Թալինը պատմական Արագածոտն գավառի հնագույն բնակավայրերից է։ Այն հարուստ է վաղ միջնադարի արժեքավոր հուշարձաններով՝ եկեղեցական շենքերով, կոթողներով, խաչքարերով, միջնադարյան կառույցների մնացորդներով։ Հուշարձաններից ամենանշանավորը Կաթողիկե եկեղեցին է։ Ճարտարապետները գտնում են, որ իր կառուցվածքով այն շատ նման է Զվարթնոցի տաճարին, իսկ կառուցումը վերագրվում է Ներսեհ Կամսարականին՝ պատմության մեջ հայտնի «Եկեղեցիներ կառուցող» անունով։
