Երևանի Արշակունյաց պողոտային կից են գտնվում Պանթեոնը և Կոմիտասի անունը կրող այգին: Այստեղ իրենց վերջին հանգրվանն են գտել հայ մշակույթի, գրականության, արվեստի մեծանուն ներկայացուցիչները, որոնց թվում են` մեծ երգահան Կոմիտասը, կոմպոզիտորներ Ռոմանոս Մելիքյանը, Արամ Խաչատուրյանը, Առնո Բաբաջանյանը, գրողներ Ավետիք Իսահակյանը, Ալեքսանդր Շիրվանզադեն, Նաիրի Զարյանը, Հովհաննես Շիրազը, Վիլյամ Սարոյանը, դերասաններ Հրաչյա Ներսիսյանը, Հովհաննես Աբելյանը, Մհեր Մկրտչյանը, Ավետ Ավետյանը, Վահրամ Փափազյանը, ճարտարապետներ Ալեքսանդր Թամանյանը, Թորոս Թորամանյանը, պատմաբան Առաքել Լեոն և այլք:
