Ստեփանավանի Դենդրոպարկը Հարավային Կովկասում միակն է, որ բնական անտառից վերածել են այգու: Ընդհանուր տարածքի միայն մի մասի վրա են տեղակայված էկզոտիկ և յուրահատուկ բույսեր, իսկ գերակշռող մասը մինչ օրս զբաղեցնում է բնական անտառը: Սոճիների եթերայուղի շնորհիվ օդն այստեղ շատ օգտակար է շնչառական խնդիրներ ունեցող մարդկանց համար:
Դենդրոպարկի ավելի քան 500 բուսատեսակներից առանձնանում են կալիֆորնիական սեքվոյաները, ինչպես նաև եղևնիների բացառիկ ջերմոցը: Այգում կա գեղեցիկ փայտե կամուրջ, որի վերաբերյալ այցելուներն ունեն ավանդույթ, ըստ որի, առաջին անգամ կամրջով անցնելիս կարելի է երազանք պահել, որն անպայման կիրականանա:
