Լոռվա սքանչելի բնությունը լրացնում է Սուրբ Նիկողայոս Հրաշագործ եկեղեցին: Այն կառուցվել է 1848 թվականին, նեոռուսական ոճով՝ ուկրաինացի կազակների կողմից հիմնված Նիկոլաևկա (այժմ՝ Ամրակից) գյուղի ռուս-ուղղափառների համար։ Եկեղեցին զգալիորեն վնասվել է 1988 թ․-ի Սպիտակի երկրաշարժից և մինչ այժմ չի գործում:
Սուրբ Նիկոողայոս Հրաշագործը համարվում է ժամանակակից Սանտա Կլաուսի նախատիպը։ Սանտան առաջացել է Սուրբ բառից, իսկ Կլաուսը՝ Նիկոլայ անունից, որը հայերեն թարգմանվում է Նիկողայոս: Նիկողայոս Հրաշագործը հայտնի էր իր անսահման բարությամբ: Նա իր հարուստ ծնողներից ստացած ժառանգությունը բաժանում էր աղքատներին։ Ըստ ավանդության, նա Սուրբծննդյան տոնին նախորդող երեկոյան կարիքավորների ծխնելույզներից դրամով լի քսակներ և ուտելիք էր ցած գցում, որոնք հաճախակի ընկնում էին կրակի մոտ չորացող գուլպաների մեջ: Այսպես էլ ձևավորվել է Ծննդյան տոներին գուլպաների մեջ նվերներ դնելու ավանդույթը։ Հարյուրավոր տարիներ անց էլ այս ավանդույթը դեռ պահպանվում է։
