքից սքանչելի տեսարան է բացվում դեպի Բյուրականի աստղադիտարանը:
