4. Ձեր իրավունքները
Սույն Քաղաքականության համաձայն Դուք ունեք ստորև մատնանշված հիմնական իրավունքները.
ՏԵՂԵԿՈՒԹՅՈՒՆՆԵՐ ՍՏԱՆԱԼՈՒ ԻՐԱՎՈՒՆՔ
Դուք իրավունք ունեք ստանալու տեղեկություններ Ձեր Անձնական Տվյալների, Տվյալները մշակելու, մշակելու հիմքերի և նպատակների, Տվյալները մշակողի, նրա գտնվելու վայրի մասին, ինչպես նաև այն անձանց շրջանակի մասին, որոնց կարող են փոխանցվել Անձնական Տվյալները:Դուք իրավունք ունեք տեղեկատվություն ստանալու Ձեր Անձնական Տվյալների մշակման վերաբերյալ, այդ թվում`
- Անձնական Տվյալները մշակելու փաստը հաստատելու և մշակելու նպատակի վերաբերյալ; և (կամ)
- Անձնական Տվյալները մշակելու եղանակների վերաբերյալ; և (կամ)
- այն սուբյեկտների վերաբերյալ, որոնց տրամադրվել կամ կարող են տրամադրվել Անձնական Տվյալները; և (կամ)
- մշակվող Անձնական Տվյալների ցանկի և դրանք ձեռք բերելու աղբյուրի վերաբերյալ; և (կամ)
- Անձնական Տվյալները մշակելու ժամկետների վերաբերյալ; և (կամ)
- Անձնական Տվյալները մշակելու հետևանքով տվյալների սուբյեկտի համար առաջացող հնարավոր իրավական հետևանքների վերաբերյալ:
ԾԱՆՈԹԱՆԱԼՈՒ, ՈՒՂՂԵԼՈՒ ԵՎ ՄՈՌԱՑՎԵԼՈՒ ԻՐԱՎՈՒՆՔ
Դուք իրավունք ունեք ծանոթանալ Ձեր Անձնական Տվյալներին, Ընկերությունից պահանջել ուղղել, ուղեփակել կամ ոչնչացնել Ձեր Տվյալները, եթե դրանք ամբողջական չեն, ճշգրիտ չեն, հնացած են, ձեռք են բերվել անօրինական ճանապարհով կամ անհրաժեշտ չեն մշակելու նպատակներին հասնելու համար:
Դուք իրավունք ունեք Ընկերությունից պահանջել ջնջել Ձեր Անձնական Տվյալները և կանխել դրանց հետագա մշակումը, երբ
- Անձնական Տվյալներն այլևս անհրաժեշտ չեն այն նպատակով, որի համար դրանք ի սկզբանե հավաքվել և (կամ) մշակվել են; և (կամ)
- Անձնական Տվյալների մշակումը հասել է նպատակին; և (կամ)
- հետ է կանչվում Ձեր Համաձայնությունը; և (կամ)
- չկա օրինական հետաքրքրություն մշակումը շարունակելու։
Այդպիսի դեպքերում Ընկերությունը պարտավոր կլինի անհապաղ կամ, անհնարինության դեպքում, 3 օրվա ընթացքում իրականացնել անհրաժեշտ գործողությունները՝ Անձնական Տվյալների ուղղման, ուղեփակման կամ ոչնչացման համար:
Ընկերության կողմից Ձեր Անձնական Տվյալներն ուղղված, ուղեփակված կամ ոչնչացված լինելու վերաբերյալ կասկածների դեպքում Դուք իրավունք ունեք դիմելու Անձնական Տվյալների պաշտպանության լիազոր մարմին՝ դրանց ուղղված, ուղեփակված կամ ոչնչացված լինելու փաստը պարզելու և Ձեզ տեղեկություններ տրամադրելու մասին պահանջով:
ՀԱՍԱՆԵԼԻՈՒԹՅԱՆ ԻՐԱՎՈՒՆՔ
Դուք ունեք Ձեր Անձնական Տվյալների հասանելիության իրավունք, որը թույլ է տալիս Ձեզ տեղյակ լինել և ստուգել Տվյալների մշակման օրինականությունը։
Անձնական Տվյալների վերաբերյալ տեղեկություն ստանալու մասին Ձեր հարցումը կարող է հասցեագրվել [email protected] էլեկտրոնային փոստի հասցեին կամ Հայաստան, Երևան, 0010, Նալբանդյան փողոց, 96 շենք փոստային հասցեին։ Էլեկտրոնային հարցումների դեպքում տեղեկատվությունը տրամադրվում է էլեկտրոնային եղանակով՝ համընդհանուր ձևաչափով հաստատված էլեկտրոնային ստորագրությամբ, իսկ փոստային հարցումների դեպքում՝ հետադարձ փոստային հասցեով։
Պաշտոնական պատասխան ստանալու համար Ձեր հարցումը պետք է պարունակի հետևյալ տվյալները. Տվյալների գրավոր նկարագրությունը, որոնք ցանկանում եք ստանալ, ներառյալ՝ համապատասխան ամսաթվերը, Ձեր անձը նույնականացնող փաստաթղթի պատճենը (լուսապատճենը), օրինակ՝ անձնագիր կամ նույնականացման քարտ:
Տեղեկատվությունը տրամադրվում է գրավոր՝ հարցումն ստանալու պահից 5 օրվա ընթացքում: Տեղեկատվության պատճենը կտրամադրվի անվճար և մատչելի ձևով: Այնուամենայնիվ, Ընկերությունը կարող է գանձել «ողջամիտ վճար», որը հիմնված է տեղեկատվության տրամադրման վարչական ծախսերի վրա, կամ մերժել՝ պատասխանելով գրավոր պատճառաբանված որոշմամբ, երբ հարցումն ակնհայտորեն անհիմն է, հղում կատարելով կիրառելի օրենսդրության դրույթներին, որոնք հիմք են հանդիսացել մերժման համար:
ՀՐԱԺԱՐՎԵԼՈՒ ԻՐԱՎՈՒՆՔ
Դուք իրավունք ունեք հետ վերցնել Ձեր Համաձայնությունը, երբ գտնում եք, որ
- Ձեր Անձնական Տվյալները մշակվում են կիրառելի օրենսդրության պահանջների խախտմամբ; և (կամ)
- Ձեր Անձնական Տվյալների մշակումը խախտում է Ձեր հիմնական իրավունքները և ազատությունները; և (կամ)
- Կայքի, Պայմանների կամ սույն Քաղաքականության փոփոխությունները Ձեզ համար անընդունելի են:
Դուք իրավասու եք հետ կանչել Ձեր Համաձայնությունը, ստորագրված գրավոր նամակ ուղարկելով սույն Քաղաքականության 10-րդ Բաժնով նախատեսված հասցեով, կամ էլեկտրոնային նամակ գրելով՝ նույն Բաժնի էլեկտրոնային փոստի հասցեին, իսկ եթե Կայքում ունեք Հաշիվ, ապա նաև՝ լրացված պահանջ-ձևանմուշ ուղարկելով «Հաշվի Կարգավորումներ» բաժնից: Համաձայնությունից հրաժարվելու նամակ-պահանջը ստանալուց հետո 5 օրվա ընթացքում Ընկերությունը Ձեզ կտեղեկացնի Անձնական Տվյալների ոչնչացման մասին, եթե պահանջը ընդունվի նրա կողմից:
ԲՈՂՈՔԱՐԿԵԼՈՒ ԻՐԱՎՈՒՆՔ
Եթե Դուք համարում եք, որ Ձեր Անձնական Տվյալների մշակումն իրականացվում է կիրառելի օրենսդրության պահանջների խախտմամբ կամ այլ կերպ խախտում է Ձեր իրավունքներն ու ազատությունները, ապա Դուք իրավունք ունեք Ընկերության գործողությունները, անգործությունը կամ որոշումները բողոքարկելու Անձնական Տվյալների պաշտպանության լիազոր մարմին կամ իրականացնելու Ձեր իրավունքների պաշտպանությունը Պայմանների 20-րդ բաժնով սահմանված կարգով։
