Բոլորաբերդը կամ Պռոշաբերդը Վայոց Ձորի մարզի ամենահայտնի միջնադարյան ամրոցներից մեկն է: Կառուցվել է 13-րդ դարում՝ ք. Վերնաշենից ոչ հեռու գտնվող զառիվեր մի ժայռի վրա: Ամրոցը եղել է իշխան Պռոշ Խաղբակյանի նստավայրը: Այն ուներ բազալտե պատեր, ջրի մատակարարում, զբաղեցնում էր ընդհանուր մոտ 1.5 հա տարածք: Ներկայումս պահպանվել են ամրոցի պատերի ու աշտարակների մի մասը միայն:
Ըստ ավանդության՝ Պռոշ իշխանը, հարձակումներից վախենալով, իր գանձերը թաքցրել է ամրոցի պատերում և մոտակայքում տեղակայված սարերում: Ասում են, որ իշխանի թողած արձանագրությունը ճիշտ մեկնաբանելու դեպքում, հնարավոր է գտնել այդ գանձերը:
Ամրոց հասնելու համար անհրաժեշտ է որոշակի տարածություն ոտքով բարձրանալ: