Վայոց Ձորի մարզում՝ լեռնային բնության գրկում է գտնվում Սպիտակավոր Սբ. Աստվածածինը: Այն հիմնականում կառուցվել է 13-րդ դարում՝ Պռոշյան իշխանների կողմից: Եկեղեցին կանգուն է և ճարտարապետական մեծ հետաքրքրություն է առաջացնում: Իր պատմական, կառուցողական և գեղագիտական հատկանիշներից բացի եկեղեցին հայտնի է նաև որպես նվիրական ուխտատեղի, քանի որ այդ տարածքում՝ հարավային պատի մոտ է գտնվում ազգային հերոս, գաղափարական առաջնորդ, զինվորական ու քաղաքական գործիչ Գարեգին Նժդեհի գերեզմանը:
