Միջնաբերդ Ալկոն պրեմիում դասի ալկոհոլային խմիչքներ արտադրող ընկերություն է, որը գտնվում է Երևանում: Այն ներկայացնում է բարձրորակ Միջնաբերդ մրգային թորվածքներ, Ակում գինիներ ու լիկյորներ: Մեր արտադրանքը հնագույն ավանդույթների ու նորագույն տեխնոլոգիաների յուրահատուկ համադրության արդյունքն է և արտահայտում է հայկական էնդեմիկ մրգերի բացառիկի համը:
Գործարանի արտադրամասերով շրջագայության ընթացքում կծանոթանաք բրենդի ստեղծման պատմությանը, հայկական ալկոհոլային խմիչքների արտադրության ավանդական և ժամանակակից մոտեցումներին, իսկ համտեսի սրահում կբացահայտեք գինիների և թորվածքների բացառիկ համը: Համտեսի ընթացքում մատուցվում է պանրի ափսե, հացիկեր, չրի և ընդեղենի տեսականի:
- Տարբերակ 1՝ էքսկուրսիա և 3 տեսակ գինիների համտես. Արենի չոր, Ոսկեհատ չոր, Նռան կիսաքաղցր՝ անձը 5 000 AMD;
- Տարբերակ 2՝ էքսկուրսիա և 3 տեսակ թորվածքի համտես. Հոնի, Ծիրանի, Թթի՝ անձը 5 000 AMD;
- Տարբերակ 3՝ էքսկուրսիա և 5 տեսակ գինիների համտես. Արենի չոր, Ոսկեհատ չոր, Նռան կիսաքաղցր, Արենի չոր հնեցված, Կանգուն քաղցր հնեցված և Ծիրանի լիկյոր՝ անձը 9 000 AMD;
- Տարբերակ 4՝ էքսկուրսիա և 5 տեսակ թորվածքի համտես. Հոնի, Ծիրանի, Թթի, Հոնի հնեցված, Ծիրանի հնեցված՝ անձը 9 000 AMD:
Ամրագրելիս՝ խնդրում ենք նշել գինիների, թե թորվածքների համտեսն եք նախընտրում:
Բաց է՝
Երկ - Ուրբ: 11:00 - 17:00
Շաբ: 11:00 - 13:00
