Բերդաքաղաք Մեծամորը գտնվում է Արարատյան դաշտավայրի կենտրոնում` Երևանից 35 կմ հյուսիս-արևմուտք, այն հայկական լեռնաշխարհի հնագույն բնակավայրերից է: Պեղումների ընթացքում բացվել են ժամանակագրական մի քանի շերտեր, որոնք պատկանում են ուշ քարե, բրոնզե, երկաթի դարերին, ինչպես նաև միջնադարին: Տարածքի պեղումները հաստատել են, որ վաղ բրոնզե դարում (մ.թ.ա. 4-3-րդ հազարամյակներ) Մեծամորն արդեն զարգացած քաղաքակրթության օրրան էր: Ըստ դամբարաններում հայտնաբերված կենցաղային ու պաշտամունքային պարագաների` կարելի է եզրակացնել, որ ուշ բրոնզե դարում Մեծամորում արդեն կար դասակարգային բաժանում: Գտնվել են տարբեր երկրների բազմաթիվ մետաղադրամներ ու եգիպտական հիերոգլիֆներով կնիքներ, որոնք վկայում են, որ Մեծամորը դարեր շարունակ գտնվել է առևտրային գլխավոր ճանապարհների խաչմերուկներում: Պեղումների ընթացքում հայտնաբերված գրեթե 22 000 գտածոներ ցուցադրված են բնակավայրի ավերակների կողքին բացված թանգարանում:
|
Մուտք՝
|
1 500 AMD
|
մեկ անձը
|
|
|
|
Էքսկուրսավարի վճար.
|
1-25
|
անձը՝
|
2 500 AMD
|
|
|
26-50
|
անձը՝
|
5 000 AMD
|
|
