Բյուրականի աստղադիտարանը հիմնադրվել է 1946 թ.-ին՝ լեգենդար գիտնական Վիկտոր Համբարձումյանի կողմից: Հիմնադրման պահից մինչ օրս այստեղ կատարվել են բազմաթիվ կարևոր հայտնագործություններ, և այժմ աստղադիտարանը բաց է նաև Ձեր այցի համար: Բյուրականի աստղադիտարանը գիտական համայնքի կողմից ճանաչված է որպես աստղաֆիզիկական հետազոտությունների հիմնական կենտրոններից մեկը:
Այստեղ հնարավորություն կա 2.6 մ հայելու տրամագծով աստղադիտակով ուսումնասիրել տիեզերքը, դիտել տարատեսակ տեսաֆիլմեր աստղացուցարանի միջոցով, մասնակցել աստղագիտական ցանկացած երևույթի մասին հանրամատչելի դասախոսությունների, ուսումնասիրել գիշերային երկինքը պրոֆեսիոնալ աստղադիտակով և շատ ավելին:
Նշված 4 500 AMD խմբային մուտքավճարի արժեքը վերաբերում է Վ. Համբարձումյանի տուն-թանգարանին՝ 1-5 այցելուի դեպքում: 6 և ավել այցելուների դեպքում յուրաքանչյուր հաջորդ հյուրի մուտքի տոմսի արժեքը հաշվարկվում է 900 AMD: Մենայցի արժեքը նույնպես 4 500 AMD է: Այլ սրահների այցի վճարը հաշվարկվում է առանձին:
Բոլոր տեսակի ամրագրումները կատարվում են նախապես:
|
Մուտքը.
|
3 500 AMD
|
մեկ անձը
|
|
|
