Տափի բերդը կամ Գևորգ Մարզպետունու ամրոցը (Մարզպետունին միջնադարյան Հայաստանի հայտնի հրամանատարն էր) գտնվում է Արարատի մարզում՝ Խոսրով գետի ափին: Կառուցվել է 10-րդ դարի առաջին քառորդում, իր ժամանակաշրջանի համար այն մեծ ճարտարապետական արժեք է ներկայացնում: Բերդապատերի ներսում կա 13-րդ դարին վերագրվող եկեղեցի, որը 1496թ.-ից պատմության մեջ հիշատակվում է որպես գրչօջախ: Եկեղեցին շրջապատում են դարեր անցած գերեզմանաքարեր և խաչքարների բեկորներ:
2008-2009թթ.-ին Տափի բերդը և եկեղեցին վերականգնվել են:
